2 PITAR 2:14 - NITI GONTU N.T. (BSI)

¹⁴ Mohlu ipfyodiipyo amee mi giido, hembyañ lamanii ingyamiigya. Mohlu ingya giida henje alḛr giimanii atañmi. Mohluko diibuñ diinyo kunii ahha mi giido. Bekonii himme atañ!

2 PITAR 2:14 ပူးပေါင်းရင်းမြစ်များ

2 PITAR 2:18

Niimpalukoda, piigo ama niimi goropa khanya biidola, mohlu luhuluha do ayamanii asiialyo ka helyihembyo ho, hu miyu atañna gagḛr pala harliñ giitii kunii hiika atañ kokii hutiina miigyaniiho sala danii.

2 PITAR 2:3

Ho mohluka diibuñ ho mohlu nunukokii pasermiiliñ biidupa miikiñdo amuh aguñ atañlo; bilo jakii mohlumika haliiniimi kago tola domake, ho mohlumika pyadu losanii hii imila do make.

IPISIA 2:3

Siika atañka punkoho ngunu hikha ronge sambola dato ngunuka asiialyo ka hembyokabyo ho, asiialyoho ahha ka henju ho imbomola, ho hopa ngunu henju hokii hadii ka himme atañpa lyito, hikha khiibemiyu atañ hiilyañ.

2 PITAR 3:16

siika siimi lubiidola mo hikha mohka siiti atañ ho ketii. Hiikoho drih tonge giido ohepada tachiñ lama, nii mina chimanii ho tagelaka tamanii lugu biidunii hiilo mohlu atohpa pyadu siiniiñ mi lulii giido, mohlu khiibe piniipota mika miichañho.

IPISIA 4:14

niimpalukoda ngunu himme pa lyikiñ kuma, tiihii tiikhe puduñ biikola kapane tonsḛr niika allyi lo, surudonyo miyu atañlo, mohluka lyolyichochi gollumisu lujubenju lo.

ROM MIKA POL KA SIITI KENIIÑ 16:18

Niimpalukoda sitañ miyu atañsi ngunuka Attoh Kristo mi miiho make, hojalo mohluka erre misuke, ho lujuaya ho luhiluso la aguñ lula la mohlu chimanii miyu atañmi gollu nyabiido.

1 KORINTIA 11:19

nunuka punkoho khiingu khiire hii do niimpalukoda hutiina aya donii nunuka punkoho hiimi kala dupa hiila.

JON KA AYAPUYU 5:44

Niihtañpa nunu henje lakiñdo, huna kone anyañ ka assañ niimi larii siila ho Pinii kokiika assañdiilañ ahnii miya menya mapa?

METHU 12:34

Nunu lyolyichochi atañ! Niitañpa nunu aya drih lula kendo, nunu diimmah pa dala? Niimpalukoda ahha hoka pote lyiku hoke aguñ ho luliñ dunii.

1 JON 2:16

Niimpalukoda hikha dohadolo hoka donii hii, asiialyo ka muniiñ ho amee ka kalyikabyo ho sango ka hentii siiniiñ si, Aba kokii make hojalo dohadolo kiike.

MAK KA AYAPUYU 13:22

Amuhpa Kristo ke ho amuhpa nyibuhenii ke hiila linkiñ doke ho kagiñnanii la kahotamo drih kakiñ kendo, ngogya giipa, miila dokoda kahenii atañmi miipa miido.

KOLOSIA 2:18

Konelotrḛ nunu khiipa kolya yo, khiiliila atohpaka-taliilaka miiniiñmi ho miidopopi mika herii laka miiniiñmi, mohluka nyibuheniiñ mi lutiñ nambiidola, butelindu hang lukosanii giimapa mohluka asiialyo ka henjulo,

JUD KA SIITI KENIIÑ 1:11

Aiya hiila hembido mohlupa! Niimpalukoda mohlu Ken ka inchañ ho indo, ho mohlu atohmi apa siibiido niimpalukoda paser miiliñbiidupa Balam ka miikha ko jaho, ho Kora ka chekho ko lyubo mondu pa hiila.

METHU 25:41

Hiika hiiba ho mo lukiñdo mohka lahchi dalyi hoka danii atañmi, Ngiiko hokii insa nyato, nunu bekonii atañ, yamu lyame lama lyako ho igii la mohka miidopopi atañ paka miimyo tola doko;

METHU 5:28

Hojalopa Ngo nunumi ludu hujalopa nyimii mi kalyikabyo la kadi talyi hii ipfyo tiiku mohka ahha ho hiika nyimii ka agiñho.

MIHUKAKIÑNIIÑ 12:9

Ho hempḛr kahe tabu mi ripa limbiido, hiika ayuhoka tabu mi, humina Igii ho Saitan hiila myantiinii, hikha dohadolo mika talubalobo-mohmi kiiddiapiñ ho jopa lobiido, ho mohka miidopopi atañ miilañmi mohka agiñho jopa lobiido.

METHU 23:14

Aiya hiila niimi hembido, pagenii atañ la Parisi atañ, apukahi! niimpalukoda nunu hiimie atañka ude mi diiluñ luluñda ho obyo pa kuniiñ mi kukiñ biidola; hopa nunu uroyapa halii kokiñdo.