GELESIA 5:1 - NITI GONTU N.T. (BSI)

¹ Niimpalukoda dasḛr kiinedupa Kristo ngunumi dasḛr pa miibitii; hopa alḛrpa dato, ho hiira tiilii siiyo miira pa.

GELESIA 5:1 ပူးပေါင်းရင်းမြစ်များ

2 KORINTIA 3:17

Siisi Attoh Yajiyallo ke, ho nohna Attoh ka Yajiyallo danii, hiiko dasḛr hii dodu.

GELESIA 5:13

Niimpalukoda nunumi dasḛrkiine dupa hiila gyotii, anubarmii atañ; nunuka dasḛr mi nunuka asiialyo ka miigopa miina nayo, hojalo hensuniilo kone anya ka miira pa lyisuto.

1 PITAR 2:16

Dasḛr miyu hiilyañ santo, hojalo nunuka dasḛr mi diimmah miiju mi miigiñ naniiñpa biite mapa; hojalo Pinii miira hiilyañ santo lya.

ROM MIKA POL KA SIITI KENIIÑ 6:14

Niimpalukoda ingyamiigya hii nunumi domiñ biila keñku make, niimpalukoda nunu dapo ka ura ho nyiku make hojalo aroh-aya ka ura hoke.

ROM MIKA POL KA SIITI KENIIÑ 8:2

Niimpalukoda Yajiyallo ka dapo ka sango, Kristo Jisu koka doniihii ngiimi tupya tiiku ingyamiigya la shiiniiñ ka dapo hokii.

GELESIA 4:9

hojalo siisi nunu Pinii mi chindo ku, malo Pinii lo chinko doku, niihtañpa nunu inkur kupa ajju ho myadonii yajiyallo ko, niimpa hiira nunu rongeta miira pa lyinado?

HIBRU 10:23

Kiije ngunu giikañ ari giisa ngunuka hentiñ naniiñ mika khako siiniiñmi alyemapa, niimpalukoda mo huna hemme bitiinii hii lotii ke;

GELESIA 2:4

Hojalo gollunii anubarmii atañ ahsiela ura ho ahla, hiikahii rohnii pa lyila chintii ngunuka dasḛrpa Kristo Jisu koka danii mi, mohlu ngunumi miira pa ahgii dupa hiila,

GELESIA 4:31

Hopa, anubarmii atañ, ngunu miira ka oho make hojalo dasḛr nyimii ka oho ke.

MIHUKAKIÑNIIÑ 3:3

Hempa nyato niihna nunu larii tiinii ho tapatiinii; hiimi atii biito, ho henkur nyato. Nunu matiirḛ huro makoda, ngo diipyonii hiilyañ ahchi, ho nunu chinkiñ make nii myodu ho ngo nunuko ahchi hiila.

2 PITAR 2:19

Mohlu mohlumi dasḛrmi hemme bisudo, hojalo mohlu atohlya diimu niika miirapa lyinyada; niimpalukoda nii jalo miyumi miimiñ biido, hiika mo miira pa lyida

1 KORINTIA 16:13

Hendila datolya, nunuka henje ho alḛrpa datolya, harotolya, tamo tolya.

ROM MIKA POL KA SIITI KENIIÑ 7:6

Hojalo siisi ngunumi dapo hokii apalintiiku, niimpalukoda nii hona ngunumi nyima latu tola dotiinii hokii ngunu shiitii ku, Hopa ngunu bilo ka khu keto laka dapo donii hiilyañ miiho make hojalo Yajiyallo ka niti sango hoke.

ROM MIKA POL KA SIITI KENIIÑ 6:18

ho, ingyamiigya hokii tupya koku lala, denki ka miira pa lyido ku.

MIINIIÑ 15:10

Siisi hopa niimpa nunu Pinii mi tenka da henjeajiñ atañka langu ho halii mi jocha la nii mina ngunuka aba atañ malo ngunu jola manii?

1 KORINTIA 7:22

Niimpalukoda huna Attoh ka gyolyi ho miirapa datiinii hii Attoh ko tupya konii miyu hiilyañke. Hiichulipa huna tupya kotola datiinii hii gyolyi ho hii Kristo ka miira ke.

