2 KORINTIA 5:18 - NITI GONTU N.T. (BSI)

¹⁸ Hikha siika atañsi Pinii kokii ke, huna Kristo kiilo ngunumi yardiñ tiikunii mohka agiñho ho ngunumi yardiñ niika miigomi bitiinii;

2 KORINTIA 5:18 ပူးပေါင်းရင်းမြစ်များ

1 JON 4:10

Siika sike hensu nii, hiila ma ngunu Pinii mi hentola hiila hojalo mo ngunumi hentii ho mohka Oho mi kiiniñtii ngunuka ingyamiigya niipa bili bidupa hiila.

ROM MIKA POL KA SIITI KENIIÑ 5:1

Hopa, ngunumi henje lo lupya bitii ku, ngunukii Pinii agiñho chimie hii do Jisu Kristo kiilo.

ROM MIKA POL KA SIITI KENIIÑ 11:36

Niimpalukoda mohkokii ho mohkiilo ho mohpa hikha drih atañsi. Mohmi assañ kencho kolyuñkolo dahepa. Amen.

1 JON 2:2

ho mo ngunuka ingyamiigyanii atañpa atohmi bisutii, ho ngunupa kontiima hojalo hikha dohadolo ka ingyamiigyanii atañpa.

1 KORINTIA 8:6

hojalopa ngunupa Pinii kone sii dunii, Aba, nohkiina hikha drih atañ ho hupana ngunu dunii, ho Attoh kone sii, Jisu Kristo, hukohokiina hikha drih atañ ho hupana ngunu dunii.

JON KA AYAPUYU 3:16

Niimpalukoda Pinii dohadolo mi ano hela mohka Oho konekontii mi bitii, hujalopa mohmi henje talyi hii lyukiñma hojalo santḛrlamanii sango giikiñdo.

LUK KA AYAPUYU 24:47

ho hiika henkur niimi ho ingyamiigyanii atañ hokii ka hello kuniiñ mi hikha ganda atañ ho tonsḛrkhenyo kendo mohka armyañ pa, Jerusalem hokii lukoribiila.

JEMS 1:17

Kapane aya peniiñhii ho kapane digoabiaya ahmiñayiñ hii ayoh hokii ke, hutoh ka Aba kokii todo hukohona hang lyiguhmanii malo yallobyotiñnii nyimanii lyiguhkopa.

HIBRU 2:17

Hopa mohmi mohka anubarmii hiilyañpa miitii kapane henjumiijuho, niimpalukoda mohmi aroh la lyike nendupa ho lotii bukuñ nyibu pa Pinii mika miiho ko, miyu atañka ingyamiigyanii atañpa mensi liiko dupa.

1 KORINTIA 12:6

ho abuje miigo do, hojalo hiika hii Pinii kone sii huna hiika atañmi miidopa haro lupa donii kone abimi.

1 KORINTIA 1:30

Mohke nunuka sango sanginanii Kristo Jisu ko, humina Pinii ngunuka chilananiiñ pa miitiinii, ngunu mika denkigiiko ho dardḛkunii ho tupyabiniiñ ho;

MIINIIÑ 10:36

Nunu chindo aguñmi nii mina Isrel ho kiiniñ tiinii, chimie ka ayapuyu mi Jisu Kristo kiila (mo miilañruka Attoh),

JON KA AYAPUYU 3:27

Jon lusitii, “Kone hetḛr hang pala kema niihna mohmi dariiganda hokii bitiinii hiimi apalala.

LUK KA AYAPUYU 10:5

Huka ude hojalo ahchi, kapyopa luto, Siika ude so chimie dotope!

1 KORINTIA 3:5

Apollos nii hokoda? Pol Nii? Miirasii, mohlukiilo nunu henje nyatii, niihtañpa Attoh kone abimi bitola do.

1 KORINTIA 11:12

niimpalukoda nyimii hii milo boko hokii putii, hopa siisi milo bohii nyimii kokii buko do. Ho hikha drih hii Pinii kokii.)

KOLOSIA 1:22

mo siisi yardiñ liitii ku apo ka asiialyo lo mohka shiiniiñlo, nunumi darii ho pahañhansa ho mohka hataho khiilii saniiñ giima pa kakiñ ladopa,