GELESIA 3:16 - NITI GONTU N.T. (BSI)

¹⁶ Siisi hemme bitii Abraham la mohka ohoasi pa. Hiika hii hiila luma, “Ho ohoasi atañpa,” abujemi lutala; hojalo kone misu luta nansu donii, “Ho nunuka ohoasi mi,” hiika hii Kristo.

GELESIA 3:16 ပူးပေါင်းရင်းမြစ်များ

ROM MIKA POL KA SIITI KENIIÑ 4:13

Abraham la mohka ohoasi atañ paka hemme nii, mohlumi dohadolo mi pendu pa hiila, dapo kiipa amatii hojalo henje ka denki kiipa.

LUK KA AYAPUYU 1:55

niihtañpa mo ngunuka aba atañmi lutii, Abraham mi ho ayudahepa mohka ohoasi atañmi.”

ROM MIKA POL KA SIITI KENIIÑ 4:16

Hopa niihna henje mi hentiñ tiinii, niimpalukoda hemme niimi aroh-aya ho doke nendupa ho hikha mohka ohoasi mi chigiikiine dupa-dapo ka ashoh kontii mimapa hojalo hiika atañ miilañmi hutiina Abraham ka henje mi tache mondo nii, niimpalukoda mo ngunu miilañ ruka aba,

GELESIA 3:8

Ho piniipota hii, lumyotola dotiiku Pinii Midomiyu atañmi henje lo denki hiila kahetiiku, ayapuyu mi Abraham mi kapyo yapa tonsḛrkhenyo tiiku, lubiidola, “Niiko hokii la hikha ganda atañmi lyankiñdo.”

MIINIIÑ 3:25

Nunu nyibuhenii atañka oho atañ ho hemmesiiniiñ nunuka aba atañ mika Pinii ka biniiñ, Abraham mika luniiñ, ‘Ho niika ohoasi hokii hikha kiiddiapiñ daka uru atañmi lyankiñdo.’

KOLOSIA 3:11

So Grik ho Jew hiila lyila kema, mitupikonii ho mitupikomanii, moreymiyu, dimpiirapii, miira, dasḛrmiyu, hojalo Kristoke hikharu, ho hikharuko hoke.

1 KORINTIA 12:27

Siisi nunu Kristo ka apo ke ho kone abi nunu hiika hakhu ke.

1 KORINTIA 12:12

Niitañpa apo konesii ho abuje hakhu giidu, hikha hakhu atañ apokii, abuje dosu dojalopa, hii apo konesii, hopa hii chuli Kristo kotrḛ.

ROM MIKA POL KA SIITI KENIIÑ 12:5

Hopa ngunu, abuje dasuda, apo kone ke Kristo ko, ho kone kone ngunu ako anya ko giidiñ siido.

KOLOSIA 2:19

ho Akhojami ya gabii mapa, nii hokiina hikha apo hii, sangii donii ho nyudiñ tiinii tongepa hiika giidiñ siiniiñlo ho ahro atañlo, sancha da sancha naniiñlo Pinii kokii.

IPISIA 5:32

Siika michilamaniisi khiiniiñ koneke, ho ngo hiila lulyi siikasi Kristo la gyoliñkonii mike luko donii;

METHU 1:1

Jisu Kristo ka aba-apa piigo ka kheta, David ka oho, Abraham ka oho.

ROM MIKA POL KA SIITI KENIIÑ 9:4

Mohlu Isrel miyu, ho mohlu oho pa lyido, tatukatu, ahhe-siinii, dapo mika binii, heriinii, ho hemme binii atañ mohlupa;

2 KORINTIA 11:22

Mohlu Hebrew peha? Ngo tiirḛ. Mohlu Isrel miyu peha? Ngo tiirḛ. Mohlu Abraham ka oho asi peha? Ngo tiirḛ hiila.

GELESIA 3:19

Niimpa hokoda dapo? Siika siimi agyo liitii niimpalukoda ingyamiigya niikiipa, ohoasi ka ahmiñayiñ menda hemi humina hemme bitii nii; ho hiika hiimi miidopopi mi punko luniiñ pa atii biidola kaheliñtii.