JUD KA SIITI KENIIÑ 1:3

Heniiñja, nunumi hempḛr kenañla ngunuka miilañrupaka sangopyako mi, ngo siimi kekiñ do loda hiila kapa biido nunumi yarla henjemi hembyañ rembiito nii mina ronge pada hikha piniimiyu atañmi biliñtiinii.

PILIPIA 1:27

Nunuka sango ka henjumiiju miya Kristo ka ayapuyu ka khiiniiñ kiipa atiito, niimpalukoda ngo ahla ho nunumi kapajalo malo kapa majalo, ngo tapa dupa nunu alḛrpa dasudake yajiyallo konepa, ahha puhepa giila henje ka ayapuyu miihiñ nyasuda hiila,

IPISIA 6:14

Hopa gurito, niika giigya mi jijelo apu giito, ho denki mi habyañsiitiñ naniiñpa,

MIHUKAKIÑNIIÑ 2:25

niihna nunuko donii hiimi kontii biito, nii dahepa ngo ahtema.

HIBRU 4:14

Hiiko hokiija ngunukii kaye bukuñ nyibu duku huna dariiganda mi impo biila intiinii, Jisu Pinii ka Oho, kiije ngunuka khako niimi khakañ ari khasa.

HIBRU 3:14

Niimpalukoda ngunu Kristo ko tache siidu, ngunu matiirḛ ngunuka kapyo daka hatii mi abyu mapa gabii tola dokoda kamikalo lohe,

HIBRU 3:6

hojalo Kristo lotii tii Pinii ka ude ho oho pa lyila. Ho ngunu mohka ude ngunu matiirḛ ngunuka hatii la hentii nyimi biitola dukoda ngunuka hentiñho.

2 TESOLONIA 2:15

Hiikohopa, anubarmii atañ, alḛrpa dato ho miiju mi biito nii mina nunumi ngunu tonsḛr tiinii, aguñ lubiidola malo siiti kebii dola jalo.

1 TESOLONIA 3:8

niimpalukoda siisi ngunu sando, nunu matiirḛ Attoh ko alḛr pa dado koda.

GELESIA 4:26

Hojalo Jerusalem ayoh dakii dasḛrdo, ho mo ngunuka annii.

GELESIA 3:25

Hojalo siisi henje hii ahdoku, ngunu kabiiboka ura doku make;

1 KORINTIA 15:58

Hopa, ngiika heniiñja anubarmii atañ, ranttito, abyukomapa, kiirañ Pinii ka miigomi miingu mapa miito, chimbiidola Attoh koka niika miiniiñ hii piigo ama lyikiñ ma hiila.

METHU 23:4

Mohlu hempḛr hiigii aie aba da, bala madopa, ho hiimi miyu ka dinta ho aba lala, hojalo mohlu hiimi lahchi ohe tiirḛ tenka moma

ROM MIKA POL KA SIITI KENIIÑ 7:3

Hopa, mohmi ipfyo nii hiila lukiñdo mo matiirḛ millo turla durañpa khiibe miloboka agiñho dubo dokoda. Hojalo mohka millo matiirḛ shiine kukoda mo dapo hokii tupya kotiiku, ho mo matiirḛ koneya millo biidokoda mohmi ipfyonii hiila lukiñma.

ROM MIKA POL KA SIITI KENIIÑ 8:15

Niimpalukoda nunu miira lyigiibo yajiyallo mi larii make hiira biiso dupa, hojalo nunu oho lyidu paka yajiyallo mike larii tiinii. Niida ngunu gyochi, “Abba! aba!”

2 KORINTIA 11:20

Niimpalukoda nunu pigii nyada miyuatañ nunumi miira pa miibii dojalo, malo nunupa gyoh pesu tiijalo, malo nunumi diimiñlumiñ biido jalo, malo kamikalo siido jalo, malo moru ho pita biidojalo.

LUK KA AYAPUYU 5:38

Hojalopa roalha ajañ mi dije niti hosu hilii kensu donii.