GELESIA 2:20 - NITI GONTU N.T. (BSI)

²⁰ Ngo Kristo agiñho leda kotiiku; siikasi ngomake huna sando nii, hojalo Kristo huna ngiiko sando kunii; ho sango ngiika asiialyo loka saniiñsi ngo henje loke sandunii Pinii ka Oho mi, huna ngiimi hendo nii ho ngiipa atohmi bisu tiinii.

GELESIA 2:20 ပူးပေါင်းရင်းမြစ်များ

GELESIA 5:24

Ho hutiina Kristo Jisu kiinii hiika hii asiialyo ka agiñho ledalala mentii ku helyihembyo la hemikami mi.

2 KORINTIA 5:15

Ho mo miilañ rupa shiibi tii, niimpalukoda hutiina sando nii hii atoh pa sansu madopa hojalo hiipa huna mohluka piigo pa shiibi tiinii ho turi tiiku tiinii.

ROM MIKA POL KA SIITI KENIIÑ 6:8

Hojalo ngunu matiirḛ Kristo ka agiñho shiitii kukoda, ngunu henjedo ngunu tiirḛ mohka agiñho sambo kendo.

GELESIA 6:14

Hojalo ngo koda Jisu Kristo ka dapo mika assañ niimi sii talii siichinii, niilona dohadolo mi ngiimi leda bitii kunii, ho ngo dohadolopa.

2 KORINTIA 13:5

Nunu atohmi henka siito, kaka siito nunu nunuka henje mi gabii tola dasuda hiila. Tenka siito nunu atohmi. Nunu hendḛr siimapo Jisu Kristo nunuko da hiila? nii dahepa hiila tama nunu tenka siiko ho miipelama pa lyido!

ROM MIKA POL KA SIITI KENIIÑ 6:13

Iche tiirḛ nunuka asiialyo kone mitrḛ ingyamiigya ho miita nankoyo diimmah ka miitaluta naniiñpa, hojalo nunu atohmi Pinii koya tiilii siibito, hiika miyuatañ hiilyañ humina shiiniiñ hokii sango biku tiikunii, ho nunuka asiialyo mi Pinii ka denki mika miitaluta naniiñ paya biito.

1 TESOLONIA 5:10

huna ngunupa shiibi tiinii niimpalukoda ngunu hurodojalo malo imi yado kujalo ngunu mo agiñho dubo mola dopa.

TAITAS 2:14

huna mo atohmi ngunupa bisu tiinii ngunumi tupya dukupa hikha kacho hokii ho darii miidupa mohpa mohka atoh miyupa miidupa huna aya miigo atañmi miinala hendo nii.

GELESIA 1:4

huna atohmi ngunuka ingyamiigya kopa bisu tiinii ngunumi tupya dupa siilobiilyo ka diimmah myodu sokii, ngunuka Pinii ho Aba ka henju jaho;

JON KA AYAPUYU 17:21

mohlu miilañ rumi konepa lyike nendupa; niihtañpa no, Aba, ngiiko do, ho ngo niikii ho, hiichulipa mohlumi tiirḛ ngiinyi ko doke nento, niimpalukoda dohadolo mi henje kiine dupa no ngiimi kiiniñtii hiila.

ROM MIKA POL KA SIITI KENIIÑ 8:37

Ma, hikha siika drih siimi ngunu pamiñ tiiku mohkiilo huna ngunumi hendo nii.

1 JON 5:20

Ho ngunu chindo Pinii ka Oho ahtii ho ngunumi chila nanii bitii, mohmi chila dopa huna jije nii; ho ngunu mohko da huna jije nii, mohka Oho Jisu Kristo. Siikasi jije Pinii ho santḛrlamanii sango.

IPISIA 5:2

Ho hensu niiho into, Kristo ka ngunumika henchañho ho atohmi ngunupa bipa siitii, narunempyo binii ho Pinii mi membila.

PILIPIA 4:13

Ngo hikha drih atañ mi mohko miila kendo huna ngiimi alḛr giidonii.

