2 KORINTIA 7:2 - NITI GONTU N.T. (BSI)

² Nunuka ahha mi ngunupa miikoto; ngunu kone mitrḛ miigya bimake, ngunu kone mitrḛ diimutamu bimake, ngunu kone mitrḛ samisapu la miima.

2 KORINTIA 7:2 ပူးပေါင်းရင်းမြစ်များ

2 KORINTIA 11:9

Ho ngiika nunuka agiñ hoka dalyiho ho anna lyiho, ngo kone mitrḛ alluabama, niimpalukoda ngiika annami Masedonia hoka anubarmii ahnii atañ bibyuñ tii. Hopa ngo nunumika alluaba saniiñ mi lapatii ho piijo dajalo lapatalyi kapane lembo hokii.

MIINIIÑ 20:33

Ngo kone katrḛ rupu mi malo ayyiñmi malo giijugiimyo mi kapyo malyi ke.

2 JON 1:10

Hu kone jalopa matiirḛ niiko ahchi ho siika tonsḛr niimi ahgii makoda, mohmi ude ho ahke nelyayo malo hang ayahelyi lulya yo;

ROM MIKA POL KA SIITI KENIIÑ 16:18

Niimpalukoda sitañ miyu atañsi ngunuka Attoh Kristo mi miiho make, hojalo mohluka erre misuke, ho lujuaya ho luhiluso la aguñ lula la mohlu chimanii miyu atañmi gollu nyabiido.

METHU 10:40

“Huna niimi kariidonii ngiimi ke kariidonii, ho huna ngiimi kariidonii ngiimika kiiniñ bomike kariidonii.

METHU 10:14

Ho mi matiirḛ nunumi kariikatañ malyi milo malo nunuka luniiñ tama lyimilo, nunuka alih daka dimḛr mi lohe pipa siitolya nunuka hiika ude mi malo taun mika apatela ilyi kuho.

PELEMON 1:17

Hopa no ngiimi niika miihiñ ahiñ hendo milo, lariito mohmi ngiimika larii kachañ ho.

PELEMON 1:12

Ngo mohmi niiko kiiniñ nenku biilyi kuke, ngiika ahha jami ke kiiniñ biilyinii.

1 TESOLONIA 2:10

Nunu haki ke, ho Pinii tiirḛ, niihtañ darii ho denki ho pahañhansa giima ngunuka henjumiijuho nunu henjenii atañpa;

KOLOSIA 4:10

Aristarkas ngiika pattiih tuhiñ koniiñ ahiñ nunumi ayahelyi ke, ho Mak Barnabas ka achibaro (hupa nunumi luko lumyoto, mo matiirḛ nunuko ahlyi milo, mohmi larii tolya hiila),

PILIPIA 2:29

Hopa mohmi karii tolya Attoh ko hempḛr hempyo biidola; ho sitañ miyu mi khiito lya,

2 KORINTIA 11:16

Ngo luti biilyi ke, kone tiirḛ ngiimi piicha hiila heyo; hojalo nunu matiirḛ henjalo, piicha hiila hembiidola ngiimi lariipe, niimpalukoda ngiimi tiirḛ iche khansu ladopa.

2 KORINTIA 4:2

Ngunu hiinyañmohi mi apatiiku, miisilaka miigo miiniiñmi; ngunu surudonyo lembo mi apatiiku malo Pinii ka aguñmi miibḛr miilyi ma, hojalo jije lugo mi ngunu atohpa lubii dola miyu kone abika henju mi Pinii ka hataho atii bidu.

2 KORINTIA 1:12

Ngunu ka hentii hii sike, ngunu henju ka pyakonii hiilake niihtañ pana ngunu dohadolo ho datiinii, ho abuyaya nunuka hataho, darii ho pinii henju jaho, kiiddiapiñ ka chila lomapa hojalo Pinii ka aroh-aya lo.

LUK KA AYAPUYU 10:8

Nohjalo nunu taun ho ahchi ho mohlu nunumi karii lyimilo, diitolya niihna nunuka hataho atii bitii nii;