2 KORINTIA 6:4 - NITI GONTU N.T. (BSI)

⁴ hojalo Pinii ka miira siilyinii ngunu kapakohe lembo ho lusudu: uropa pigii biidola, herumyanka ho, henkhiimilyiñ ho, hachesiire ho,

2 KORINTIA 6:4 ပူးပေါင်းရင်းမြစ်များ

2 KORINTIA 12:10

Niimpalukoda Kristo kiipa, hokoda, ngo hembyañ biichi ajju hotiirḛ, hiinyañmiipanii, henkhiimilyiñ, miihimiire, ho hachesiire hotiirḛ; ngiika ajju lyiho, ho ngo alḛrdu.

2 KORINTIA 4:8

Ngunu mi kapakohe herumyanka miipada, hojalo nyorpi make; hendḛr lama siitiirḛ, hojalo sakhii giidopa miipama;

2 KORINTIA 11:27

apo khensula miigomiiko, abuje ayoh imi mapa, haya pibii dola hangḛr biidola, kiirañ diigo diipa mapa, lakhiiho abitarii giimapa.

2 KORINTIA 12:12

Jije kiiniñkonii atañ hiila ka kagiñnanii mi nunuka punkoho miikiñtii pigiibiidola, kagiñnanii la kahotamo ho kahe miigo atañ agiñho.

2 KORINTIA 3:6

huna ngunumi miilalula dopa bitiinii niti hemmesiiniiñ ka miirapa, keto laka dapo homapa hojalo Yajiyallo ho; niimpalukoda dapo hii mendu, hojalo Yajiyallo hii sango bidu.

1 KORINTIA 3:5

Apollos nii hokoda? Pol Nii? Miirasii, mohlukiilo nunu henje nyatii, niihtañpa Attoh kone abimi bitola do.

MIHUKAKIÑNIIÑ 3:10

Niimpalukoda nunu ngiika yanupa pigiito hiiniiñmi atiibiido, ngo nunumi tenka nii myodu hokii lapya talyi niihna hikha dohadolo so ahla donii, hiika atañmi tenka dupa hutiina kiiddiapiñ so dunii.

MIHUKAKIÑNIIÑ 1:9

Ngo Jon, nunuka anu, huna nunuka agiñho hembo montiinii Jisu ko hentḛrkanyi mi ho raddeganda pa ho yanupa pigii biidola, siilokiiddi Patmos luniiñho ahtii Pinii aguñ kiipa ho Jisu mika pyako kopa.

1 KORINTIA 4:1

Siikasi niihtañpa nunu ngunumi henkiñdo lukoda, Kristo ka miira ho Pinii ka mih chimaniimi ka kabii biniiñ atañ hiila.

HIBRU 12:1

Hopa, ngunumi hiimkane kahe jomii dagur kobiidola hakipa, kiije ngunu tiirḛ apalyasa kapane drihmi, ho ingyamiigya niihna hempḛr ageh giitola giidonii, ho kiije ngunu harkañ ari hasa pigii biidola nii mina ngunupa miitola atii bitiinii,

2 TIMOTI 4:5

Niipa koda, kiirañ abyu mapa datolya, pigii tolya herumi, puyu bakoboka miigomi miitolya, niika miigomi miipe tolya.

2 TIMOTI 2:24

ho Attoh ka miira atañ gasupasu kemake hojalo kone abimi helakala kendo, denki tonsḛrbo pa lyikiñdo, pigiibiidola,

2 TIMOTI 1:8

Hiinyañ yo ngunu Attoh mika pyako saniiñmi, malo ngiimi mohka pattiih tunko bomi, hojalo hembyuñ monto herumi heniiñmi ayapuyu pa Pinii ka harchichikelo,

1 TIMOTI 6:11

Hojalo niipa koda, Pinii mika heriinii miyu, hikha siika atañ siimi apatolya; denki miigomi miichi hentolya, piniisanju, henje, hensunii, ranttiniiñ, ahhakeyiñ mi.

1 TIMOTI 4:6

No matiirḛ siika lukoniisi mi anubarmii atañka hataho atii bidokoda, no denki miiho niipa lyikiñdo Kristo Jisu ko, hokotii henje ka aguñ atañlo ho aya tonsḛrniimi nii mina no imbomondonii.

1 TIMOTI 2:15

Hojalo nyimii atañmi lyangur kendo himmeoho buniiñlo, mo matiirḛ biikañ dokoda henjeho ho hensuniiho ho dariiho, miijuluju aya agiñho.

1 TESOLONIA 5:14

Ho ngunu nunumi haro lupadu, anubarmii atañ, assumiyu mi lulyañ siigii tolya, hame mi haro lupa giito, ajju mi hembyuñto, miilañ jami pigii tolya.

