2 PITAR 1:3 - NITI GONTU N.T. (BSI)

³ Mohka pinii harchichike lo ngunumi bitiiku hikha drih atañmi hiikahii sango la piniisanju, mohka chiniiñlo huna ngunumi gyotiinii mohka atoh tatukatu ho la ayajalo,

2 PITAR 1:3 ပူးပေါင်းရင်းမြစ်များ

1 PITAR 5:10

Ho nunu ichuche heru hela lala, hikha aroh-aya ka Pinii, huna nunumi mohka ayudahe tatukatu Kristo ko gyolii tiinii, mo atohloda miilyañ kendo kuke, dodopa miikiñdo, ho alḛrdopa miikiñdo nunumi.

2 TIMOTI 1:9

huna ngunumi lyangur tiinii ho gyotiinii darii gyojulo, ngunuka miigo miiko hopa mapa hojalo mohka atoh piigopa ho aroh-aya nii mina mo ngunumi bitiinii Kristo Jisu kiilo ayu kolyuñkolo ho,

ROM MIKA POL KA SIITI KENIIÑ 8:32

Mo huna atoh ka Oho mitrḛ atii siibii manii hojalo ngunupa hiila bipatii, mo ngunumi amane drih mi mo agiñho bikiñ mata ehna?

2 KORINTIA 12:9

hojalo mo ngiimi lutii, Ngiika aroh-aya hii niipa khe biikiñ doke, niimpalukoda ngiika harchichike hii digoabiaya giikiñ doke ajju hotiirḛ. Ngo uro yapa hempyo biidola khansu talyi ngiika ajju mi, niimpalukoda Kristo ka tamo hii ngiiko doha kendo.

1 PITAR 2:21

Niimpalukoda siika sipa nunumi gyoliñtii, niimpalukoda Kristo tiirḛ nunupa heru hembi tii, nunupa katiñ naniiñpa apa bibii dola, niimpalukoda nunumi mohka dako ho dabo monke nendupa.

2 TESOLONIA 2:14

Siika sipa mo nunumi gyotii ngunuka ayapuyu kiilo, niimpalukoda nunumi labii kiine dupa ngunuka Attoh Jisu Kristo ka tatukatu mi.

1 PITAR 2:9

Hojalo nunu kahenii haluke, radde ka nyibu atañ, darii ganda, Pinii ka atoh miyu, niimpalukoda nunumi luko kiine dupa mohka hempḛr aya miigo miiniiñmi huna nunumi gyoliñ tiinii kamo hokii mohka hempḛr kapyo hutoh ho.

1 TESOLONIA 2:12

sango mi Pinii khiiko dopa sando pa, huna nunumi gyotiinii mohka atoh raddegandaho ho tatukatu ho.

1 TESOLONIA 4:7

Niimpalukoda Pinii ngunumi kachotaniipa gyomake, hojalo darii pake.

1 PITAR 1:15

hojalo mo huna nunumi gyodonii dariike, darii to nunu atohpa hikha nunuka miiko lukoho;

IPISIA 4:1

Hopa ngo, Attoh paka pattiih tunkobo, yarlyi ke nunumi gyoliñ niimi khiiniiñ pa sango mi santo nii pana nunumi gyotiinii,

1 KORINTIA 1:9

Pinii lotii ke, hulona nunumi mohka Oho agiñho dukuñ mondo pa gyotiinii, Jisu Kristo ngunuka Attoh.

2 PITAR 1:2

Aroh-aya la chimie abuyapa nunuko dokiñcho Pinii la Jisu ngunuka Attoh nyimika chiniiñho.

2 PITAR 1:5

Niimpalukoda siika piigo lodapa kapanelo miibyuñ talyi hento nunuka henje ho ayahenju agiñho, ho ayahenju ka agiñho chiniiñ,

1 PITAR 3:9

Diimmah pa diimmah miisi yayo malo cheniipa chesi lyayo; hojalo hiilamapa lyantolya, niimpalukoda siika sipake nunumi gyotiinii, niimpalukoda nunu lyaniiñmi padupa.

