GELESIA 4:6 - NITI GONTU N.T. (BSI)

⁶ Ho niimpalukoda nunu oho atañ ku, Pinii kiiniñtii mohka oho ka Yajiyallo mi ngunu ahha ho, gyobiidola, “Aba! Aba!”

GELESIA 4:6 ပူးပေါင်းရင်းမြစ်များ

ROM MIKA POL KA SIITI KENIIÑ 5:5

ho hentiñnanii hii ngunumi heru miipama, niimpalukoda Pinii ka heniiñmi ngunuka ahha ho bito kula doku Darii Yajiyallo lo nii mina ngunumi bitii kunii.

ROM MIKA POL KA SIITI KENIIÑ 8:9

Hojalo nunu asiialyoho damake, nunu Yajiyallo hoke danii, jijeloda Pinii ka Yajiyallo matiirḛ nunuko giido koda. Hujalo kone Kristo ka Yajiyallo mi giima hii mohkiima ke.

PILIPIA 1:19

Ḛh, ho ngo hempyo talyi. Niimpalukoda ngo chindo nunuka kuniiñ lo ho Jisu Kristo ka Yajiyallo ka hembyuñ niilo siikasi ngiimika tupya naniiñpa lyigii kendo,

IPISIA 2:18

niimpalukoda mo kiilo ngunu anyeru ahlado Yajiyallo konepa Aba ko.

2 KORINTIA 3:17

Siisi Attoh Yajiyallo ke, ho nohna Attoh ka Yajiyallo danii, hiiko dasḛr hii dodu.

IPISIA 4:30

Ho Pinii ka Darii Yajiyallo mi heru miipa lyayo, huko hona nunumi tiiho tola dokunii tupyabiniiñ allo hopa.

JUD KA SIITI KENIIÑ 1:20

Hojalo nunu, heniiñja, attohpa pencha siito nunuka hempḛr darii henjeho; Darii Yajiyallo ho kutolya;

JON KA AYAPUYU 16:7

Hojalo ngo nunumi jije mi lukoso: siikasi nunuka aya kiipa ke ngo ile lyiniiñ, niimpalukoda ngo matiirḛ ima koda, Hembyuñnii nunuko ahkiñma; hojalo ngo matiirḛ indo koda, ngo mohmi nunuko kiiniñ bichi.

JON KA AYAPUYU 14:16

Ho ngo Aba mi kuchi, ho mo nunumi Hembyuñnii koneya bikiñdo, nunuka agiñho ayu dahepa dabo niipa,

LUK KA AYAPUYU 11:13

Ho nunu matiirḛ diimmah siidotrḛ, chindo niihtañpa aya ahmiñayiñ nunuka wiinga atañmi bikiñdo hiila, niimkane abu dariiganda daka Aba bikiñdo Darii Yajiyallo huna mohmi kuchinii!”

2 KORINTIA 1:22

mo mohka tiihonanii lo ngunumi tiihotii ho ngunumi mohka Yajiyallo mi bitii ngunuka ahha ho hentiñ naniiñpa.

JON KA AYAPUYU 15:26

Hojalo niidana Hembyuñnii ahchinii, humina ngo nunuko Aba kokii kiiniñ talyinii, jije ka Yajiyallo mitrḛ, huna Aba kokii lindonii, mo ngiipa haki lyibi kendo;

LUK KA AYAPUYU 11:2

Ho mo mohlumi lutii, “Nunuka kulyiho, luto: “Aba niika armyañ mi kaye kiinesa. Niika raddeganda mi ahkenento.

JON KA AYAPUYU 3:34

Niimpalukoda humina Pinii kiiniñ tiinii Pinii aguñ luliñla doku, niimpalukoda khuka biidola mo yajiyallo mi bimake;

1 PITAR 1:11

mohlu takatara nyatii niihtañ miyu na malo myodu mina Kristo ka Yajiyallo kakiñ tiinii mohluka ura ho Kristo ka heru hensa niimila ho hiika hiiba hoka tatukatu mi.

IPISIA 6:18

Kiirañ kuto lya Yajiyallo ho, hikha kuniiñ ho arohtapa paka kuniiñ agiñho. Kami lyihepa pigii biidola alḛrpa datolya, hikha piniimiyu atañpa arohtapa kubi tolyo,

MIHUKAKIÑNIIÑ 19:10

Ho ngo mohka alih ho giihi to mohmi herii dupa, hojalo mo ngiimi lune, “No hiila miiyo! ngo nochitañ miira ahiñke ho niika anubarmii hiilyañ hutiina Jisu mika pyako niimi badonii. Pinii mi heriito.” Niimpalukoda Jisu mika pyako niisi nyibuheniiñ ka yajiyallo ke.

IPISIA 1:13

Mohko nunu tiirḛ, hutiina jije ka aguñmi tapa tiinii, nunuka sangopyako ka ayapuyu mi, ho mohmi henjetii, ho tiiho tola dotiiku hemme biniiñ Darii Yajiyallo lo,

1 KORINTIA 15:45

Hopa hiila ketola do, “Kapyo ja miyu Adam turnii miyu pa lyitii”; kami Adam yajiyallo ka sango binii.

MIINIIÑ 16:7

Ho mohlu Misia ka pache dalyiho ahchi biikele, mohlu Bitinia ho indupa miitii, hojalo Jisu ka Yajiyallo mohlumi inke nematii;

JON KA AYAPUYU 7:39

Siisi siikasi Yajiyallo ka piigo mi mo lutii, huna mohmi henje talyi nii hii larii kendo; niimpalukoda siisilohepa Yajiyallo mi bima tiirañ, niimpalukoda Jisu mi siisi lohe pa assañ matii rañ.

MAK KA AYAPUYU 14:36

Ho mo lutii, “Aba, Aba, kapane drih niipa miilado; siika turla siimi ngiiko hokii lapa tope; ngiika hengko homapa, hojalo niika hengko hotiika.”

1 TESOLONIA 4:8

Hopa hujalopa siika siimi khiima pama miichi, miyu mi khiima miima hojalo Pinii mi, huna nunumi mohka Darii Yajiyallo mi bidonii.