2 KORINTIA 7:11 - NITI GONTU N.T. (BSI)

¹¹ Kato niihtañ henkiñ siika piniihenju ka heru si nunuko lingiido, niihtañ nunu atohmi lupya siido pa miibiido, niihtañ hadiine, niihtañ henjune, niihtañ kalya nyane, niihtañ miinala henyane, niihtañ pamyo kenkone! Kapakohe nunu atohmi lugo giima dopa kakiñ siitii siika drih ho.

2 KORINTIA 7:11 ပူးပေါင်းရင်းမြစ်များ

ROM MIKA POL KA SIITI KENIIÑ 14:18

mo huna Kristo mi miiho donii hii Pinii ka talii lasanii ho miyu atañka kahe kuniiñ.

2 TIMOTI 2:15

Niika miikhe jami ayapa miito atohmi Pinii ka taliikokunii kone hiila kakiñ siidupa, miigomiinii miyu huna hang hiinyañ dopa lyimanii, miidiko jaho miila jije ka aguñmi gabiitola.

2 KORINTIA 7:7

ho mohka ahniiñ lo kontii mapa hojalo hembyuñ tiita niilona mo nunumi hembyuñ tiinii, mo nunuka kalyareniiñ mi ngunumi lukotii, nunuka heru niimi, nunuka ngiipa ka hembi niimi, hopa ngo uro yapa hempyodo.

1 KORINTIA 5:13

Pinii agomiyu dagii niimi halii du. “Diimmah miyu mi nunuka punko hokii mompato.”

MIHUKAKIÑNIIÑ 3:19

Hiika atañ hutii mina ngo hendu nii, ngo gadu ho miikhiiñdu; hopa hendinyato ho henkur nyato.

JUD KA SIITI KENIIÑ 1:23

tongemi lyangur tolya, mohlumi yamu hokii rore limbii dola; tonge mi aroh biiso biidola, hojalo asiialyo ka diigolugo giinii ka pulyetarii mi lohe kanamapa miibii lya.

1 PITAR 2:2

Niti wiinga buniiñ hiilyañ, darii yajiyallo ka anyi mi hayato, hiilo nunu sancha ladopa sangopyako lohepa;

1 PITAR 1:17

Ho nunu matiirḛ mohmi Aba hiila gyodu milo huna henguhere mapa halii kendonii mohka miiniiñ jaho, atohmi nunu biiso biidola miitolya hikha nunuka soka mompa koto laka dudo hemi.

HIBRU 4:1

Hopa, mohka hemme biniiñ dumo koka ahsa niihii dolya tii, kiije biisosa hiila makoda nunu ayakacho kakola hiiko ahchi lama pa miidii ke.

TAITAS 3:8

Luniiñsi jije. Ngo hiila hendo niimi siika drih atañ soya miikañ ari miikiñcho, niimpalukoda hutiina Pinii mi henje nyadonii hendi biidola atoh atohmi miilii siidopa aya miigo atañ so; siika atañsi ayalodake ho miijo dokiñ doke miyu atañpa.

PILIPIA 2:12

Hopa, ngiika heniiñja, kiirañ nunu luniiñ taliine, hopa siisi tiirḛ, ngiika daho kontiimapa hojalo uroyapa ngiika nyima lyiho hotiirḛ, nunuka sangopyako ka miigomi biiso biidola ho alye biidola miitolya;

IPISIA 5:11

Hang aheehiliñ giimanii kamo hoka miigo ho miibo lyayo, hojalo hiika atañmi kapadopa ya miitolya.

IPISIA 4:26

Hadiito hojalo ingyamiigya yo; nunuka hadiimi danyi ahpu kolya yo,

2 KORINTIA 13:7

Hojalo ngunu hiila Pinii mi kudu nunu miigya mado koda hiila-ngunuka ahniiñsi tenka niimi kapa dupa hiilama, hojalo nunumi niihna jijenii hiimi miike nendupa, ngunu miipelama pa lyisu dojalo.

