2 KORINTIA 8:9 - NITI GONTU N.T. (BSI)

⁹ Niimpalukoda no chindo Attoh Jisu ka aroh-aya mi, mo mingo siitii tiirḛ, hojalo ngunu kiipa mo aroh pa lyitii, mohka aroh kopa ngunumi mingo kiine dupa.

2 KORINTIA 8:9 ပူးပေါင်းရင်းမြစ်များ

ROM MIKA POL KA SIITI KENIIÑ 8:32

Mo huna atoh ka Oho mitrḛ atii siibii manii hojalo ngunupa hiila bipatii, mo ngunumi amane drih mi mo agiñho bikiñ mata ehna?

METHU 20:28

sichuli miyu ka Oho tiirḛ miiho kopa ahmake miiho dupake ahnii, ho mohka sango mi abuje miyu mi tupya naniipa.”

ROM MIKA POL KA SIITI KENIIÑ 5:8

Hojalo Pinii ngunumi mohka heniiñmi kakiñtii ngunuka ingyamiigya laka darañho Kristo mi ngunu pa shiibi kiine biidola.

2 KORINTIA 6:10

heru siido, hojalo kiirañ hempyodo; aroh siido, hojalo abujemi mingo dopa miitii; hang nyima siitrḛ, hojalo kapane hemi biidu.

IPISIA 2:7

niimpalukoda ahlyi niika santuñ ho mohka khiikolamanii aroh-aya helakala ka mingo mi ngunumi kakiñ dupa Kristo Jisu ko.

JON KA AYAPUYU 1:14

Ho Aguñ hii asiialyo pa lyitii ho ngunuka punkoho duhatii, aroh-aya la jije poteje giitola; ngunu ko mohka tatukatu hii do, hiila ka tatu katu mo Aba ka hiiro kone kontii.

JEMS 2:5

Tageto, ngiika heniiñja anubarmii atañ. Pinii kahe masu peha dohadolo daka arro miyu mi henje ho mingo kiine dupa ho mohka hemme biniiñ raddeganda mi pensi dupa huna mohmi hendonii?

IPISIA 3:8

Ngiimi, lusudokoda ngo atujasu hikha piniimiyu punkoho, siika aroh-aya mi bitii, Midomiyu atañmi tonsḛrkhenyo dopa Kristo ka mechilamanii mingomi,

1 TIMOTI 6:18

Mohlu aya mi miikiñdo, aya miigo ho mingo dopa, billakellaho ho kobya ho,

2 KORINTIA 13:14

Attoh Jisu Kristo ka aroh-aya ho Pinii ka hensunii ho Darii Yajiyallo ka dabo monii hikha nunuka agiñho dabo kencho.

LUK KA AYAPUYU 16:11

Hokoda nunu matiirḛ kiiddiapiñ ka tiickoyanii paya lotii bimakoda, hu nunumi jije ka mingo mi kabii tote luchi?

HIBRU 1:2

hojalo siika kamikalo allo ho mo ngunumi mohka Oho lo luriitii, humina mo kahetiinii kapane drih atañmi pensi koniipa, hukiilona mo dohadolo mi puliñtiinii.

LUK KA AYAPUYU 9:58

Ho Jisu mohmi lutii, “Yali atañ kii ubu dodu, yapuñ daka piita atañpa asi dodu; hojalo miyu ka Oho pa dinta dingi ko nyima.”

MIHUKAKIÑNIIÑ 3:18

Hopa ngo nunumi yardu ngiiko hokii riito yamu loka nitimiikunii ayyiñ mi, niimpalukoda nunu mingo dupa, ho puloo pulye nunu atohmi ahgii siidupa ho nunuka ahuara hiinyañ saniiñmi achuñ giidupa, ho diiro nunuka amee ho nesu dupa, niimpalukoda nunu kapa dupa.

IPISIA 3:19

ho chinke nendupa Kristo ka heniiñmi niihna chilami abuyadonii, niimpalukoda nunumi hikha Pinii ka henju mi poteje giike nendupa.