1 TESOLONIA 3:7

niimpalukoda siika piigopa, anubarmii atañ, hikha ngunuka hengahenkha ho pamyotakho ho ngunumi nunu hembyuñtii nunuka henjelo;

KOLOSIA 1:24

Siisi ngo hempyodo ngiika nunukiipa ka heru biniiñpa, ho ngiika asiialyoho ngo miipe tiiku niihna miipe mapa donenii Kristo ka achih chibi niiho mohka apo kiipa, hiikahii, gyoliñkonii atañ,

KOLOSIA 1:11

Nunumi hikha harchichike ka alḛr naniiñmi bikiñcho, mohka tatukatu harchichikelo, hikha pigiinaniiñlo ho yanu hempyo ka agiñho,

2 KORINTIA 11:23

Mohlu Kristo ka miira atañ peha? Ngo hiimi tiirḛ aya yanii-ngo runii miyu hiilyañ lulyi-uro yapa miigo miitii, abuyapa patii tunkotii, khiikha lama hikotii, ho shiipa miida dopa.

2 KORINTIA 11:9

Ho ngiika nunuka agiñ hoka dalyiho ho anna lyiho, ngo kone mitrḛ alluabama, niimpalukoda ngiika annami Masedonia hoka anubarmii ahnii atañ bibyuñ tii. Hopa ngo nunumika alluaba saniiñ mi lapatii ho piijo dajalo lapatalyi kapane lembo hokii.

2 KORINTIA 7:11

Kato niihtañ henkiñ siika piniihenju ka heru si nunuko lingiido, niihtañ nunu atohmi lupya siido pa miibiido, niihtañ hadiine, niihtañ henjune, niihtañ kalya nyane, niihtañ miinala henyane, niihtañ pamyo kenkone! Kapakohe nunu atohmi lugo giima dopa kakiñ siitii siika drih ho.

2 KORINTIA 4:17

Niimpalukoda siika attahepa ka herumyanka hii ngunupa lyula samanii tatukatu mi miimyo bido hiika hii hang khiitiñ lasa manii,

2 KORINTIA 4:2

Ngunu hiinyañmohi mi apatiiku, miisilaka miigo miiniiñmi; ngunu surudonyo lembo mi apatiiku malo Pinii ka aguñmi miibḛr miilyi ma, hojalo jije lugo mi ngunu atohpa lubii dola miyu kone abika henju mi Pinii ka hataho atii bidu.

1 KORINTIA 9:11

Ngunu matiirḛ yajiyallo ka drih nunuka punkoho lilo dokoda, siikasi abu haja dopeha ngunu matiirḛ drihpachi ka amoo pido dokoda nunukokii?

ROM MIKA POL KA SIITI KENIIÑ 16:10

Apelles mi ayahelyi, humina Kristo ko patiinii. Hiika atañ mitrḛ ayahelyi Eristobulus ka uru atañmi.

ROM MIKA POL KA SIITI KENIIÑ 14:18

mo huna Kristo mi miiho donii hii Pinii ka talii lasanii ho miyu atañka kahe kuniiñ.

ROM MIKA POL KA SIITI KENIIÑ 5:8

Hojalo Pinii ngunumi mohka heniiñmi kakiñtii ngunuka ingyamiigya laka darañho Kristo mi ngunu pa shiibi kiine biidola.

MIINIIÑ 20:34

Nunu attoh chindo siika alah atañsi ngiika anna niimi miihotii, ho hiimi tiirḛ hutiina ngiika agiñho dabo danii.

MIINIIÑ 9:16

niimpalukoda ngo mohmi kakiñtii niimkane mo ngiika armyañ pa heru hembi kendo.”

MIINIIÑ 2:22

Isrel daka miyuatañ, siika aguñ simi tato: Nazaret daka Jisu, siika miyu nunu agiñ hoka dabo monii si Pinii kokii ke kahe miigo ho kahotamo ho kagiñnanii Pinii mohmi miigiñ lala nunuka punkoho miitii, nunu atoh chindo

LUK KA AYAPUYU 21:19

Nunuka pigii niilo nunu nunuka sango mi kappa kendo.

2 KORINTIA 2:17

Niimpalukoda ngunu hiilama, niihtañ abuje miinyada, Pinii aguñ mika kiiridudobo; hojalo lotii miyupa lyila, Pinii ka kiiniñkonii pa, Pinii ka kata ho ngunu Kristo pa ludu.

JON KA AYAPUYU 16:33

Ngo siika simi nunumi lubii lyike, ngiikoho nunupa chimie hii dodopa. Dohadolo so nunuko hentḛrkanyi dolyi diike; hojalo ngarka jilya datolya, ngo dohadolo mi pamiñ tiike.”

ROM MIKA POL KA SIITI KENIIÑ 3:5

Hojalo ngunuka diimmah hii matiirḛ Pinii ka ayakacho kaniiñmi kakiñ dokoda, nii hiila pe ngunu luchinii? Pinii miikha dopeha ngunumi pamyo kela? (Ngo miyu ka luchañ hoke ludu nii.)