2 TIMOTI 1:1 - NITI GONTU N.T. (BSI)

¹ Pol, Kristo Jisu ka kiiniñkonii kone Pinii ka henko jaho sango niihna Kristo Jisu ko hemme tola donii,

2 TIMOTI 1:1 ပူးပေါင်းရင်းမြစ်များ

HIBRU 9:15

Hopa mo niti hemmesiiniiñ ka punko hoka lubinii, niimpalukoda humi jalo gyotii labii kiine dupa hemme biniiñ ayudahe paka pensi kosa niimi, niido hokii shiiniiñ hii ahtii hiiko hokii mohlumi darii miitii ku ingyamiigyanii atañmi kapyo hemmesiiniiñ ka ura ho.

JON KA AYAPUYU 17:3

Ho siikasi santḛrlamanii sango, mohlu hiila chindokoda no kontiisii jije Pinii, ho Jisu Kristo humina no kiiniñ tiinii.

2 KORINTIA 1:1

Pol, Kristo Jisu ka kiiniñkonii Pinii ka henko jaho, ho Timoti ngunuka anu. Pinii ka gyoliñkonii Korint hoka dunii atañmi, hikha piniimiyu atañka agiñho hutiina Akaia ho dunii:

JON KA AYAPUYU 10:28

ho ngo mohlumi santḛrlamanii sango bidu, ho mohlu iche hetḛr lyukiñma, ho kone hetḛr mohlumi ngiika alah hokii robii lakiñma.

TAITAS 1:2

santḛrlamanii sango ka hentiñ naniiñho nii mina Pinii, huna pema gollu manii, ayu kolyuñkolo hoka hemme biniiñ

IPISIA 3:6

hiika hii, niihtañpa Midomiyu hii pensikonii ahiñpa lyiniiñ, apo koneka uru ahiñ, ho Kristo Jisu ka hemme biniiñ mika henchemoniiñ ayapuyu kiilo.

JON KA AYAPUYU 6:40

Niimpalukoda siikasi ngiika Aba ka heniiñ, koneabi huna Oho mi kapa lala ho mohmi henje talyi nii hiiko santḛrlamanii sango dopa; ho ngo hiimi kami allo ho seri talyiku.”

1 JON 2:25

Ho siikasi niihna mo hemme bitii nii ngunupa, santḛrlamanii sango.

1 TIMOTI 6:19

hiitañpa atii tiikuñ siibiito atohpa aya liidi rabiidola ahlyinii allopa, niimpalukoda mohlumi sango mi sala dopa niihna jije sango nii.

2 KORINTIA 1:20

Niimpalukoda hikha Pinii ka hemme nii hii mohko ḛh hiido. Hopa niihna ngunu Amen ludu nii mohkokiila, Pinii ka tatukatu kiipa.

1 KORINTIA 1:1

Pol, Pinii ka henko jaho Jisu Kristo paka kiiniñkonii paka gyokonii, ho ngunuka abañ Sostenes,

ROM MIKA POL KA SIITI KENIIÑ 6:23

Niimpalukoda ingyamiigya ka miijo shiigo ke, hojalo Pinii ka binyo paka ahmiñayiñ biniiñ hii santḛrlamanii sango ke Kristo Jisu ngunuka Attoh.

ROM MIKA POL KA SIITI KENIIÑ 5:21

hopa, ingyamiigya hii shiiniiñ mi dogiitii, aroh-aya hiitiirḛ dogii kendo denkilo santḛrlamanii sango mi Jisu Kristo ngunuka Attoh kiilo.

ROM MIKA POL KA SIITI KENIIÑ 1:1

Pol, Jisu Kristo ka miira, kiiniñkonii paka gyoliñ nii, Pinii ka ayapuyu paka atii tiingunii

JON KA AYAPUYU 6:54

hii huna ngiika apomi diidonii ho ngiika ai mi tandonii hiiko santḛrlamanii sango do, ho ngo mohmi kami allo ho seri talyi.

JON KA AYAPUYU 5:24

Jijeloda, jijeloda, ngo nunumi lukoso, hii huna ngiika aguñmi tadonii ho mohmi henje donii ngiimika kiiniñ bomi, mohko santḛrlamanii sango do; mo ayakacho kako ahkiñma, hojalo shiigo mi impo biila sango ho daku.

GELESIA 3:26

niimpalukoda Kristo Jisu ko nunu miilañru Pinii ka oho atañ kuke, henje kiilo.

GELESIA 3:28

Hopa Jew malo Grik hiila khiisu kema, miira malo dasḛr hiila tiirḛ khiisu kema, milobo malo nyimii hiila tiirḛ khiisu kema, niimpalukoda nunu miilañru Kristo Jisu ko kone ke.

2 TIMOTI 1:9

huna ngunumi lyangur tiinii ho gyotiinii darii gyojulo, ngunuka miigo miiko hopa mapa hojalo mohka atoh piigopa ho aroh-aya nii mina mo ngunumi bitiinii Kristo Jisu kiilo ayu kolyuñkolo ho,

2 TIMOTI 1:10

ho siisi kakiñ tiiku ngunuka Lyangurbo Kristo Jisu ka ahniiñlo, huna shiiniiñ mi lapa tiinii ho sango la shiilamasaniimi ahgiitii ayapuyu kiilo.

2 TIMOTI 1:13

Imbo monto jije aguñ luniiñho nii mina no ngiiko hokii tapatiinii, henjeho ho hensuho niihna Kristo Jisu ko donii;

2 TIMOTI 2:1

No hokoda, ngiika oho, chikhopa datolya aroh-aya ho Kristo Jisu koka doniiho,

2 TIMOTI 2:3

Heru henko ho henche monto Kristo Jisu ka denki sipahi hiilyañpa.

2 TIMOTI 2:10

Hopa ngo kapane drih mi pigiidu kahe koniikiipa, niimpalukoda mohlumi tiirḛ sangopyako mi pake nendupa Kristo Jisu ko lyulasamanii tatukatu ka agiñho:

2 TIMOTI 3:15

ho niihtañ no himme jaho hokii chiribiitii dariiaguñ ketolaka doniimi niihna luko lakiñ donii sangopyako niimi Jisu Kristo mika henje giiko hopa.

TAITAS 1:4

Taitas mi, jije ngiika wiinga henje hehiñ ho: Aroh-aya ho chimie Pinii Aba la Kristo Jisu ngunu mika lyangur boko hokii.