2 KORINTIA 3:6 - NITI GONTU N.T. (BSI)

⁶ huna ngunumi miilalula dopa bitiinii niti hemmesiiniiñ ka miirapa, keto laka dapo homapa hojalo Yajiyallo ho; niimpalukoda dapo hii mendu, hojalo Yajiyallo hii sango bidu.

2 KORINTIA 3:6 ပူးပေါင်းရင်းမြစ်များ

JON KA AYAPUYU 6:63

Si yajiyallo ke sango bidonii, asiialyoho piigo amake; ngiika nunu mika aguñ luniiñ hiike yajiyallo la sango nyi.

ROM MIKA POL KA SIITI KENIIÑ 7:6

Hojalo siisi ngunumi dapo hokii apalintiiku, niimpalukoda nii hona ngunumi nyima latu tola dotiinii hokii ngunu shiitii ku, Hopa ngunu bilo ka khu keto laka dapo donii hiilyañ miiho make hojalo Yajiyallo ka niti sango hoke.

ROM MIKA POL KA SIITI KENIIÑ 8:2

Niimpalukoda Yajiyallo ka dapo ka sango, Kristo Jisu koka doniihii ngiimi tupya tiiku ingyamiigya la shiiniiñ ka dapo hokii.

HIBRU 12:24

ho Jisu ko, niti hemmesiiniiñ ka punko lubibo, ho ai pippu niilo niihna Abel ka ai mi hentola uroya aroh-aya lo ludonii.

HIBRU 7:22

Si Jisu mi lyigiitii ayaya hemmesiiniiñ ka gyandimi chigii niipa.

2 KORINTIA 3:14

Hojalo mohluka ahha hii alḛrtii; siika allo lohepa, mohlu khu hemmesiiniiñ mika puri lyiho, hiika byoke hii khongko mapa dorañ, niimpalukoda Kristo lo kontii lasu lapa lakiñ siido nii.

1 KORINTIA 15:45

Hopa hiila ketola do, “Kapyo ja miyu Adam turnii miyu pa lyitii”; kami Adam yajiyallo ka sango binii.

ROM MIKA POL KA SIITI KENIIÑ 3:20

Niimpalukoda miyumima kone tiirḛ lupya siila kema mohka hataho dapo miigo miiniiñlo, niimpalukoda dapo hokiila ingyamiigya niika chiniiñ hii ahtii.

HIBRU 13:20

Siisi chimie ka Pinii huna hiira shiiniiñ hokii turdo pa miitiinii ngunuka Attoh Jisu mi, hempḛr kahe subuñsornii, ai loka ayudahe paka hemmesiiniiñ,

LUK KA AYAPUYU 22:20

Ho hii chulipa diila lala turla mitrḛ, lubiido, Siika turla si nunu paka bipa limbi niike niti hemmesiiniiñ ngiika ai ho.

1 KORINTIA 11:25

Hii chulipa turla mitrḛ, apiñ diiku lala, lubiido, “Siika turla si niti hemmesiiniiñ ke ngiika ai ho. Siimi kiirañ miitolya, siimi tanto lya, ngiimika hempa hengi naniiñpa.”

METHU 13:52

Ho mo mohlumi lutii, “Hopa pagenii kone abi humina miikiñ tiinii dariiganda ka raddeganda pa hii si chulido ude atoh ka mohka alḛrdrih hokii niihna niti ho khu mika laliñnii chuli.

1 PITAR 3:18

Niimpalukoda Kristo tiirḛ shiibitii ingyamiigyanii kiipa rongepada miilañ rupa, denki mi ingyamiigya kiipa, niimpalukoda mo ngunumi Pinii ko ahgii dupa, asiialyo mi shiike nela la hojalo yajiyallo ho turke nentii;

1 TIMOTI 4:6

No matiirḛ siika lukoniisi mi anubarmii atañka hataho atii bidokoda, no denki miiho niipa lyikiñdo Kristo Jisu ko, hokotii henje ka aguñ atañlo ho aya tonsḛrniimi nii mina no imbomondonii.

IPISIA 3:7

Siika ayapuyu silo ngiimi miitii miihoniipa Pinii ka aroh-aya laka ahmiñayiñ lo nii mina ngiimi miigomiiniipa bitiinii mohka harchichikelo.

GELESIA 3:21

Hokoda dapo si Pinii ka hemme niimi chekho lapeha? Pema hiilama; niimpalukoda dapo mika biniiñ matiirḛ sangii dokoda, hokoda denki hiitiirḛ jije lusu dokoda dapo la lyikiñtii.

