2 TIMOTI 4:8 - NITI GONTU N.T. (BSI)

⁸ Ho siisikii ngiipa atii bitiiku denki ka tayyiñbyopa mi, nii mina Attoh, denki gondu, bikiñ donii hiika Allo ho, ho ngiimi kontiima hojalo hikha hiika atañ miilañmi hutiina mo ka ahkur saku niimi hemmi nyadonii.

2 TIMOTI 4:8 ပူးပေါင်းရင်းမြစ်များ

JEMS 1:12

Lyanko kendo hiika miyu huna tenka niimi pigiiladonii, niimpalukoda mo tenka niimi datḛr giido koda mo sango ka tayyiñbyopa mi kapa kendo nii mina Pinii hemme bitola donii huna mohmi hendo nii.

MIHUKAKIÑNIIÑ 2:10

Biisoyo niihna nunu heru henkiñ donii. Kato, igii si jopa liipa miidoke nunu tonge mi patiihude ho, hiikahii nunumi tenka dupa hiila, ho allo lolyañ hepa nunu hentḛrkanyi la lyikiñ doke. Lotiitolya shiihi menda hemi, ho ngo nunumi sango ka tahiñ byopa mi bichi ke.

1 PITAR 5:4

Ho niida akhoja Subuñ sornii ahchiku nunu lyula masanii tatukatu ka tahiñ byopa mi pakiñ dokuke.

1 PITAR 1:4

ho pensikodupa niihna lyula kemanii, miibḛrmanii, ho sellamaniiñ, dariiganda ho nunupa atii bitii,

2 TIMOTI 1:12

ho hopa ngo heruhendu siisika henchañho. Hojalo ngo hiinyañma, niimpalukoda ngo chindo ngo humi henjedu hiila, ho ngo hentiñdo mo dagur lakiñdo hiika allo lyihepa nii mina ngiimi kabii tote hiila bitiinii.

1 KORINTIA 9:25

Khelinii miyu kone abi miinyodu hendimiidi mi hikha drih ho. Mohlu siimi miinyada lyula samanii karniiñbyopa mi larii dupa, hojalo ngunu lyula samaniimi.

KOLOSIA 1:5

niimpalukoda nunupaka hentiñ naniiñ doko hopa dariiganda ho. Siika siimi nunu kapyo ho tapa biine jije ka aguñpa, ayapuyumi

MIHUKAKIÑNIIÑ 1:7

Kato, mo jomiika agiñho ahla do, ho kone abika amee mohmi kapa kendo, hiika atañ lohepa huna mohmi niikhii tiinii; ho hikha kiiddiapiñ daka halugiira atañ heru kendo mohkiipa. Hiipa tiirḛ. Amen.

TAITAS 2:13

ngunuka lyaniiñ hentiñ mi kalyala, ngunuka tatukatu kahe Pinii ho Lyangur bo Jisu Kristo ka ahsa niimi,

MIHUKAKIÑNIIÑ 19:11

Ho ngo kapato dariiganda mi miiko dopa, ho kato, puloo gora! Mo hiika ayoh hoka dunii bo gyokodo Lotii ho Jije hiila, ho denkipa mo haliido ho gyambo pado.

2 TIMOTI 2:5

Kheli nii miyu kone mi tayyiñbyopa agii make nii dahepa miiju jaho miigomi miipe tama.

2 TIMOTI 4:1

Ngo niimi lubii lyike Pinii ka hataho ho Kristo Jisu kiilo huna shiinii ho turnii mi ayakacho kakiñ donii, ho mohka ahniiñlo ho mohka raddeganda lo:

1 TIMOTI 6:19

hiitañpa atii tiikuñ siibiito atohpa aya liidi rabiidola ahlyinii allopa, niimpalukoda mohlumi sango mi sala dopa niihna jije sango nii.

1 KORINTIA 2:9

Hojalo, hiila keto laka donii hiilyañpa, “Amee kone katrḛ kapa manii, malo yaroo tapa manii, malo miyu ka ahha ka henka manii, nii mina Pinii miiju bitiinii hiipa huna mohmi hendonii,”

MIHUKAKIÑNIIÑ 22:20

Hii huna pyakodonii siika drih atañmi luto, “Jijeloda ngo hempḛr nyibya ahkur talyi kuke.” Amen. Ahto, Attoh Jisu!

