2 KORINTIA 5:1 - NITI GONTU N.T. (BSI)

¹ Niimpalukoda ngunu chindo kiiddiapiñ daka ngunuka tabyo mi matiirḛ mudu siitii jalo, ngunuko ude do Pinii kokii, alah loka ude peniiñ mapa, lyulasamanii dariiganda ho.

2 KORINTIA 5:1 ပူးပေါင်းရင်းမြစ်များ

1 JON 3:2

Heniiñja, ngunu Pinii ka wiinga atañke siisi; siikasi ahma ranke niihtañ kendo ngunu hiila, hojalo ngunu chindo mohka ahlyi kuho ngunu mo chuli kendo, niimpalukoda ngunu mohmi kapa kendo mo niihtañ hiitañpa.

HIBRU 9:24

Niimpalukoda Kristo ahtii, alah loka dariinenchañ peniiñ homa, jije kapu kone ako, hojalo dariiganda loda ho, siisi Pinii ka dako ho ahtii ngunuka ahsa niipa.

2 KORINTIA 4:7

Hojalo ngunu ko siika alḛrdrih si dekiñ piichañ ho do, hiila kakiñ naniiñpa luchilamanii harchichike hii Pinii kiike ho ngunu kiimake.

HIBRU 9:11

Hojalo Kristo ahtii aya drih atañka bukuñ nyibu pa niihna ahto kula dotiinii, kayeya hokii ho uroya digoabiaya ya tabyoude hokii (alah atañ loka puniiñ mapa, hiika hii, pulyi hoka puta maniiñ)

1 PITAR 1:4

ho pensikodupa niihna lyula kemanii, miibḛrmanii, ho sellamaniiñ, dariiganda ho nunupa atii bitii,

2 KORINTIA 5:4

Niimpalukoda ngunuka siika tabyo soka durañ so, ngunu herudo ho henado; hiilama ngunu abitarii agiikoma pa du hiila, hojalo ngunumi piijoda ahgii kendo, niimpalukoda niihna shiila sanii hiimi sango ho huha dopa.

MAK KA AYAPUYU 14:58

“Ngunu tapato mohka luniiñmi, ‘Ngo siika piniiude mi pyadu lochi alah loka puniiñmi, ho allo lohiñ niiho Ngo koneya pucha talyi, alah puniiñ loma.’”

2 PITAR 3:11

Hopa hikha siika drih atañ jeyi nyakiñdo, niihtañ miyu ka sancha ho sanchi nunuka darii ho piniisanju sango ho,

KOLOSIA 2:11

Mohko nunutiirḛ mitupikotii alah loka mitupiniiñ lomapa, ahuapo ka asiialyo mi apa lala Kristo ka mitupiniiñlo;

1 JON 3:19

Siika silo ngunu chindo ngunu jije kii hiila, ho hiirapa hatii lupa do ngunuka ahha mi mohka hataho

1 JON 3:14

Ngunu chindo ngunu shiiniiñ hokii impo biila sango ho daku, niimpalukoda ngunu anubarmii mi hendu. Mo huna hensu manii shiinii ho giige tola do.

HIBRU 11:10

Niimpalukoda mo metii citi mi nii mina liidi ratii kunii, hiimika penchanii ho punii bo Pinii.

1 KORINTIA 3:9

Niimpalukoda ngunu Pinii ka miigo miihiñ ahiñ; nunu Pinii ka aji, Pinii ka ude.

2 TIMOTI 1:12

ho hopa ngo heruhendu siisika henchañho. Hojalo ngo hiinyañma, niimpalukoda ngo chindo ngo humi henjedu hiila, ho ngo hentiñdo mo dagur lakiñdo hiika allo lyihepa nii mina ngiimi kabii tote hiila bitiinii.

MIINIIÑ 7:48

Hojalo Hempḛr Kayeja alah loka ude peniiñ ho duma ke; nyibuhenii ka luchañ ho,