GELESIA 1:6 - NITI GONTU N.T. (BSI)

⁶ Ngo hemurdo nunuka hiimkane nyibya nunumika Kristo ka aroh-aya laka gyoniiñ bomi apatela ho pongelya ayapuyu hoka larii danii,

GELESIA 1:6 ပူးပေါင်းရင်းမြစ်များ

2 KORINTIA 11:4

Niimpalukoda mi kone matiirḛ ahbiila ho ngunuka tonsḛrkhenyo nii hokii Koneya Jisu mi tonsḛrkhenyo dokoda, malo nunu matiirḛ koneya yajiyallo mi larii dokoda nunuka kone lakunii hokii, malo nunu matiirḛ ponsa ya aya puyu mi talii mondo koda nunuka talii kuniiñ hokii, nunu siimi talii tiiku khepa.

1 TIMOTI 1:3

Ngiika niimika yarnii hiilyañpa ngiika Masedonia hoka bopa miilyiho, Ipisia ho dutolya niimpalukoda no miyu tonge mi khiibe tonsḛrkhenyo mi tonsḛr yo hiila ludupa,

1 KORINTIA 4:15

Niimpalukoda nunuko khiikha lama lembo pagiinii dasu daja lopa Kristo ko, nunuko abuje aba nyima. Niimpalukoda ngo nunuka aba pa lyido ku Kristo Jisu ko ayapuyu kiilo.

MIINIIÑ 15:11

Hojalo ngunu henjedu ngunumi lyangur tii Attoh Jisu ka aroh-aya kopa, hii chulipa mohlumi tiirḛ.”

GELESIA 5:4

Nunu Kristo kokii dasa dokuke, nunu huna dapo lo ludḛr kopa miidonii; nunu aroh-aya hokii hupayudo kuke.

ROM MIKA POL KA SIITI KENIIÑ 10:3

Niimpalukoda, hang chimapa Pinii koka denki ahniiñmi, ho atohpa miiri talyi hiilaka meniiñsi, mohlu Pinii ka denki ho tiilii siima.

1 TIMOTI 1:14

ho ngunuka Attoh ka aroh-aya ngiipa bipo biila biliñ henjeho ho hensu nyika agiñho hiikahii Kristo Jisu koka donii.

MIHUKAKIÑNIIÑ 22:21

Attoh Jisu ka aroh-aya hikha piniimiyu atañ ko dokiñcho Amen.

2 TIMOTI 2:1

No hokoda, ngiika oho, chikhopa datolya aroh-aya ho Kristo Jisu koka doniiho,

2 TIMOTI 1:9

huna ngunumi lyangur tiinii ho gyotiinii darii gyojulo, ngunuka miigo miiko hopa mapa hojalo mohka atoh piigopa ho aroh-aya nii mina mo ngunumi bitiinii Kristo Jisu kiilo ayu kolyuñkolo ho,

2 TESOLONIA 2:14

Siika sipa mo nunumi gyotii ngunuka ayapuyu kiilo, niimpalukoda nunumi labii kiine dupa ngunuka Attoh Jisu Kristo ka tatukatu mi.

ROM MIKA POL KA SIITI KENIIÑ 5:2

Mo kiilo ngunu ahla dopa lyido siika aroh-aya ho nii hona ngunu danii, ho ngunu hempyodo ngunuka hentiñho Pinii ka tatukatu mi ngunu hembo kendo hiila.

JON KA AYAPUYU 9:30

Hiika miyu lusitii, “Niimpa, siikasi kapuñtale do! Nunu chima mo nohkii ahdo hiila, ho hojalo mo ngiika amee mi mida dopa miitii.

2 PITAR 1:3

Mohka pinii harchichike lo ngunumi bitiiku hikha drih atañmi hiikahii sango la piniisanju, mohka chiniiñlo huna ngunumi gyotiinii mohka atoh tatukatu ho la ayajalo,

1 PITAR 1:15

hojalo mo huna nunumi gyodonii dariike, darii to nunu atohpa hikha nunuka miiko lukoho;

MAK KA AYAPUYU 6:6

Ho mo mohluka henje maniiñ mi hemurtii. Ho mo lemba atañ ho ila tonsḛr tatii.

ROM MIKA POL KA SIITI KENIIÑ 8:28

Ngunu chindo kapane drih hii Pinii aya kiipa sii miidunii hiipa huna mohmi hendonii, humina mohka miigo pa gyotiinii.

ROM MIKA POL KA SIITI KENIIÑ 8:30

Ho humina mo bardiñsoyu tiinii mo hiimi gyoduta; ho humina gyotiinii hiimi lupyatiiku; ho humina lupyatiikunii mo hiimi tatukatu kiine duta.

2 KORINTIA 2:17

Niimpalukoda ngunu hiilama, niihtañ abuje miinyada, Pinii aguñ mika kiiridudobo; hojalo lotii miyupa lyila, Pinii ka kiiniñkonii pa, Pinii ka kata ho ngunu Kristo pa ludu.

GELESIA 1:7

ayapuyu koneya do hiilama, hojalo tonge da hutiina nunumi ahiare miipa danii ho Kristo ka ayapuyu mi ngogiinala henya danii.

GELESIA 1:11

Ngo nunumi chinke nenkiñtii, anubarmii atañ, ayapuyu ngiika tonsḛrkhenyo niisi miyu ka ayapuyu make.

GELESIA 1:15

Hojalo mo huna ngiimi kahe kapyo tiikunii ngiimika biima rampa, ho mohka aroh-aya lo ngiimi gyotii nii,

GELESIA 2:2

Ngo chate mihukakiñ niilo; ho ngo mohluka hataho atii bitii (hojalo mi chimapa hiika atañka hataho hutiina khiiko nyadonii) ayapuyu nii mina ngo Midomiyu atañka punkoho tonsḛrkhenyo tonii, hiilamakoda niitañpajalo ngiika harniiñsi malo harkuniisi piigoama.

GELESIA 2:5

mohlupa ngunu iche hetrḛ tiilii siimato atta pere patrḛ, niimpalukoda jije ka ayapuyu mi nunupa atii bidu pa hiila.

GELESIA 2:7

hojalo yohe yapaya koda, mohlu kapa lala ngiimi mitupipa komanii atañmi ayapuyu mi luko niipa kahetii hiila, niihtañpa Pitar mi kahetii mitupipa koniiñ mi ayapuyu mi luko niipa

GELESIA 2:14

Hojalo ngo kapa lala mohlu miidiko miimalyi jije ayapuyu ka piigomi, ngo Cepas mi lutii hikha ruka agiñho, “No matiirḛ, Jew siitrḛ, Midomiyu hiilyañ sando ho Jew hiilyañ pama, niihtañpa no cheche miila kendo Midomiyu atañmi Jew atañ chitañ sandopa?”

GELESIA 5:14

Niimpalukoda hikha dapo hii aguñ gonge ho lyipedo, “Nunu atohka ariapii mi atoh mika hensu henchañho hento.”