2 TIMOTI 4:5 - NITI GONTU N.T. (BSI)

⁵ Niipa koda, kiirañ abyu mapa datolya, pigii tolya herumi, puyu bakoboka miigomi miitolya, niika miigomi miipe tolya.

2 TIMOTI 4:5 ပူးပေါင်းရင်းမြစ်များ

2 TIMOTI 1:8

Hiinyañ yo ngunu Attoh mika pyako saniiñmi, malo ngiimi mohka pattiih tunko bomi, hojalo hembyuñ monto herumi heniiñmi ayapuyu pa Pinii ka harchichikelo,

1 PITAR 1:13

Hopa hendi nyato nunuka henju mi, hendḛr nyato, nunuka hentiñ naniiñmi apupa aroh-aya ho atii biito nunukoka ahsanii hii hiikahii Jisu Kristo mika kakiñ lyikuho.

2 TIMOTI 2:3

Heru henko ho henche monto Kristo Jisu ka denki sipahi hiilyañpa.

KOLOSIA 4:17

Ho Archipas mi luto, Kato no miipe siitiiha niimika Attoh ka miigo biniiñmi.

1 TIMOTI 4:12

Kone lotrḛ niika yapa saniiñmi khiipa koyo, hojalo henje atañmi kagiñnaniipa kakiñ tolya luniiñho ho miijulujuho, hensu niiho, henjeho, dariiho.

MIINIIÑ 21:8

Allo lohe yaho ngunu inku ho Kaesarea ho ahhii; ho ngunu puyubakobo Pilip ka ude ho ahhii, mo midiñkanuhe hokii kone, ho mohka agiñho dutiihe.

1 TIMOTI 4:15

Siika miigo atañ siimi miinyo tolya, mohlupa atohmi tiilii siito lya, niimpalukoda kone abimi niika hatachaniiñ mi kapa dopa.

1 TESOLONIA 5:6

Hopa kiije ngunu imila domasa, khiibe atañka miichañho, hojalo kiije ngunu hurola dusa ho hendila dasa.

MIHUKAKIÑNIIÑ 3:2

Huroto, ho alḛr miipa siito niihna dorañnii hiimi ho shiipa miila ka doniimi, niimpalukoda ngo nunuka miigo atañmi digoabiaya dopa kapama ngiika Pinii ka kata ho.

IPISIA 4:11

Ho mohka ahmiñayiñ hii tonge mi kiiniñkonii pa, tonge mi nyibuhenii pa, tonge mi puyubakonii pa, tonge mi pastor pa ho tonsḛrbo atañpa,

HIBRU 13:17

Nunu mika sangii bomi talii tolya ho mohluko tiilii siibito; niimpalukoda mohlu nunuka yallo mi kalyañ doke, mohluke piijo da taka lyiko ho luko kendo kunii. Mohlumi siimi hempyo biidola miike nento, ho heru biido lamapa, niimpalukoda hiikahii nunupa hang aya giikiñ make.

2 TIMOTI 2:10

Hopa ngo kapane drih mi pigiidu kahe koniikiipa, niimpalukoda mohlumi tiirḛ sangopyako mi pake nendupa Kristo Jisu ko lyulasamanii tatukatu ka agiñho:

LUK KA AYAPUYU 12:37

Lyanko kendo hiika miira atañ humina atoh hurola dupa kappa kendonii mohka ahlyi kuho; jijeloda, ngo nunumi lukoso, mo atoh mi giiju giitola ho mohlumi diigo diitananii ho duke nenkiñdo, ho mo ahla ho mohlumi miiho kendo.

MAK KA AYAPUYU 13:37

Ho nii Ngo nunumi ludo Ngo miilañ rumike ludunii: hendinyato.”

KOLOSIA 1:25

niihpana ngo miihoniipa lyidonii piniimiigopa nii mina ngiimi bitiinii nunupa, Pinii ka aguñmi aya loda chinke nendupa,

ROM MIKA POL KA SIITI KENIIÑ 15:19

kagiñnanii la kahotamo nyika harchichikelo, Darii Yajiyallo ka harchichike lo, hiikohopa Jerusalem hokii luri biila hikha Illyrikum lohepa ngo hikha Kristo ka ayapuyu mi lutii,

MAK KA AYAPUYU 13:34

Siikasi miyu koneka myodi innii chitañ ke, mohka ude mika ile lyiho ho mohka miira atañmi kage niipa atiitii, kone abimi mohluka miigo mi bitii hela, ho alyeh ago hoka dabii bomi ayapa kabii tolya hiila lutii.

IPISIA 4:12

piniimiyu atañmi miigo miilananiiñ mi giike nendupa hiila, niimpalukoda Kristo ka apomi pencha naniiñpa,

2 TIMOTI 4:17

Hojalo Attoh ngiika agiñho dabo, ho ngiimi tamo mi bihii puyu mi aya loda luko dopa, niimpalukoda hikha Midomiyu atañmi siimi tadopa. Hopa ngiimi patii ka aguñ hokii papya tiiku.

METHU 25:16

Huna talents pengohe labii tiinii mo nyibya loda inkula ho hiilo kiiri miina nantii; ho mo pengohe abuyapa miiliñ biitii.