GELESIA 6:1 - NITI GONTU N.T. (BSI)

¹ Anubarmii atañ, miyu mi matiirḛ palle dopa latu lyimilo, nunu hutiina yajiyallo ho danii mohmi yajiyallo ka ahhakeyiñ lo lulyañ to. Atoh mitrḛ nunu kaka siito, hiilamakoda nunu tiirḛ tenka kodii ke.

GELESIA 6:1 ပူးပေါင်းရင်းမြစ်များ

ROM MIKA POL KA SIITI KENIIÑ 15:1

Ngunu hutiina alḛr nyadonii hembyuñ kendoke ajju atañmi, ho ngunu kontii hempyo miipa siikiñ make;

2 TESOLONIA 3:15

Mohmi ahha banii hiilyañ kalya yo, hojalo luluñ tolya anubarmii pa hembiidola.

2 TIMOTI 2:25

mohmika cheriibomi ahhakeyiñ lo lulyañ biidola. Rongkoda Pinii mohlumi henkur dopa ho jije mi chindopa binedo,

1 JON 5:16

Hu kone jalopa matiirḛ mohka anubarmii mi miigyala dopa kapa talyi hiika ingyamiigya niihii shiigii kema koda, mo kukiñdo, ho Pinii mohmi sango bikiñdo hiika atañmi huka ingyamiigya na shiigii kemanii. Ingyamiigya tonge do niihna shiigii kendonii; Ngo hiila luma lyike kone hiipa kubikendo hiila.

2 KORINTIA 2:7

Hopa nunu hiilamapa mohmi hello ho hembyuñ toku, malo hiilamapa mo urohaja heru kiine diike.

HIBRU 12:13

ho lembo mi parda pa miito nunuka alih kiipa, niimpalukoda liichabomi inji mapa lyima dopa hojalo hiilamapa miipya kodo paya.

1 PITAR 3:15

hojalo nunuka ahha ho Kristo mi Attoh hiila khiito. Kiirañ hemmyo giila dato lya lupya siina naniipa huna nunumi gyola lala nunu koka hentiñ giiniimi taka donii, hojalo hiimi ahhakeyiñ lo ho khiibiidola miito;

ROM MIKA POL KA SIITI KENIIÑ 14:1

Henje papo giinii miyu mi, mohmi ahgiito, hojalo lukaniimi chesu dupa mapa.

1 KORINTIA 10:12

Hopa kone abi huna hensu donii mo da hiila hii hendito hiila makoda giihi diike.

1 KORINTIA 4:21

Nunu nii hiila hendo? ngiimi nunuko lopa biila ahto hiila hendoha, malo hensunii yajiyallo ka ahhakeyiñ miha?

JEMS 3:2

Niimpalukoda ngunu abuje miikha nyadu, ho hu jalopa matiirḛ miikha miika ma mohka luniiñ ho hii digoabiaya miyu ke, hikha atoh apo mitrḛ kagur siila kendo.

2 KORINTIA 10:1

Ngo, Pol, ngo loda nunumi yardu, Kristo ka yanu ho ahhakeyiñ mi giitola-ngo huna yanu dunii nunuka agiñ hoka dalyiho, hojalo haro dunii nunupa niida ngo nunu agiñho datema!

METHU 9:13

Inge ho chingii siikasi nii hiisa niimipe, ‘Ngo aroh ke anna donii, ho membi niimi make.’ Niimpalukoda Ngo denki atañmi gyopa ahma ke, hojalo ingyamiigyanii atañ mike.”

1 KORINTIA 14:37

Mi kone matiirḛ hendo koda mo nyibuhenii hiila, malo yajiyallo ho danii hiila, mohmi chinke nento niihna ngo ketiinii hii Attoh kokiika miitolya lunii hiila.

1 KORINTIA 7:5

Kone anya mi ma hiila lulyayo hojalo talii siibii dola myodu myolo mi kabii dola, niimpalukoda niinyi kuniiñ ho henga dupa; hojalo hiira anyeru adiñ siito kulya, hiilamakoda Saitan tenkalarka kendoke hendimiidi papo kopa.

1 KORINTIA 2:15

Yajiyallo miyu hii hikha drih mi kaladu, hojalo mo kone lotrḛ halii koma du.

ROM MIKA POL KA SIITI KENIIÑ 8:6

Punyu mi asiialyo dalyi henga dopa miiniiñsi shiigo ke, hojalo punyu mi Yajiyallo kii dalyi henga dopa miiniiñsi sango la chimie ke.

METHU 11:29

Ngiika halemi nunu bagiito, ho ngiiko hokii chingiihe; niimpalukoda Ngo chimeeñ ho yanu ahha giiduke, ho nunu nunuka yalloka hemmo komi kappa kendoke.

JEMS 3:13

Hu chila ho chiniiñ nunuka punko hokii? Mohka denki sanjulo mohka miigo miiniiñmi kakiñ kiineto chila ka chimeeñyanu lo.

HIBRU 13:3

Hempa nyato hutiina patiihude ho dunii, mohluka agiñho patiihude hoka dubo donii hiilyañ; ho huna ayamapa miikobiidonii, niimpalukoda nunu apo mika miibii donii hiilyañpa.

GELESIA 5:23

ahhakeyiñ, hendimiidi; siika atañmi chekhola hang dapo nyima.

1 KORINTIA 3:1

Hojalo ngo, anubarmii atañ, nunumi ngo gyola kemarañ yajiyallo ka miyuatañ hiila, hojalo asiialyo ka miyuatañ, Kristo koka himme atañ.

METHU 26:75

Ho Pitar Jisu ka luniiñmi hempa ritii, “Paro khoma rampa, no ngiimi rohiñhe mapah kendo.” Ho mo hempḛr uropa khejo biila intiiku.

METHU 26:69

Siisi Pitar byago ka agoho dutii. Ho nyimii miira mohka aruñ ahtii, ho lutii, “No tiirḛ Galili daka Jisu agiñho dane.”

GELESIA 6:18

Attoh Jisu Kristo ka aroh-aya hii nunuka yajiyallo agiñho dabo kencho, anubarmii atañ. Amen.

1 TESOLONIA 4:1

Kamijapa, anubarmii atañ, ngunu nunumi yarlyike ho harolupa lyike Attoh Jisu ko, nunu ngunu kokii chingiine niihtañpa sankiñ do ho Pinii mi hempyo miipa kendo, nunuka siisi ka miichañho, nunu sitañpa abu yaya miito.

2 KORINTIA 2:8

Hopa ngo nunumi yarlyi ke nunuka mohpaka hensu niimi hentitoku.