GELESIA 5:13 - NITI GONTU N.T. (BSI)

¹³ Niimpalukoda nunumi dasḛrkiine dupa hiila gyotii, anubarmii atañ; nunuka dasḛr mi nunuka asiialyo ka miigopa miina nayo, hojalo hensuniilo kone anya ka miira pa lyisuto.

GELESIA 5:13 ပူးပေါင်းရင်းမြစ်များ

1 PITAR 2:16

Dasḛr miyu hiilyañ santo, hojalo nunuka dasḛr mi diimmah miiju mi miigiñ naniiñpa biite mapa; hojalo Pinii miira hiilyañ santo lya.

1 KORINTIA 9:19

Niimpalukoda ngo hikha miyuatañ kokii dasḛr siido, ngo atohmi hikha ruka miira pa miisutii, niimpalukoda ngo abuyapa lumiñ biidu pa hiila.

1 KORINTIA 8:9

Hendi laya hendito hiilamakoda siika niimika atoh henko miila dopaka biniiñsi niitañpajalo ajju nii atañmi liichi dopa lya lyigii kendoke.

GELESIA 5:14

Niimpalukoda hikha dapo hii aguñ gonge ho lyipedo, “Nunu atohka ariapii mi atoh mika hensu henchañho hento.”

IPISIA 5:21

Kone anyañmi tiilii siitolya Kristo mi khiibii dola.

GELESIA 6:2

Kone anyañka alluaba baniiñ mi hembo siito, ho Kristo ka dapo mi miipeto.

JUD KA SIITI KENIIÑ 1:4

Niimpalukoda mih chimapa tonge ahnyatola du hutiina ayujaho hokii khiikotola dotii kunii siika haliikosako, piniihenjumanii miyuatañ hutiina Pinii ka aroh-aya mi ngogii donii hensamanii heniiñho ho mapa do ngunuka kone kontii Atoh mi ho Attoh, Jisu Kristo mi.

2 PITAR 2:19

Mohlu mohlumi dasḛrmi hemme bisudo, hojalo mohlu atohlya diimu niika miirapa lyinyada; niimpalukoda nii jalo miyumi miimiñ biido, hiika mo miira pa lyida

2 KORINTIA 4:5

Niimpalukoda niihna ngunu tonsḛrkhenyo donii hii ngunu atoh mima ke, hojalo Jisu Kristo mi Attoh hiila, ngunu atohmi nunuka miira atañ hiila Jisu kiipa.

MIINIIÑ 20:35

Hikha drih atañ ho ngo nunumi kakiñtii heru biidola kone mi hembyuñ tolya huna ajjudonii, Attoh Jisu ka aguñ luniiñ atañmi hempa biidola, niihtañpa mo lune, ‘Siikasi abuyapa lyanko kendo binii hii lanii mi hentola.’”

GELESIA 5:22

Hojalo Yajiyallo ka ahee hii hensu nii, hempyo, chimie, pigiinii, helakala, aya, lotii,

LUK KA AYAPUYU 4:18

“Attoh ka Yajiyallo ngiiko do, niimpalukoda ngiimi mo arrḛyartiiku aya puyu mi arro atañmi tonsḛrkhenyo kiine dupa. Mo ngiimi kiiniñtii gyuko niipa miyudornii atañ mika tupya kosaniimi ho micha atañka mida kusaniimi, hutiina hensḛrkadu la danii hiimi dasḛrpa dake nendupa hiila,

GELESIA 4:22

Niimpalukoda hiila ketii Abraham kii oho anye dune hiila, kone miira loka ho kone hii dasḛr nyimii loka bukonii.

1 TESOLONIA 1:3

hempadu ngunuka Pinii la Aba nyika hataho nunuka henje ka miigo miiniiñmi ho hensu laka miiniiñmi ho ranttiniiñ hentiñ giiniimi ngunuka Attoh Jisu Kristo ko.

2 KORINTIA 12:15

Ngo hempḛr hempyo biidola miipa talyi ho miipa talyi nunuka yallo atañpa. Ngo matiirḛ nunumi uropa hendo koda, ngo lamapa henko kendo peha?

2 KORINTIA 3:17

Siisi Attoh Yajiyallo ke, ho nohna Attoh ka Yajiyallo danii, hiiko dasḛr hii dodu.

GELESIA 2:4

Hojalo gollunii anubarmii atañ ahsiela ura ho ahla, hiikahii rohnii pa lyila chintii ngunuka dasḛrpa Kristo Jisu koka danii mi, mohlu ngunumi miira pa ahgii dupa hiila,

GELESIA 5:1

Niimpalukoda dasḛr kiinedupa Kristo ngunumi dasḛr pa miibitii; hopa alḛrpa dato, ho hiira tiilii siiyo miira pa.

2 KORINTIA 2:8

Hopa ngo nunumi yarlyi ke nunuka mohpaka hensu niimi hentitoku.