2 PITAR 2:4 - NITI GONTU N.T. (BSI)

⁴ Niimpalukoda Pinii miidopopi miya apamatii koda mohluka ingyamiigya lyiho, hojalo yamuganda ho jopa lotii ho mohlumi kamoramba ho dachañranyi lo ratola atiitii ayakacho kalyi ko lohepa;

2 PITAR 2:4 ပူးပေါင်းရင်းမြစ်များ

METHU 25:41

Hiika hiiba ho mo lukiñdo mohka lahchi dalyi hoka danii atañmi, Ngiiko hokii insa nyato, nunu bekonii atañ, yamu lyame lama lyako ho igii la mohka miidopopi atañ paka miimyo tola doko;

METHU 8:29

Ho kato, mo anye gyuritii, “No ngunumi nii miipa, Pinii ka Oho? No so ngunumi myodu ahma rampa henga-henkha miipa hapa ahdunii?”

MAK KA AYAPUYU 5:7

ho hempḛr uropa gyukhe jami gyulala, mo lutii, “No ngiimi nii miipa, Jisu, Pinii kahe jaka Oho? Ngo niimi Pinii kiipake lulyinii, ngiimi heru myanka dopa miiyo”

LUK KA AYAPUYU 10:18

Ho mo mohlumi lutii, “Ngo Saitan mi yapuñ hokii yamu chitañ byohi dopa kapato.

LUK KA AYAPUYU 8:31

Ho mohlu mohmi yartii mohlumi takhubiidañ ho tonge hiila luyo hiila.

JON KA AYAPUYU 8:44

Nunu nunuka aba igii kokii, ho nunuka heniiñ hii nunu aba ka henko ho miichi hiila. Mo lotu jaho hokii miyumenii, ho jije agiñho hang miisa nyimake, niimpalukoda mohko hang jije giima. Mohka amuh lyiho, mo ludu mohka atoh henju jaho, niimpalukoda mo gollunii ho golluka aba.

ROM MIKA POL KA SIITI KENIIÑ 11:21

Niimpalukoda Pinii matiirḛ halloh jije miya opa makoda, nunu mitrḛ opakema ke.

ROM MIKA POL KA SIITI KENIIÑ 8:32

Mo huna atoh ka Oho mitrḛ atii siibii manii hojalo ngunupa hiila bipatii, mo ngunumi amane drih mi mo agiñho bikiñ mata ehna?

2 PITAR 2:11

lusudokoda miidopopi atañ, kaye yasudo chikho la harchichike ho, nyapakoyala haliima mohlumi ayakacho kala Attoh ka hataho.

2 PITAR 2:5

mo matiirḛ bilo miyu atañmi lohe apamatii koda, hojalo Noha mi lyangurtii, denki mika gyukobomi, midiñkanu heka agiñho, mohka dohadolo daka piniihenju hemanii atañ koka yasie tuha kiine lyiho;

2 PITAR 2:9

ho Attoh chindu niitañpana tupya kendonii piniimiyu atañmi tenka nii hokii, ho ingyamiigya miyu atañmi atii biidu miikhiiñ dupa ayakacho kalyi allo lohepa,

1 JON 3:8

Mo huna ingyamiigya donii hii igii kokii; niimpalukoda igii si lotu jaho hokii ingyamiigyanii. Pinii ka Oho ahdo paka lyiniiñsi igii ka miigo miiniiñmi pyadu dupa hiila.

JUD KA SIITI KENIIÑ 1:13

siimie ka biisokacho landoponiiñ hiilyañ, atohpa mohluka hiinyañmi hujḛrsiila; ngojonii takḛr atañ hupana hempḛr kamorambami miimyo bitola dokunii ayudahepa.

JUD KA SIITI KENIIÑ 1:6

Ho miidopopi atañ hutiina atohka dasako daku matiinii hojalo mohluka ayapaka dusa komika apabomi atiibiido mo lyulamasa niika dachañ ranyilo ratola kamoramba ho atiitii kaye allo ka ayakacho kalyi hopa;

MIHUKAKIÑNIIÑ 20:10

ho igii huna mohlumi talubalo biinenii yamu ka siimie ho jopa liibiine ho sulphur ho nohna achu-amyo la amuh nyibuhenii dunii, ho mohlu henga henkha hela dokiñdo allo ayoh dadumi ayu dahepa.