1 KORINTIA 1:4

Ngo Pinii mi payapacho ludu kiirañ nunupa Pinii ka aroh-aya kopa nii mina nunumi Jisu Kristo ko bitiinii,

LUK KA AYAPUYU 2:7

Ho Mary mohka butu wiinga milobo oho mi butii ho mohmi pulye ho apu tola atiitii, ho durgu ho gotola atiitii, niimpalukoda hiiko mo anye pa duko nyimatii.

JON KA AYAPUYU 16:15

Hikha Aba kii hii ngiikii ke; hopa ngo ludu mo niihna ngiikii hiimi labii kendo ho hiimi nunumi luko kendo.

JON KA AYAPUYU 1:17

Niimpalukoda dapo hii Mose kokiila bitii; aroh-aya la jije hii Jisu Kristo kokiila ahtii.

JON KA AYAPUYU 1:10

Mo dohadolo ho dutii, ho dohadolo mi putii mohmi pugi nambiila, hojalo dohadolo hii mohmi chimatii.

METHU 8:20

Ho Jisu mohmi lutii, “Yali pa ubu dodu, ho piita patḛr asi; hojalo miyu ka Oho pa dinta dingi kotrḛ nyima.”

MIHUKAKIÑNIIÑ 21:7

Mo huna pamiñdonii siika pensi konii si dokiñdo, ho ngo mohka Pinii pa lyichi ho mo ngiika oho pa lyikiñdo.

1 KORINTIA 15:47

Kapyo miyu hii kiiddiapiñ hokiitii, dimḛr ka miyu; anyenii miyu hii dariiganda hokii.

ROM MIKA POL KA SIITI KENIIÑ 11:12

Siisi matiirḛ mohluka palle hii dohadolo mi mingo giido koda, ho matiirḛ mohluka miipelamanii hii Midomiyu mi mingo giido koda, niimkane abu kendo hikha mohlu ahgyo dokoda!

JON KA AYAPUYU 17:19

Ho mohlu kiipa ke ngo atohmi tiilii siitiinii, niimpalukoda mohlumi tiirḛ jije ho tiiliisiike nendupa.

JON KA AYAPUYU 12:30

Jisu lusitii, “Siika aguñ nunu pake lindo nii, ngiipa make.

MAK KA AYAPUYU 6:3

Si hiika bitie miinii boma siiha, Mary ka oho ho Jems, Jose, Judas ho Saimon ka abañ, ho siikasi mohka barmii masu ha ngunu agiñho danii?” Ho mohlu mohmi khiipatii.

METHU 17:27

Hojalopa, mohlumi khiilii madopa, yasie siimie ho ingela ngiiyyi akho mi kulohe, ho kapyo japa ka ngiiyyi kubiiniimi lacha lala, ho hiika ngiiyyi ka aguñmi no khoko dokoda ho posa pere kappa kendoke; hiimi labiila mohlumi bito Ngiipa ho nunu pala.

KOLOSIA 1:24

Siisi ngo hempyodo ngiika nunukiipa ka heru biniiñpa, ho ngiika asiialyoho ngo miipe tiiku niihna miipe mapa donenii Kristo ka achih chibi niiho mohka apo kiipa, hiikahii, gyoliñkonii atañ,

LUK KA AYAPUYU 8:3

ho Joanna, Chuza ka mihie, Herod kiimi ka kabiibo, ho Susanna, ho khiibe abujeta, siika atañsi mohluka injomiijo hokii mohlumi bitiiketii.

ROM MIKA POL KA SIITI KENIIÑ 15:3

Niimpalukoda Kristo mo atohmi hempyo miipa siimake; hojalo, hiila ketola do, “Nyapakoya nii huna niimi nyapakoya donii hiimi ngiiko ahkenento.”

MIHUKAKIÑNIIÑ 2:9

“‘Ngo chindo nunuka hentḛrkanyi ho nunuka arromi (hojalo nunu mingodo), ho nipasiiniiñ atañ huna ludonii mohlu Jew ke hiila ho mohlu hiilama, hojalo Saitan ka sinagog.