MIHUKAKIÑNIIÑ 4:10

nyikhañhela midiñpiilye amiabañ atañ nyanki do mohka hataho huna raddeduko ho dunii ho mohmi heriinyadonii huna ayu dahepa dukiñ donii; mohlu mohluka tahiñbyopa mi raddeduko ka hataho rilii biido, biisie sibii dola,

MIHUKAKIÑNIIÑ 4:4

Gokḛrpala raddedukoho nyikhañhela piilye raddeduna nanii do, ho raddeduko ho nyikhañ hela piilye amiabañ atañ du, puloo pulye giitola, ayyiñ hokii tahiñbyopa giitola mohluka dinta atañ ho.

HIBRU 9:28

hopa Kristo, rongepa bisutii abujeka ingyamiigya atañmi bagii dupa, ahti kendo ronye niipa, ingyamiigyaniimi miilyañ dupa hiilama hojalo lyangur dupa huna mohmi kalya rela dunii.

2 TIMOTI 1:18

Attoh mohmi aroh mi kapa dopa bikiñcho Attoh kokii hiika Allo ho-ho no hempḛr ayapa chindo hikha miigomiiniiñmi mohka Ipisia hoka miiniiñmi.

1 TESOLONIA 1:10

ho mohka Oho mi kalya dupa dariiganda hokii, humina mo seritiikunii shiiniiñ hokii, Jisu huna ngunumi tupya donii hempḛr uro ahsanii hadii hokii.

ROM MIKA POL KA SIITI KENIIÑ 8:23

ho puliñnii kontiima, hojalo ngunu atoh tiirḛ, huko hona Yajiyallo ka ahee hipyoja donii, ura ho herula ngunu kalya du oho pa chiko nyadupa, ngunuka apo mika tupyabiniiñ mi.

ROM MIKA POL KA SIITI KENIIÑ 2:5

Hojalo niika ahha alḛr ho henkur manii hii, niiko atii tiikuñ siibiido hadii mi niipa, hadii diidu ka allo hopa, niidana Pinii ka denki ayakacho kaniiñmi kakiñ talyinii.

METHU 24:36

Hojalo hiika allo la hiika myodumi kone hetḛr chimma, dariiganda daka miidopopi tiirḛ, malo Oho, hojalo Aba kontiisii chinsu donii.

METHU 7:22

Hiika allo ho abuje ngiimi lukiñ do, Atoh, Atoh, ngunu niika armyañ pa nyibuhema toha, ho niika armyañ lo igii mompa matoha, ho abuje tamo-chikho miigo miima toha niika armyañ pa?

1 TESOLONIA 5:4

Hojalo nunu kamo ho dama ke, anubarmii atañ, niimpalukoda hiika allo hii nunumi diipyo nii hiilyañ aluñ dopa miikiñ make.

2 KORINTIA 5:2

Jije lusudokoda so ngunu siikhiiñdo, ho ano hentudo ngunuka dariiganda daka duko mi atii budu pa,

LUK KA AYAPUYU 10:12

Ngo nunumi lukoso, siikasi Sodom ya pigiilaya kendo hiika allo ho siika taun mi hentola.

1 KORINTIA 3:13

kone abika miigo miiniiñmi kakiñ kendo; niimpalukoda Allo hii hiimi lokiñ kendo, niimpalukoda hiika hiimi yamulo yakiñ kendo, ho yamu hii yaka kendo niihtañ miigona kone abi miitiinii hiila.

PILIPIA 3:11

miila lyimilo ngo shiiniiñ hokiika turiturku niimi kapa dupa.

2 TESOLONIA 2:8

Ho diimmah kone mi kakiñ kendoku, ho Attoh Jisu menkiñdo mohmi mohka aguñ ka saniiñlo ho mohmi pyadu lokiñdo mohka kapakola ho ahlyikuho.

2 TIMOTI 1:10

ho siisi kakiñ tiiku ngunuka Lyangurbo Kristo Jisu ka ahniiñlo, huna shiiniiñ mi lapa tiinii ho sango la shiilamasaniimi ahgiitii ayapuyu kiilo.

HIBRU 12:11

Myodu hepahe kapane miilyañ nii kako achih heru giido hempyo giisa niimi hentola; Kamikalo ho siikasi chimie denki ahee miya higiido humina siika silo miilyañ tiiku nii.