2 KORINTIA 7:1 - NITI GONTU N.T. (BSI)

¹ Ngunu ko siika hemme nii atañ hii do, ngiika ajiñ atañ, kiije ngunu atohpa harsu kusa ngunuka apo ho yajiyallo mika hikha miibḛrnii hokii, ho darii ho digoabiaya dopa miisa Pinii mi biiso biidola.

2 KORINTIA 7:1 ပူးပေါင်းရင်းမြစ်များ

1 TESOLONIA 4:7

Niimpalukoda Pinii ngunumi kachotaniipa gyomake, hojalo darii pake.

1 PITAR 2:11

Heniiñja, Ngo nunumi yarlyike nyibo ho monkoniipa khiisubiidola asiialyo ka helyihembyo hokii dasa giitolya hiika hii nunuka yallo miya ke gyambo pagii donii.

JEMS 4:8

Pinii ko ahdeto ho mo nunuko ahde kendoke. Nunuka alah mi harsuto, nunu ingyamiigyanii atañ, ho nunuka ahha mi darii miito, nunu lyonye paka miyu heniiñ atañ.

1 JON 3:3

Ho kone abi huna mohko hentiñ mi atii donii atohmi darii miisudu niimpalukoda mo darii.

1 TESOLONIA 5:23

Chimie ka Pinii mohloda nunumi hikha darii miikiñcho; ho nunuka yajiyallo ho yallo ho apo mi dariipa atii kencho ho pahañhansa giima dopa Attoh Jisu Kristo ka ahlyikuho.

1 PITAR 1:22

Nunuka yallomi darii miibii dola nunuka luniiñ talii niilo jijemi, jijeka anubarmii hensu niilo, kone anyañmi hempḛr uropa hensu tolya ahha lo.

1 KORINTIA 6:20

nunumi arie bila riitii ku. Hopa nunuka apo lo Pinii mi assañ diilañto.

1 JON 1:7

hojalo ngunu matiirḛ hutoh ho indo koda, niihtañpa mo hutoh ho da, ngunu kone anyañ ka agiñho dukuñ siidoke, ho mohka Oho Jisu ka ai ase duke ngunumi kapane ingyamiigya hokii.

HIBRU 4:1

Hopa, mohka hemme biniiñ dumo koka ahsa niihii dolya tii, kiije biisosa hiila makoda nunu ayakacho kakola hiiko ahchi lama pa miidii ke.

METHU 5:48

Nunu, hopa, digoabiayato, niihtañpa niika dariiganda daka Aba tiirḛ digoabiaya ke.

METHU 5:8

Lyanko kendo ahha darii atañ, niimpalukoda mohlu Pinii mi kappa kendo.

1 JON 1:9

Ngunu matiirḛ ngunuka ingyamiigyanii atañmi khako siido kukoda, mo lotii ho jije ke, ho ngunuka ingyamiigyanii atañmi hello kendo ho kapane diimmah hokii ase kendo.

IPISIA 2:3

Siika atañka punkoho ngunu hikha ronge sambola dato ngunuka asiialyo ka hembyokabyo ho, asiialyoho ahha ka henju ho imbomola, ho hopa ngunu henju hokii hadii ka himme atañpa lyito, hikha khiibemiyu atañ hiilyañ.

ROM MIKA POL KA SIITI KENIIÑ 5:20

Dapo hii ahtii, palle nii atañmi abu yake nendupa; hojalo nohna ingyamiigya hii abuyaya talyinii, aroh-aya hii abuyaya dori kendo,

1 PITAR 5:10

Ho nunu ichuche heru hela lala, hikha aroh-aya ka Pinii, huna nunumi mohka ayudahe tatukatu Kristo ko gyolii tiinii, mo atohloda miilyañ kendo kuke, dodopa miikiñdo, ho alḛrdopa miikiñdo nunumi.

HIBRU 12:28

Hopa kiije ngunu payapacho lusa huku lamanii raddeganda mika larii kopa, ho hopa kiije ngunu Pinii mi larii lasaniika heriiniimi bisa, khiibii dola ho biiso biidola;

HIBRU 12:23

ho butu wiinga ka dakuñ koho hutiimina dariiganda ho kelii tola donii, ho ayakacho kanii huna hikha ruka Pinii nii, ho denki miyu atañka yajiyallo mi digoabiaya dopa miitii,

1 TESOLONIA 3:13

niimpalukoda mo nunuka ahha ho miibi nedo hang pahañhansa giimadopa darii ho ngunuka Pinii ho Aba ka hataho, ngunu Attoh Jisu ka ahlyi kuho hikha mohka piniimiyu atañ agiñho.

2 KORINTIA 1:20

Niimpalukoda hikha Pinii ka hemme nii hii mohko ḛh hiido. Hopa niihna ngunu Amen ludu nii mohkokiila, Pinii ka tatukatu kiipa.

MIINIIÑ 9:31

Hopa gyoliñkonii hikha Judia ho Galili ho Samaria ho chimie dotii ho tonge pa sanchatii; ho Attoh mi biiso biidola intii ho Darii Yajiyallo ka hembyuñ kopa hiiko hii abu yaya tii.

METHU 12:33

“Sannii mi aya biido koda, ho hiika ahee tiirḛ ayakendo; malo sannii mi aya biima koda, ho hiika ahee tiirḛ aya kema; ahee hiniiñlo sannii mi kala dado.

HIBRU 6:9

Ngunu hiila lusu dojalopa, hojalo nunuka lugo ho, heniiñja, ngunu hendo jije aya ya drih atañ hii sangopyako hoke donii.

1 PITAR 1:15

hojalo mo huna nunumi gyodonii dariike, darii to nunu atohpa hikha nunuka miiko lukoho;

1 PITAR 1:17

Ho nunu matiirḛ mohmi Aba hiila gyodu milo huna henguhere mapa halii kendonii mohka miiniiñ jaho, atohmi nunu biiso biidola miitolya hikha nunuka soka mompa koto laka dudo hemi.