2 TIMOTI 3:12 - NITI GONTU N.T. (BSI)

¹² Jije lusu dokoda huna piniihenju giitola sango sannañ donii Kristo Jisu ko miihimiire kokiñdo,

2 TIMOTI 3:12 ပူးပေါင်းရင်းမြစ်များ

1 PITAR 3:14

Hojalo nunu matiirḛ heru hensu dojalo denki kiipa, nunu lyanko kendo. Hang mohlumi biiso yo, hang hena yo,

MIINIIÑ 14:22

henjeajiñ atañka yallo mi alḛr lupa lala, mohlumi henje mi haro lupatii, ho lubiido abuje hentḛrkanyi loke ngunu Pinii ka raddeganda ho ahkiñ donii.

METHU 16:24

Ho Jisu henjeajiñ atañmi lukotii, Hujalo matiirḛ ngiika kiiliñho ahbo nando koda, mohmi atoh mi hempa siike nento ho mohka sangya mi jobiila ho ngiimi imbo monke nento.

JON KA AYAPUYU 16:2

Mohlu nunumi sinagog ka agoho nempa lilyido; jije, myodu hii ahlado hujalopa nunumi menchi mohlu hensu kendo Pinii pasu miidunii hiila.

JON KA AYAPUYU 16:33

Ngo siika simi nunumi lubii lyike, ngiikoho nunupa chimie hii dodopa. Dohadolo so nunuko hentḛrkanyi dolyi diike; hojalo ngarka jilya datolya, ngo dohadolo mi pamiñ tiike.”

MAK KA AYAPUYU 10:30

hii lange abuyapa siika santuñ so kappa kendo, ude ho anubarmii, annii ho himme-oho, ho aji, miihimiire ka agiñho, ho ahsanii santuñ ho santḛrlamanii sango.

TAITAS 2:12

ngunumi miinyolunyo giitii henje maniiñmi apato ho dohadolo ka helyihembyo atañmi, ho hendimiidipa santo hiila, lotii, ho piniihenju jaho santo hiila siika dohadolo so,

2 PITAR 3:11

Hopa hikha siika drih atañ jeyi nyakiñdo, niihtañ miyu ka sancha ho sanchi nunuka darii ho piniisanju sango ho,

1 KORINTIA 15:19

Niimpalukoda ngunuka Kristo mika hentiñ naniiñ hii matiirḛ siika sango pa kontii siikoda, ngunu hikha dohadolo hopa koda arohkapa japa lyikiñdo.

MIHUKAKIÑNIIÑ 12:4

Mohka amie lo yapuñ daka takḛr hakhu hingemi halo biido, ho hiika hiimi kiiddiapiñ ho jopa lobiido. Ho tabuhii annii akha ka hataho da huna wiinga biipa miidonii, niimpalukoda mo mohka wiinga mi diidupa hiila buliñ dalyi;

MIHUKAKIÑNIIÑ 7:14

Ngo mohmi lutii, “Tonsḛrbo, no chindo.” Ho mo ngiimi luhii, Siika atañsi mohlu hutiina hempḛr kahe hentḛrkanyi hokii lintii kunii; mohlu mohluka tarii mi ase tiiku ho hiika atañmi puloo dopa miitiiku Siibuñ ka ai lo.

TAITAS 1:1

Pol, Pinii ka miira ho Jisu Kristo ka kiiniñkonii kone, hiimi uro yapa hembyuñ kiine dupa Pinii ka kahe konii atañka henje mi ho mohluka jije ka chila mi niihna piniisanju jaho donii,

1 TIMOTI 6:3

Hu konejalopa matiirḛ tonsḛrdonii yoheya ho taliimomapa ngunuka Attoh Jisu Kristo ka aguñ atañ agiñho ho tonsḛrnii piniisanju ho,

1 TIMOTI 3:16

Jije Kahe, ngunu khakodu, michilamanii ngunu henjeniimi: Mo asiialyoho kakiñ kotii, yajiyallo ho diigolugo giimatii, miidopopi atañlo kapa kotii, miyuatañ ka punkoho tonsḛrkhenyo kotii, henje kotii dohadoloso, tatukatu dopa chagii kotiiku.

1 TIMOTI 2:2

radde atañpa ho hikha hutiina akho pa dunya dunii, niimpalukoda ngunu yanu ho chimie sango sangii kodupa, piniihenju ho kapakohe khiiko biidola.

2 KORINTIA 1:12

Ngunu ka hentii hii sike, ngunu henju ka pyakonii hiilake niihtañ pana ngunu dohadolo ho datiinii, ho abuyaya nunuka hataho, darii ho pinii henju jaho, kiiddiapiñ ka chila lomapa hojalo Pinii ka aroh-aya lo.

JON KA AYAPUYU 17:14

Ngo mohlumi niika aguñmi bibii lyike; ho dohadolo si mohlumi kana malyike niimpalukoda mohlu dohadolo hokiima, niihtañpa ngo tiirḛ dohadolo hokiima.

METHU 23:34

Hopa Ngo nunumi nyibuhenii ho chilamiyu ho pagenii atañmi kiiniñ bito, nunu tange mi menkiñdo ho leda kendo, ho tangemi nunu sinagog ho higya pakiñdo ho miihimiire kendo ganda siiko kone abi,

2 KORINTIA 4:9

miihimiire siitii, hojalo kapa ma; giihidopa miisutii, hojalo pyadu loma;