IPISIA 3:17

ho hiika Kristo nunuka ahha ura ho dukiñcho nunuka henje kiilo; niimpalukoda nunumi, liima tugela ho hensuniiho sampola dokenendupa,

GELESIA 3:11

Siisi siikasi jije miyu kone hetrḛ lupyakokiñma Pinii ka hataho dapo lo; niimpalukoda “Huna henjelo lupyakotii kunii hii denki lo sankiñdo”;

JON KA AYAPUYU 3:16

Niimpalukoda Pinii dohadolo mi ano hela mohka Oho konekontii mi bitii, hujalopa mohmi henje talyi hii lyukiñma hojalo santḛrlamanii sango giikiñdo.

1 JON 1:7

hojalo ngunu matiirḛ hutoh ho indo koda, niihtañpa mo hutoh ho da, ngunu kone anyañ ka agiñho dukuñ siidoke, ho mohka Oho Jisu ka ai ase duke ngunumi kapane ingyamiigya hokii.

KOLOSIA 1:27

Mohlumi Pinii kahetii chinke nendupa Midomiyu atañka punkoho niimkane kahe na siika mingo tatukatu michimaniisi, niihna Kristo nunuko donii, hentiñ naniiñ ka tatukatu.

ROM MIKA POL KA SIITI KENIIÑ 5:2

Mo kiilo ngunu ahla dopa lyido siika aroh-aya ho nii hona ngunu danii, ho ngunu hempyodo ngunuka hentiñho Pinii ka tatukatu mi ngunu hembo kendo hiila.

ROM MIKA POL KA SIITI KENIIÑ 1:17

Niimpalukoda siikaso Pinii ka denki mi kakiñdo henjelo henjenii atañpa; hiila ketola do, “Hukiihona henje giidonii denki lo sankiñ doke.”

2 KORINTIA 13:3

nunu jije siiha hiila chinna nyada ngiimi Kristo lurii do hiila. Mo ajju make nunumi miilyañ dupa, hojalo nunuka uraho tamo lake donii.

MIHUKAKIÑNIIÑ 1:5

ho Jisu Kristo lotii haki binii boko hokii, shiinii hokiika kapyo japa ka bukonii, ho kiiddiapiñ daka radde atañ mika sangiinii. Mohmi huna ngunumi hendonii ho ngunumi dasḛr miitiiku ngunuka ingyamiigya atañ hokii mohka ai lo

1 TESOLONIA 1:10

ho mohka Oho mi kalya dupa dariiganda hokii, humina mo seritiikunii shiiniiñ hokii, Jisu huna ngunumi tupya donii hempḛr uro ahsanii hadii hokii.

JON KA AYAPUYU 10:11

Ngo denki subuñsornii ke. Denki subuñsornii mohka sango mi hempa siibidu subuñ atañpa.

JON KA AYAPUYU 6:57

Niitañpa turnii Aba ngiimi kiiniñtii, ho ngo turdo niimpalukoda Aba kiipa, hopa huna ngiimi diichinii hii turkiñdo niimpalukoda ngiikiipa

MIHUKAKIÑNIIÑ 3:20

Kato, ngo alyeh ho dake ho padiñdu; hu kone jalo matiirḛ ngiika gyoniiñ mi tapa talyi ho alyeh mi miiko talyi, ngo mohko ahchi ho mo agiñho diibo talyi, mo ngiika agiñho.

1 PITAR 1:8

Hang kapa mapa mohmi nunu hendo; nunu siisi mohmi kapamasu nunu mohmi henjeda ho hempyo nyada hiimkane uro hempyo ka agiñho hiimi luko hetḛr luko lama.

METHU 20:28

sichuli miyu ka Oho tiirḛ miiho kopa ahmake miiho dupake ahnii, ho mohka sango mi abuje miyu mi tupya naniipa.”

JON KA AYAPUYU 15:13

Simi kayeya miyu hennii nyikiñma, miyu attoh ka sango mi mohka ajiñ atañ paka hempa biniiñ.

GELESIA 2:16

hojalo huna chindonii miyu hii ludḛrkoma dapo ka miiniiñlo hojalo Jisu Kristo mika henje niilo, ngunu tiirḛ Kristo Jisu mi henje tiiku, Kristo mika henje niilo ludḛrkodu kupa, ho dapo loka miigo miiniiñ loma, niimpalukoda dapo loka miigo miiniiñ hii kone mitrḛ ludḛr bikiñma.

