2 KORINTIA 5:11 - NITI GONTU N.T. (BSI)

¹¹ Hopa, Attoh mika biiso mi chimbii tola, ngunu miyu atañmi yardu; hojalo ngunumi Pinii chindo, ho ngo hendo siika siimi nunuka henju hotiirḛ chindu do.

2 KORINTIA 5:11 ပူးပေါင်းရင်းမြစ်များ

JUD KA SIITI KENIIÑ 1:23

tongemi lyangur tolya, mohlumi yamu hokii rore limbii dola; tonge mi aroh biiso biidola, hojalo asiialyo ka diigolugo giinii ka pulyetarii mi lohe kanamapa miibii lya.

HIBRU 10:31

Siikasi biisokacho ka drih ke turnii Pinii ka alah hoka huha niisi.

MIHUKAKIÑNIIÑ 20:15

ho hu koneka jalo armyañ mi matiirḛ kapa makoda sango ka kheta ho ketola dopa, mohmi yamu ka siimie ho jopa liikiñdo.

2 KORINTIA 6:1

Mohka agiñho tongepa miihiñsa, ho, ngunu nunumi lubii lyike Pinii ka aroh-aya mi danyo pa impa kiine lyayo.

2 KORINTIA 5:20

Hopa ngunu Kristo ka puyu mika bako binii, Pinii ngunu kiilo mohka yarniiñ mi yardo. Ngunu nunumi yarlyi ke Kristo kii dalyi pa, Pinii ko ahdiñ nyato ku.

MIINIIÑ 18:13

lubiidola, “Siika miyu si miyu atañmi lurudo Pinii miya heriito dapo mi chekhola.”

LUK KA AYAPUYU 12:5

Hojalo ngo nunumi lukoso humina biiso kendonii: hiimi biisoto, huna mo menku lala latrḛ, harchichike giidonii yamuganda ho jopalola dopa; ḛh, Ngo nunumi lukoso, mohmi biisoto!

GELESIA 1:10

Siisi ngo miyu atañlo khiiko dupa peha miidonii malo Pinii lopeha? Malo ngo miyu atañmi hempyo miipa papeha miidonii? Ngo matiirḛ siisijalo miyu atañmi hempyo miipa pa miido milo, ngo Kristo ka miira pa lyimake.

2 KORINTIA 2:17

Niimpalukoda ngunu hiilama, niihtañ abuje miinyada, Pinii aguñ mika kiiridudobo; hojalo lotii miyupa lyila, Pinii ka kiiniñkonii pa, Pinii ka kata ho ngunu Kristo pa ludu.

MIINIIÑ 28:23

Mohlu allo lohe mohpa kahe lala, mohlu mohka imi ko ahtii hempḛr taropa. Ho mo mohlumi drih mi lukotii aro hokiila alyiñ kamo lohe, Pinii ka raddeganda mi pyakotii ho mohlumi taliidopa yarkatii Jisu ka piigomi Mose ka dapo hokii tiirḛ ho nyibuhenii kokii tiirḛ.

MIINIIÑ 26:26

Niimpalukoda radde siika drih atañmi chindo ke, ho mohmi ngo biiso mapa luko du; niimpalukoda ngiimi lukotii siika drih atañ sokii kone hetrḛ hargii lakiñma kapa mapa, niimpalukoda siikasi khonchañ ho miila lyima.

MIINIIÑ 19:26

Ho nunu kapado ho tapado Ipisia ho kontiima hojalo hikha Asia ho siika Pol luru biido ho abuje miyu atañmi inkur dokupa, lubiidola alah loka pinii miichinii hii pinii make hiila.

MIINIIÑ 18:4

Ho mo cheriila lyitii sinagog ho dumoalo karmyañmi, ho Jew atañ la Grik atañmi lyartii.

MIINIIÑ 13:43

Ho sinagog daka dukuñ hii duja kukele, abuje Jew atañ la Judaism hoka lyiguh monii henjenii atañ Pol la Barnabas nyimi imbo montii, hiika atañ mo anye mi lutii ho lyarbiido Pinii ka aroh-aya mi miikañ ari miito hiila.

LUK KA AYAPUYU 16:31

Mo mohmi lutii, Mohlu matiirḛ Mose la Nyibuhenii atañka luniiñmi tama koda, mohlumi shiinii hokii kone chala tiirḛ lyala kemake.”

METHU 25:46

Ho mohlu mungu mapa ka miikhiiñ ko gandaho inkiñdo, hojalo denki atañ santḛrlamanii sango dokoho.

METHU 10:28

Ho huna apomi menkiñ donii hiimi biiso lyayo hojalo yallo mi mella kemma ke; hiilamapa hiimiya biiso tolya huna yallo la apo nyimi mella kendonii yamuganda ho.

IPISIA 5:21

Kone anyañmi tiilii siitolya Kristo mi khiibii dola.

HIBRU 12:29

niimpalukoda ngunuka Pinii yamu yakhii niike.