2 KORINTIA 9:2

niimpalukoda ngo chindo nunuka henju niimi, nii mina ngo nunumi khambii dunii Masedonia miyuatañ agiñho, lubiidola Akaia ada biinya kiija henju la do; ho nunuka miichi hiila ka heniiñ hii abujemi haro miipa giitii.

2 KORINTIA 7:1

Ngunu ko siika hemme nii atañ hii do, ngiika ajiñ atañ, kiije ngunu atohpa harsu kusa ngunuka apo ho yajiyallo mika hikha miibḛrnii hokii, ho darii ho digoabiaya dopa miisa Pinii mi biiso biidola.

2 KORINTIA 6:4

hojalo Pinii ka miira siilyinii ngunu kapakohe lembo ho lusudu: uropa pigii biidola, herumyanka ho, henkhiimilyiñ ho, hachesiire ho,

2 KORINTIA 2:6

Niimpalukoda sichuli konemika taroyalloka diikhiiñ lukhiiñ nii khe doke;

1 KORINTIA 12:25

niimpalukoda apo ho tache tahe giima dopa, hojalo hakhu atañmi ahiñpa kalyañkada kahiñ siidopa kone anyañ mi.

1 KORINTIA 5:2

Ho nunu hentii siinya da! lusudokoda nunu heru laya heru kema siipeha? Huna siimi miidonii hiimi nunuka punko hokii nempa linto.

ROM MIKA POL KA SIITI KENIIÑ 11:20

Hiika hii jije. Mohlu tatulineku niimpalukoda mohluka henje mako hopa, hojalo nunu dasuda henje kopa kontii. Hopa hentii nyayo, hojalo biiso biidola dato.

MIINIIÑ 17:16

Siisi Pol Aten ho mohlumi kalyala dakele, mohka yajiyallo mohka ura ho mohmi lula dotii, mo kappatii citi ho poteje miichinii dotii.

JON KA AYAPUYU 2:17

Mohka henjeajiñ atañ hempatii hiila ketola done hiila, “Niika ude paka henahii ngiimi lyamu chikañ lyabiilyi.”

MAK KA AYAPUYU 3:5

Ho mo hadii biidola mohlumi kahi kasotii; mohluka ahha alḛr mi kala lala herutii, ho hiika miyu mi lutii, “Niika alah yuliñto.” Mo yuliñtii, ho mohka alah hii aya ritiiku.

2 KORINTIA 7:9

Hiila siido jalo, ngo hempyodo, nunuka heru kopa hiilama, hojalo nunuka heruko nunu henkur nyado ku; niimpalukoda nunu pinii henju ka heru mi hendo, hopa nunuka herunii ngunupa hang alyu giima.

ROM MIKA POL KA SIITI KENIIÑ 3:5

Hojalo ngunuka diimmah hii matiirḛ Pinii ka ayakacho kaniiñmi kakiñ dokoda, nii hiila pe ngunu luchinii? Pinii miikha dopeha ngunumi pamyo kela? (Ngo miyu ka luchañ hoke ludu nii.)

1 TESOLONIA 4:6

miyu kone hetrḛ taleyo, ho atohka anuabañ mi siika piigo so miigya yo, niimpalukoda Attoh siika drih atañ so miili duke, ngunuka kapyo hoka nunumika jijeloda luluñnii hiilyañ.

1 TIMOTI 5:20

Hiika atañ pakoda hutiina ingyamiigya ho miikañla danii, gato mohlumi miilañruka tadopa, niimpalukoda khiibe atañmi biisola dadopa.

JEMS 3:17

Hojalo ayoh hokii ka chila hii kapyo japa darii, hiikahiibaho chimie, yanu, luniiñ taliinii, poteje aroh ho aya ahee atañ, heriñkariñ giima malo lyolyichochi nyima.