KOLOSIA 1:16

niimpalukoda mohko hikha drih atañmi puliñtii, dariiganda la kiiddiapiñ nyiho, kapalaniiñho ho kapalama niiho, raddeduko malo domiñ biiniibo malo sangiinii malo otority atañ-hikha drih atañ mi puliñtii mohpa ho mohkiilo.

1 TIMOTI 4:8

niimpalukoda apo ka miinyo niisi tiirḛ ayado, piniisanju ada kapakohe piigo ahdo ke, siikasi siisi ka sango patrḛ hemme bitii ho ahsa nii sango patrḛ.

IPISIA 4:4

Apo kone siike dosudonii ho Yajiyallo kone siike, niihtañpa nunumi hentiñ naniiñ kone ho gyotii hiika gyoniiñ hii nunukiike,

PILIPIA 4:8

Kamijapa, anubarmii atañ, niihna jijenii, niihna khiisaniiñ, niihna miidikonii, niihna dariinii, niihna kapyo doniiñ, niihna aroh-aya doniiñ, hiiko matiirḛ hempḛr ayado hiila hendo milo, hiiko matiirḛ hangdrih jalo khiila assañdopa lyido milo, hiika drih atañka piigo mi henka nyato.

METHU 28:18

Ho Jisu ahtii ho mohlumi lutii, “Hikha yapuñ la kiiddiapiñ nyika otority mi ngiimi bitola do.

HIBRU 1:3

Mo Pinii ka tatukatu mi byokur lingiido ho mohka tiihoniiñ henjujami giido, siichañmiido mi mohka aguñka harchichikelo gatu biitola. Mo ingyamiigyanii atañmi darii miite hekula, mo Pinii kahejaka lahbi alah ho duku.

1 PITAR 1:5

hutiina Pinii ka harchichike lo henje kiilo dagur kobiidonii sangopyako pa kamikalo myodu ho kakiñ dupa hiila henju tokula dokuniimi.

ROM MIKA POL KA SIITI KENIIÑ 9:24

ngunu mitrḛ humina gyotii nii, Jew atañ hokii kontii mapa Midomiyu hokii tiirḛ?

PILIPIA 3:8

Jije ludokoda ngo kapanedrih mi alyu siitii luchi niimpalukoda hiimitiirḛ khiiniiñya ngo chingiitii Kristo Jisu ngiika Attoh mi. Mohkiipa ngo heru hembitii alyu siila hikha drih atañmi, ho hiika atañmi ma hiila khiitii, niimpalukoda ngo Kristo mi padupa

2 PITAR 1:6

ho chiniiñ ka agiñho hendimiidi, ho hendimiidi ka agiñho rantinii, ho ranttiniika agiñho piniisanju mi,

2 PITAR 1:8

Niimpalukoda siika drih atañsi nunuko dokoda ho abupa giido koda, siika atañsi nunumi ngunuka Attoh Jisu Kristo ka chiniiñ hokiika ajju malo ahee himanii hokiila dagii kendoke.

2 PITAR 1:10

Hopa, anubarmii atañ, uroyapa ya mechi hiila hento nunumika gyoniiñ la kahe niimi chindḛr dupa, niimpalukoda nunu matiirḛ siimi miido koda nunu pema huhi kemake;

2 PITAR 2:20

Niimpalukoda matiirḛ, mohlu dohadolo mika miibḛrnii hokii hargii kula la ngunu Attoh ho lyangurbo Jisu Kristo mika chiniiñlo, mohlu hiira mohluko hatu kodo koda ho miimiñkodo koda, kamikalo ada ayamaya kendo kapyo hokiimi hentola.

2 PITAR 3:18

Hojalo santo Attoh la Lyangur bo Jisu Kristo ka aroh-aya la chiniiñ ho. Mohmi assañ kencho siisi ho ayudahe ka allo lohepa. Amen.