2 KORINTIA 3:7

Siisi shiigo mika biniiñ matiirḛ, yalañ ho keto la dotii koda, hiitañ tatukatu pa ahtii Isrel miyuatañ Mose ka nyimo mi karii lamatii kanyañ kopa, hiitiirḛ ya moyo yutii,

1 KORINTIA 12:28

Ho Pinii kapyo japa gyoliñkonii ho kiiniñkonii mi kahetii, anye niipa nyibuhenii atañmi, hinge niipa tonsḛrbo atañmi, hiika hiibaho miimalyanii miigo miinii atañmi, hiikahiiba ho achih miipya niimi, hembyuñ niimi, giirasogiinii atañmi, ponge ponge aguñpaka lunii atañmi.

1 KORINTIA 3:5

Apollos nii hokoda? Pol Nii? Miirasii, mohlukiilo nunu henje nyatii, niihtañpa Attoh kone abimi bitola do.

ROM MIKA POL KA SIITI KENIIÑ 4:15

Niimpalukoda dapo hii hadii mi ahgiitii, hojalo nohna dapo nyimanii hiiko talemiile hii nyima.

JON KA AYAPUYU 5:21

Niimpalukoda niihtañpa Aba shiinii mi turdopa miido ho mohlumi sango bido, hiichulipa Oho tiirḛ sango bido humina mo bina donii.

MAK KA AYAPUYU 14:24

Ho mo mohlumi lutii, “Siikasi ngiika hemmesiiniiñ ka ai ke, abuje miyuatañ paka bipa biniiñ.

METHU 26:28

Niimpalukoda Siikasi ngiika hemmesiiniiñ ka ai ke, abuje miyuatañ paka bipa biniiñ mohluka ingyamiigya mi hello bina naniipa.

2 KORINTIA 3:9

Niimpalukoda tatukatu hii dotiikoda halii niimi ka biniiñ ho, denki mika biniiñ ho hiimi uro yala tatukatu kendo.

ROM MIKA POL KA SIITI KENIIÑ 4:17

hiila ketola do, “Ngo niimi abuje halugiira ka aba pa miibii lyike” Pinii ka hataho humina mo henje tiinii, huna shiinii mi sango bidunii ho doliñtote lutiinii drih nyimanii atañmi.

ROM MIKA POL KA SIITI KENIIÑ 1:5

hukiilona ngunu aroh-aya la kiiniñkonii ka miigomi kapa tiinii henjelaka luniiñ tako hopa, niimpalukoda mohka armyañ ka piigo kiipa hikha ganda siiko ho,

1 JON 1:1

Niihna lotujaho hokiinii, nii mina ngunu tapa tiinii, nii mina ngunuka amee lo kapa tiinii, nii mina ngunu kaka tiinii ho tenka tiinii ngunuka alah lo, sango ka aguñ ka piigomi,

2 TIMOTI 1:11

Niimpalukoda siika ayapuyu pa ngiimi kahetii tonsḛrkhenyo ho kiiniñkonii ho sariipa,

IPISIA 2:5

ngunuka shiila ka doho ho ngunuka pallenii hokii, ngunumi turdo miitii Kristo ka agiñho (aroh-aya loke nunumi lyangur tiinii),

1 KORINTIA 3:10

Pinii ka ngiimika aroh-aya biniiñ lo, aya miilaboka miichañ ho ngo liidi mi ratii ku, ho miyu koneya hiiko pencha da. Kiije kone abi hendi nyasa niihtañ pana mo hiimi pencha donii.

IPISIA 2:1

Ho nunumi mo turdo miitii, nunuka shiila ka doniiñ hokii pallenii la ingyamiigyanii atañ ho

2 KORINTIA 3:3

ho nunu kakiñ do nunu Kristo kokiika siiti hiila ngunuka biniiñ, pagenaniiñ laka keniiñ mapa turnii Pinii ka Yajiyallo laka keniiñ, yalañ mata homapa hojalo miyu ka ahha ho.

2 KORINTIA 11:23

Mohlu Kristo ka miira atañ peha? Ngo hiimi tiirḛ aya yanii-ngo runii miyu hiilyañ lulyi-uro yapa miigo miitii, abuyapa patii tunkotii, khiikha lama hikotii, ho shiipa miida dopa.

HIBRU 8:13

Niti hemmesiiniiñ ho lusu dokoda mo kapyo mi gordu akuma lukiñdo. Ho niihna gordu akumanii ho khu dokunii hii lyupa kendoku.