2 KORINTIA 10:3

Niimpalukoda ngunu dohadolo so dasu dajalo ngunu dohadolo ka gyambo pajupa pama ke,

JON KA AYAPUYU 6:69

ho ngunu henjedu, ho chindo, no Pinii ka Darii kone hiila.”

JON KA AYAPUYU 1:49

Natanel mohmi lusitii, “Tonsḛrbo, no Pinii ka Oho! No Isrel ka Radde!”

2 KORINTIA 1:24

Hiila make ngunu niika henje ka attoh lyidupa hiila; ngunu niika agiñho miigo miidu niika hempyo kiipa, niimpalukoda no niika henje ho alḛrpa da.

MIINIIÑ 9:20

Ho sinagog ho nyibyaloda mo Jisu mi gyukotii, lubiidola, “Mo Pinii ka Oho ke.”

IPISIA 5:25

Millo atañ, nunuka mihie atañmi hento, niihtañpa Kristo gyoliñkonii mi hendu ho atohmi mohlupa hempa siibitii,

2 KORINTIA 5:7

niimpalukoda ngunu henje loke indunii, kapa niilo make.

JON KA AYAPUYU 3:35

Aba hii Oho mi hendo, ho kapane drih mi mohka alah ho bitii.

1 JON 4:14

Ho ngunu kapa tiiku ho pyakodu Aba mohka atoh Oho mi kiiniñtii dohadolo mika lyangur niipa.

MIINIIÑ 8:36

Ho mo anye lembo ila dokele mo anye yasie aruñho ahtii, ho eunuch lutii, “Kato, si yasie! Nii ngiika baptisma lasa niimi lutiñ lakiñ kendo?”

METHU 4:3

Ho tenkalarka bo ahtii ho mohmi lutii, “No Pinii ka Oho milo, siika yalañ siimi luto yatañ pa lyito hiila.”

ROM MIKA POL KA SIITI KENIIÑ 3:22

Pinii ka denki hii Jisu Kristo mika henje kopa ahkiñdo hikha hutiina henje nyadonii. Niimpalukoda hiiko khiingu khiire nyima;

ROM MIKA POL KA SIITI KENIIÑ 4:25

humina shiidopa miitiinii ngunuka palle kopa ho turiturku ku ngunumi luderbidupa.

ROM MIKA POL KA SIITI KENIIÑ 5:6

Ngunu ka ajju laka do ho, shiidi ko jaho Kristo shiibitii piniimika heriimanii atañpa.

ROM MIKA POL KA SIITI KENIIÑ 5:8

Hojalo Pinii ngunumi mohka heniiñmi kakiñtii ngunuka ingyamiigya laka darañho Kristo mi ngunu pa shiibi kiine biidola.

ROM MIKA POL KA SIITI KENIIÑ 8:10

Hojalo Kristo matiirḛ nunuko dukoda, nunuka apo ingyamiigya kopa shiido jalo, nunuka yajiyallo turla doke denki kopa.

ROM MIKA POL KA SIITI KENIIÑ 14:7

Ngunu kone hetrḛ atoh pa sansu make, ho kone hetrḛ ngunu atoh pa shiisuma.

1 KORINTIA 6:17

Hojalo huna Attoh ko konepa lyido kunii yajiyallo konepa mo agiñho lyidoku.

2 KORINTIA 5:14

Niimpalukoda Kristo ka heniiñ hii ngunumi lutiñ biitola biido, niimpalukoda ngunumi talii dopa lutiiku miyu kone miilañ rupa shiibi tii hiila; hopa miilañru shiikiñdo.

2 KORINTIA 11:10

Kristo ka jije ngiiko giiniiñ hiilyañ, siika ngiika khanniiñ si pema khañngo kema Akaia daka gandaho.

PILIPIA 1:21

Niimpalukoda ngiipa koda saniiñsi Kristopa, ho shiiniiñsi ngiipa ayayado.

HIBRU 8:3

Niimpalukoda koneabi bukuñ nyibu mi ahmiñayiñ ho membi niipa kahetii; hopa siika nyibu tiirḛ hang drih ako bidupa loda lyitii.