2 TIMOTI 4:18 - NITI GONTU N.T. (BSI)

¹⁸ Attoh ngiimi kapane diimmah hokii papya kendoke ho ngiimi lyangur do dariiganda ka raddeganda kiipa. Mohmi kontii assañ kencho ayu dahepa. Amen.

2 TIMOTI 4:18 ပူးပေါင်းရင်းမြစ်များ

2 TESOLONIA 3:3

Hojalo Attoh lotii ke; mo nunumi alḛr giikiñ doke ho nunumi diimmah hokii dagur biikiñ doke.

METHU 6:13

Ho tenkalarka ho ngunumi aliiyo, hojalo ayamanii hokii ngunumi tupyape.

1 PITAR 1:5

hutiina Pinii ka harchichike lo henje kiilo dagur kobiidonii sangopyako pa kamikalo myodu ho kakiñ dupa hiila henju tokula dokuniimi.

1 TESOLONIA 5:23

Chimie ka Pinii mohloda nunumi hikha darii miikiñcho; ho nunuka yajiyallo ho yallo ho apo mi dariipa atii kencho ho pahañhansa giima dopa Attoh Jisu Kristo ka ahlyikuho.

HIBRU 13:21

nunumi kapane aya mi bikiñ cho niimpalukoda nunu mohka heniiñ jami miidupa, nunuko miila do hiikahii niihna mohka kataho kaji donii, Jisu Kristo kiilo, humina ayu dahepa assañ kendonii. Amen.

2 TIMOTI 1:12

ho hopa ngo heruhendu siisika henchañho. Hojalo ngo hiinyañma, niimpalukoda ngo chindo ngo humi henjedu hiila, ho ngo hentiñdo mo dagur lakiñdo hiika allo lyihepa nii mina ngiimi kabii tote hiila bitiinii.

2 KORINTIA 1:10

mo ngunumi hiimkane shiigo lyusanii hokii tupya tiiku, ho mo ngunumi tupya kendo, mohko ngunuka hentiñ naniiñ do ho hiika hii hiira ngunumi tupya kendo.

ROM MIKA POL KA SIITI KENIIÑ 11:36

Niimpalukoda mohkokii ho mohkiilo ho mohpa hikha drih atañsi. Mohmi assañ kencho kolyuñkolo dahepa. Amen.

METHU 13:43

Ho denki atañ danyi chuli byokiñdo mohluka Aba ka raddeganda ho. Hukiina yaroo giidonii, hiimi take nento.

JON KA AYAPUYU 17:15

Ngo hiila kuma lyike no mohlumi dohadolo hokii labii heku hiila, hojalo no mohlumi diimmah hokii achuñ tolyape.

LUK KA AYAPUYU 12:32

“Biisoyo, tonyo paka danii atañ, niimpalukoda siikasi nunuka Aba ka hempyo ke nunu mika raddeganda mi biniiñsi.

1 TIMOTI 6:16

hukoho kontiina shiilamasa nii donii ho hiitañ hutoh ho du kone hetrḛ ahchi lama sako, humina miyu kone hetrḛ kapama ho kapa lakiñma. Mohmi kontii khiikiñcho ho ayudahe paka pamiñnii dokiñcho. Amen.

1 KORINTIA 10:13

Hang tenkalarka hii nunumi hamelokiñ make niihna miyuatañ koka amayanii. Pinii lotiike, ho mo nunumi tenkalarka kiine kemake nunuka dagii lasa manii hokii, hojalo tenkalarka ka agiñho lembo tiirḛ pabi kendoke hargii kopa, niimpalukoda nunumi hiimi pigii ladopa.

1 PITAR 5:11

Mo ayudahepa domiñ biikiñcho. Amen.

1 TIMOTI 1:17

Ayudahe paka dusanii radde, shiilamasanii, kapalamanii, Pinii kontii mi, khiikiñcho ho ayu dahepa tatukatu kencho. Amen.

METHU 25:34

Ho Radde mohka lahbi dalyi hoka danii atañmi lukiñdo, Ahto, ngiika Aba ka Lyaniiñ atañ, nunupaka dohadolo mika pulyi jaho hokii ka miimyo tola donii raddeganda mi labii heku;

JUD KA SIITI KENIIÑ 1:1

Jud, Jisu Kristo ka Miira ho Jems ka anu, Humina gyotiinii, Pinii Aba ko heniiñjapa ho Jisu Kristo pa atii tiinii:

GELESIA 1:5

mohmi assañ kencho ayu dahepa. Amen.

ROM MIKA POL KA SIITI KENIIÑ 16:27

chiniiñ Pinii mi kontii assañ kencho ayudahepa Jisu Kristo kiilo! Amen.

LUK KA AYAPUYU 22:29

ho Ngo nunumi biso, niihtañpa ngiimi ngiika Aba bitii, raddeganda mi,

LUK KA AYAPUYU 11:4

ho ngunuka ingyamiigya mi hello kupe, niimpalukoda ngunu tiirḛ hellodu kone abimi huna ngunumi miigya dunii; ho tenkalarka ho ngunumi aliiyo.”

JEMS 2:5

Tageto, ngiika heniiñja anubarmii atañ. Pinii kahe masu peha dohadolo daka arro miyu mi henje ho mingo kiine dupa ho mohka hemme biniiñ raddeganda mi pensi dupa huna mohmi hendonii?

1 KORINTIA 1:21

Niimpalukoda, Pinii ka chilaho, dohadolo hii Pinii mi chila lo chimake, si Pinii mi hempyo miipa do piicha paka ngunuka tonsḛrkhenyo niilo lyangur dupa hutiina henje nyadonii.

1 KORINTIA 15:50

Ngo siimi nunumi lukodu, anubarmii atañ: asiialyo la ai nyi Pinii ka raddeganda mi penko lakiñma, malo lyula sanii hii penko lakiñma lyula sama niilo.

2 TIMOTI 4:1

Ngo niimi lubii lyike Pinii ka hataho ho Kristo Jisu kiilo huna shiinii ho turnii mi ayakacho kakiñ donii, ho mohka ahniiñlo ho mohka raddeganda lo:

HIBRU 11:16

Hojalo siikasi, mohlu ayaya ganda mi kapa nala hentii, hiika hii, dariiganda hokii. Hiikohopa Pinii hiinyañ matii mohluka Pinii hiila ka gyoko saniiñmi, niimpalukoda mo mohlupa citi miimyo bitii.

HIBRU 12:22

Hojalo nunu Zayon Putoo ho chatii ho turnii Pinii ka citi ho, dariiganda ka Jerusalem, ho khiikha lama miidopopi atañka hempyo laka dakuñko,

2 PITAR 1:11

Hopa hiikoho abuje biliñ kendoke nunupa ngunu Attoh ho Lyangurbo Jisu Kristo ka santḛrlamanii raddeganda ho ahkopa.

2 PITAR 3:18

Hojalo santo Attoh la Lyangur bo Jisu Kristo ka aroh-aya la chiniiñ ho. Mohmi assañ kencho siisi ho ayudahe ka allo lohepa. Amen.