2 KORINTIA 7:4 - NITI GONTU N.T. (BSI)

⁴ Ngo nunumi hempḛr hentiñdo; ngo nunumi hempḛr hentii nandu; ngiimi hembyuñtii. Hikha ngunuka pamyotakho bako hotiirḛ, ngo ano hempyo siido.

2 KORINTIA 7:4 ပူးပေါင်းရင်းမြစ်များ

2 KORINTIA 1:4

huna ngunumi hembyuñ dunii hikha ngunuka ahiare ho, niimpalukoda ngunu tiirḛ hembyuñ ladopa huna ahiare ho dunii, hiika hembyuñ niilo nii mina ngunu atohpa Pinii lo hembyuñ kotiinii.

2 KORINTIA 3:12

Ngunu ko sitañ ka hentiñ naniiñ doko hopa, ngunu hempḛr harodo,

JEMS 1:2

Hempyo paya khiitolya hikha rumi, ngiika anubarmii atañ, niida nunumi ponsa ponsa tenka talyi,

KOLOSIA 1:24

Siisi ngo hempyodo ngiika nunukiipa ka heru biniiñpa, ho ngiika asiialyoho ngo miipe tiiku niihna miipe mapa donenii Kristo ka achih chibi niiho mohka apo kiipa, hiikahii, gyoliñkonii atañ,

PILIPIA 2:17

Ngiimi siipuñ ponchañ ho pombii siilyi jalo membi sako nunuka henjepa, ngo hempyo talyi ho sobo talyi hikha nunuka agiñho.

1 KORINTIA 1:4

Ngo Pinii mi payapacho ludu kiirañ nunupa Pinii ka aroh-aya kopa nii mina nunumi Jisu Kristo ko bitiinii,

1 TESOLONIA 2:19

Niimpalukoda nii ngunuka hentiñnanii malo hempyo malo hentiilaka khansunii tahiñbyopa ngunuka Attoh Jisu mohka ahlyikuho? Siikasi nunu masu peha?

1 TESOLONIA 2:2

Hojalo ngunu heru hensutiiku ho hiinyañmohi dopa miipa kosu tiijalo Pilipi ho, nunu chindo, ngunu haroto ngunuka Pinii ko nunumi Pinii ka ayapuyu mi luko dopa hempḛr uro cherii niika hataho.

PILIPIA 1:20

siikasi ngiika hempḛr uro heniiñpa lyidota ho hengiñ naniipa niimpalukoda ngo iche hetrḛ hiinyañmohi kema, hojalo poteje harola siisi kiirañ ngiika ahuapo lo Kristo mike assañ giikiñ donii, turla jalo malo shiijalo.

2 KORINTIA 11:21

Ngiika hiinyañsi, ngo luchi loda, ngunu uro haja ajju doke siika atañpa! Hojalo niijalo kone abi henyada khansu dupa-ngo piicha hiilyañ pake lulyi nii-ngo tiirḛ khansu siila kendo hiipa.

2 KORINTIA 8:24

Hopa kakiñto, gyoliñkonii atañ ho hataho, nunuka hensu niimi ho ngunuka hentii niimi nunuka piigomi siika miyu atañmi.

2 KORINTIA 2:14

Hojalo Pinii mi payapacho lulyi, huna kiirañ ngunumi Kristo kiilo pamiñ giidonii, ho ngunu kiilo mohmika chiniiñ ka riso mi kapakohe sutii kiine donii.

2 KORINTIA 1:14

niihtañpa nunu tange mi tala do, hiipa nunu ngunupa hentii lakiñdo niihtañpa ngunu nunupa, Attoh Jisu ka allo ho.

ROM MIKA POL KA SIITI KENIIÑ 5:3

Hiimitiirḛ abuyapa, ngunu hempyodu ngunuka heruhenkoho, chimbiitola heruheniiñ hii pigiilaniiñ mi lingiidu,

MIINIIÑ 5:41

Ho mohlu bulyañ kokii intiiku, hempyo biidola mohlumi khiitii hiila niimpalukoda khiimanii armyañ pa heru hembi dopa.

2 KORINTIA 7:14

Niimpalukoda ngo matiirḛ mohmi luko dokoda nunu paka hentii niimi, ngo hiinyañ miipyu ma; hojalo kapane ngunuka nunumika luniiñ hii jije, hopa ngunuka Taitas ka hata hoka hentii nii hii jije hiila kakiñ tiiku.

2 KORINTIA 10:8

Hojalo ngo matiirḛ hentii dokoda ngunuka otority mi iche jalo uro yapa hendo koda, nii mina Attoh bitiinii nunu mika hata chagii naniipa ho nunumi pyadu lodu pamapa, ngo hiinyañ tama.

PILIPIA 1:14

ho abuya anubarmii atañmi hatii dopa miitii Attoh ko ngiika patiihtunko kopa, ho uroyaya harola Pinii ka aguñmi ludo hang biiso mapa.

PILIPIA 1:26

niimpalukoda ngiiko nunu abuje piigo assañ saniiñ kapa kendoke Kristo Jisuko, niimpalukoda ngiika nunukoka hiira ahti kopa.

2 TESOLONIA 1:4

Hopa ngunu atohpa khansudu Pinii ka gyoliñkonii atañ ho niimpalukoda nunuka ranttiniiñ giiko hopa ho henjemi hikha nunumika miihimiire hotiirḛ ho pamyotakho mika nunuka pigii niimi.

PELEMON 1:7

Niimpalukoda ngo abuje hempyo ho hembyuñnii niika heniiñ hokii lariitii, ngiika anusi, niimpalukoda piniimiyu atañka ahha mi jojo dopa miitii niikii dalyi hokiila.