2 TIMOTI 2:12 - NITI GONTU N.T. (BSI)

¹² ngunu matiirḛ pigii dokoda, ngunu mo agiñho sangii monkiñdo; ngunu matiirḛ mohmi mapa dokoda, mo tiirḛ ngunumi mapa kendo;

2 TIMOTI 2:12 ပူးပေါင်းရင်းမြစ်များ

ROM MIKA POL KA SIITI KENIIÑ 8:17

ho ngunu matiirḛ wiinga koda, ngunu pensi kosa nii, Pinii kiimi ka penko sanii ho Kristo ahiñpa pensi kosanii, ngunu mo agiñho heru hembodu niimpalukoda mohka tatukatu ho ngunu tiirḛ dubo dupa.

METHU 10:33

hojalo huna ngiimi miyu ka hataho chima luchinii. Ngotiirḛ chima luchi dariiganda daka Aba ka hataho.

MIHUKAKIÑNIIÑ 20:4

Ho ngo kapato raddeduko atañmi, ho hiika atañ hoka dunii atañ ayakacho mi kaniipa. Hiira kapatota yallo atañmi hutiina langu patu konya biinenii Jisu mika pyako kopa ho Pinii ka aguñpa, ho hutiina achu-amyo mi herii nyama nenii malo hiika puchiniimi ho hutiina hiika miiho niimi mohluka tiirii ho malo alah atañ ho giima nenii. Mohlu turi neku, ho Kristo ka agiñho anyañ jare sangii sahiñ mone.

MIHUKAKIÑNIIÑ 20:6

Lyankonii ho darii hiika hii hutiina kapyo turiturku rilyi ho turbo rikiñ donii! Hiika hiipa ronye niipaka shiiniiñ ho hang harchichike giima, hojalo mohlu nyibu pa lyikiñdo Pinii la Kristo nyipa, ho mohlu sangii sambo monkiñdo anyañ jare.

LUK KA AYAPUYU 12:9

hojalo hu ngiimi miyu ka hataho chima luchi hiimi Pinii ka miidopopi atañka hataho chima luchi.

MIHUKAKIÑNIIÑ 5:10

ho mohlumi raddeganda pa miitii ho ngunuka Pinii ka nyibu atañpa, ho mohlu kiiddiapiñ mi sangii kendo.”

LUK KA AYAPUYU 9:26

Niimpalukoda hujalopa ngiipa la ngiika aguñpa hiinyañ talyi, hiipa miyu ka Oho tiirḛ hiinyañ talyi niida mo mohka tatukatu ho ahchiku ho Aba ka tatukatu ho darii miidopopi atañka agiñho.

MIHUKAKIÑNIIÑ 2:13

“‘Ngo chindo nohna nunu dunii, nohna saitan ka raddeduko hii; nunu lotiido ngiika armyañ pa ho nunu mapa ma ngiipa ka henje niimi Antipas ngiimika haki biniika allo lohe pa, ngiika lotii kone, humina membii nenii nunuka punkoho, nohna saitan dunii.

MIHUKAKIÑNIIÑ 1:9

Ngo Jon, nunuka anu, huna nunuka agiñho hembo montiinii Jisu ko hentḛrkanyi mi ho raddeganda pa ho yanupa pigii biidola, siilokiiddi Patmos luniiñho ahtii Pinii aguñ kiipa ho Jisu mika pyako kopa.

JUD KA SIITI KENIIÑ 1:4

Niimpalukoda mih chimapa tonge ahnyatola du hutiina ayujaho hokii khiikotola dotii kunii siika haliikosako, piniihenjumanii miyuatañ hutiina Pinii ka aroh-aya mi ngogii donii hensamanii heniiñho ho mapa do ngunuka kone kontii Atoh mi ho Attoh, Jisu Kristo mi.

PILIPIA 1:28

ho biisomapa hangdrihpa nunumika cheriinii atañmi. Siikasi mohlumi didḛrpa kamyo kuniiñke mohluka pyadu loko saniimi, hojalo nunuka sangopyako hii, ho hiikahii Pinii kokiike.

MAK KA AYAPUYU 8:38

Huna ngiimi ho ngiika aguñpa hiinyañ talyi nii siika gollu misu ho ingyamiigya santuñ so, mohlumi Miyu ka Oho tiirḛ hiinyañ nyansi kendo niidana mo huda khada mohka Aba ko ahchi nii darii miidopopi agiñho.”

METHU 26:35

Pitar mohmi lutii, “Ngo niika agiñho siibii lyijalo, ngo niimi mapah tama.” Ho hiichuli pa hikha henjeajiñ atañ tiirḛ lutii.

MIHUKAKIÑNIIÑ 3:8

“‘Ngo chindo nunuka miigo atañmi. Kato, Ngo nunupa alyeh mi miiko tola atii bibii lyike, nii mina kone hetrḛ miitiñ lakiñ manii; ngo chindo nunuko harchichike hii do hojalo lama pasu, ho nunu ngiika luniiñmi tado ho ngiika armyañ mi mapa ma.

MIINIIÑ 14:22

henjeajiñ atañka yallo mi alḛr lupa lala, mohlumi henje mi haro lupatii, ho lubiido abuje hentḛrkanyi loke ngunu Pinii ka raddeganda ho ahkiñ donii.

MAK KA AYAPUYU 10:33

lubiidola, “Kato, ngunu Jerusalem lohe chalyi; ho Miyu ka Oho mi nyibu burii la pagenii atañmi nembi kendo, ho mohlu mohmi mendopa halii kendo; ho mohmi Midomiyu atañmi nembi kendo;

METHU 26:75

Ho Pitar Jisu ka luniiñmi hempa ritii, “Paro khoma rampa, no ngiimi rohiñhe mapah kendo.” Ho mo hempḛr uropa khejo biila intiiku.

MIHUKAKIÑNIIÑ 1:6

ho ngunumi miitii raddeganda pa, mohka Pinii la Aba nyika nyibupa, mohmi assañ kencho ho pamiñbiinii ayudahe dokiñ cho. Amen.

LUK KA AYAPUYU 22:29

ho Ngo nunumi biso, niihtañpa ngiimi ngiika Aba bitii, raddeganda mi,

LUK KA AYAPUYU 22:30

niimpalukoda nunu ngiika diitananii ho ngiika raddeganda ho diibo tambo kendoke, ho radde duko ho dula Isrel ka halu tolyañ lenye mi kagii kendoke.

ROM MIKA POL KA SIITI KENIIÑ 5:17

Hokoda matiirḛ, miyu koneka palle kopa, shiiniiñ hii dotii hiika miyu kokii, hiimi abuyapa hiika miyu larii kendo aroh-aya mi poteje ho binyo paka ahmiñayiñ denki hii domiñ biikiñdo miyu kone Jisu Kristo kiilo.

1 TIMOTI 5:8

Hu kone jalopa matiirḛ mohka heniimyanii mi kalyañ tama, ho luchila mohka atoh uru mi, mo henje mi mapah do ho henjemanii kone mi ayamanii ya.

MIHUKAKIÑNIIÑ 3:10

Niimpalukoda nunu ngiika yanupa pigiito hiiniiñmi atiibiido, ngo nunumi tenka nii myodu hokii lapya talyi niihna hikha dohadolo so ahla donii, hiika atañmi tenka dupa hutiina kiiddiapiñ so dunii.

MIHUKAKIÑNIIÑ 3:21

Hii huna pamiñdonii, ngo mohmi ngiika agiñho raddeduko ho dugii talyi, niihtañpa ngo atoh tiirḛ pamiñtii ho ngiika Aba ka raddeduko ho dubo du.