GELESIA 1:7 - NITI GONTU N.T. (BSI)

⁷ ayapuyu koneya do hiilama, hojalo tonge da hutiina nunumi ahiare miipa danii ho Kristo ka ayapuyu mi ngogiinala henya danii.

GELESIA 1:7 ပူးပေါင်းရင်းမြစ်များ

MIINIIÑ 15:24

Ngunu hiila tapa lala miyu tonge ngunu kokii nunumi aguñ lubii dola ahiare miipa do hiila, nunuka punyu hendḛr lama hiitola, ngunu mohlumi luniiñmi luko biilyi ke,

GELESIA 5:10

Ngo Attoh mi hatiido nunu yoheya khiibe henju hendiima hendo ngiika heniiñmi opa lala; ho huna nunumi ahiare miipa donii mo ayakacho kako kendoke, hu jalopa mo.

2 KORINTIA 11:13

Niimpalukoda sitañ miyuatañ amuh kiiniñkonii atañ, gollunii miigomiiniiñ, atohmi Kristo ka kiiniñkonii hiila kachiñ mado paka miigii nyanii.

GELESIA 5:12

Ngo hendo hutiina nunumi herumiipa donii mohlu atohka ahuapo mi padupanyu losu donii!

2 KORINTIA 2:17

Niimpalukoda ngunu hiilama, niihtañ abuje miinyada, Pinii aguñ mika kiiridudobo; hojalo lotii miyupa lyila, Pinii ka kiiniñkonii pa, Pinii ka kata ho ngunu Kristo pa ludu.

MIHUKAKIÑNIIÑ 20:3

ho mohmi ubu ho jopa liibiine, ho hiimi miitiñ biine ho mohka ayoh ho jhippo biine, niimpalukoda mohmi hiika hiiba hokii ganda atañmi talubalo kuma dopa, anyañ jare inja menda hemi. Hiika hiiba ho mohmi ichuche myodu pahe tiipa linkiñdo.

2 JON 1:10

Hu kone jalopa matiirḛ niiko ahchi ho siika tonsḛr niimi ahgii makoda, mohmi ude ho ahke nelyayo malo hang ayahelyi lulya yo;

1 JON 4:1

Heniiñja, yajiyallo koneabi mi henje lyayo, hojalo tenka tolya yajiyallo mi siika atañsi Pinii kokii siipeha hiila; niimpalukoda abuje amuh nyibuhenii dohadolo so linya ne.

MIHUKAKIÑNIIÑ 19:20

Ho achu-amyo mi latu biine, ho hiika agiñho amuh nyibuhenii mi, huna mohka dapa kagiñnanii miitiinii niilona mo talubalo tiinii hiika atañmi hutiina achu-amyo ka miiho niimi giidonii ho hutiina hiika puchiniimi herii nyadonii. Siika anye mi turdopa jopa liibiido yamu ka siimie ho niihna sulphur lo yadonii.

MIHUKAKIÑNIIÑ 13:14

ho hiika kagiñnaniilo nii mina miila dopa bitiinii achu-amyo ka dapa, hii talubalodo hutiina kiiddiapiñ so dunii, mohlumi achu-amyo pa puchi tote hiila lutii nii mina une agii tiinii ilyo lo ho hojalo turla da;

MIHUKAKIÑNIIÑ 12:9

Ho hempḛr kahe tabu mi ripa limbiido, hiika ayuhoka tabu mi, humina Igii ho Saitan hiila myantiinii, hikha dohadolo mika talubalobo-mohmi kiiddiapiñ ho jopa lobiido, ho mohka miidopopi atañ miilañmi mohka agiñho jopa lobiido.

MIHUKAKIÑNIIÑ 2:20

Hojalo ngo siika sipake hadii donii nunumi, niimpalukoda nunu pigiido annii akha Jezebel mi, huna atohmi nyimii nyibuhenii hiila lusudonii ho tonsḛr donii ho ngiika miira atañmi anyoh giila helyihembyo miiniiñmi miigii donii ho diigo diigii donii puchinii atañ mika membi niimi.

MIHUKAKIÑNIIÑ 2:6

Hojalo siimi nunu giido, nunu kanamatii Nikolaitan ka miigomi, nii mina ngo tiirḛ kanamanii.

MIHUKAKIÑNIIÑ 2:2

“‘Ngo chindo nunuka miigo atañmi, nunuka kheniiñmi ho nunuka yanu paka pigii niimi, ho niihtañpa nunu diimmah miyu mi pigii lama hojalo tenkatii hiika atañmi hutiina kiiniñkonii hiila lusu donii hojalo hiilama, ho chimpatiiku mohlumi amuh hiila;

JUD KA SIITI KENIIÑ 1:4

Niimpalukoda mih chimapa tonge ahnyatola du hutiina ayujaho hokii khiikotola dotii kunii siika haliikosako, piniihenjumanii miyuatañ hutiina Pinii ka aroh-aya mi ngogii donii hensamanii heniiñho ho mapa do ngunuka kone kontii Atoh mi ho Attoh, Jisu Kristo mi.

2 JON 1:7

Niimpalukoda abuje gollunii dohadolo so linya neke, miyuatañ hutiina talii nyamanii Jisu Kristo ka asiialyo hoka ahniiñmi; sitañ lunii kone hiike gollunii ho kristokamabo.

1 JON 2:26

Ngo siika siimi nunumi kedu hiika atañka piigomi huna nunumi talubalo kendonii;

2 TIMOTI 2:18

huna jije hokii ngone kunii lubiidola turiturku kuniiñ hii bilo lyine kuke. Mo anye tonge ka henje mi heru miipa biine.

GELESIA 6:17

Siikahiiba sokii miyu kone hetrḛ ngiimi ahiare miipa yo; niimpalukoda ngo ngiika ahuapo ho Jisu ka miiho niimi giidu.

GELESIA 4:17

Mohlu abuje nunuko miitii, hojalo aya piigo pama; mohlu nunumi ago nempa linala lyine, niimpalukoda nunumi mohlupa abuje miike nendupa.

GELESIA 2:4

Hojalo gollunii anubarmii atañ ahsiela ura ho ahla, hiikahii rohnii pa lyila chintii ngunuka dasḛrpa Kristo Jisu koka danii mi, mohlu ngunumi miira pa ahgii dupa hiila,

2 KORINTIA 4:2

Ngunu hiinyañmohi mi apatiiku, miisilaka miigo miiniiñmi; ngunu surudonyo lembo mi apatiiku malo Pinii ka aguñmi miibḛr miilyi ma, hojalo jije lugo mi ngunu atohpa lubii dola miyu kone abika henju mi Pinii ka hataho atii bidu.

MIINIIÑ 20:30

ho nunuka punko hokii nunuka attoh miyuatañ chekho rila diimmah drih atañmi lukiñdo, mohluka kiiliñ ho henjeajiñ atañmi segii dupa.

MIINIIÑ 13:10

ho lutii, “No igii ka oho, no hikha lotiiniiñ niimika ahha banii, poteje gollumisu ho diimmah giitola, no miitiñ masuha pakupalya parda mi miibii dola Pinii ka lembo mi?

METHU 24:24

Niimpalukoda amuh Kristo ho amuh nyibuhenii hiila duri kendo ho kaye kagiñnanii la kahotamo miikiñ kendo, ngogya giidupa hiila, miila dokoda, kahenii atañmi.

GELESIA 1:6

Ngo hemurdo nunuka hiimkane nyibya nunumika Kristo ka aroh-aya laka gyoniiñ bomi apatela ho pongelya ayapuyu hoka larii danii,