2 KORINTIA 13:5 - NITI GONTU N.T. (BSI)

⁵ Nunu atohmi henka siito, kaka siito nunu nunuka henje mi gabii tola dasuda hiila. Tenka siito nunu atohmi. Nunu hendḛr siimapo Jisu Kristo nunuko da hiila? nii dahepa hiila tama nunu tenka siiko ho miipelama pa lyido!

2 KORINTIA 13:5 ပူးပေါင်းရင်းမြစ်များ

1 KORINTIA 11:28

Miyu mi kapyopa atohmi kaka siike nento rañ, ho diito yatañ mi ho tanto turla mi.

1 KORINTIA 9:27

hojalo ngo ngiika apo mi uro yapa kiisudu ho hiimi kiimya losudu, niimpalukoda mihmi tonsḛr khenyo lala ngo atoh ya piigo ama dadii la hiila.

MIHUKAKIÑNIIÑ 2:5

Henka nyatoku nohkiina nunu huhi nyado kunii, henkur toku ho miito nunuka kapyo hoka miigo miiniiñmi. Hiila matiirḛ miima koda, ngo nunuko ahchi ho nunuka muru mi lara biichi ku hiika ahii ko hokii, nii dahepa nunu henkur tama.

GELESIA 6:4

Hojalo kone abi atoh ka miigo miiniiñmi kaka siito, ho mo atohka hentii siido paka lyiniiñmi mohkosuke kapa siikiñ donii mohka ariapii komake.

HIBRU 12:15

Hendi nyatolya kone mitrḛ Pinii ka aroh-aya mi larii mapa lyike nelyayo; niimpalukoda hang “kochi ka liima” saliñ madopa ho ahiare mi lingii madopa, ho siika silo abuje miibḛr konya da;

1 KORINTIA 11:31

Hojalo ngunu matiirḛ atohmi jije hanka siido koda, ngunu halii kokiñma.

TAITAS 1:16

Mohlu Pinii mi chindo hiila lusudo, hojalo mohlu mapado mohluka miiniiñluniiñ miijulo; mohlu kana tanañmaniiñ, luniiñtama niike, hang aya miigo miina naniiñpa piigoamanii.

GELESIA 2:20

Ngo Kristo agiñho leda kotiiku; siikasi ngomake huna sando nii, hojalo Kristo huna ngiiko sando kunii; ho sango ngiika asiialyo loka saniiñsi ngo henje loke sandunii Pinii ka Oho mi, huna ngiimi hendo nii ho ngiipa atohmi bisu tiinii.

JON KA AYAPUYU 14:23

Jisu mohmi lusitii, Miyu matiirḛ ngiimi hendo koda, mo ngiika aguñmi atii biikiñdo, ho ngiika Aba mohmi henkiñdo, ho ngunu mohko ahkiñdo ho ngunuka ude mi mohko penkiñdo.

ROM MIKA POL KA SIITI KENIIÑ 8:10

Hojalo Kristo matiirḛ nunuko dukoda, nunuka apo ingyamiigya kopa shiido jalo, nunuka yajiyallo turla doke denki kopa.

HIBRU 4:1

Hopa, mohka hemme biniiñ dumo koka ahsa niihii dolya tii, kiije biisosa hiila makoda nunu ayakacho kakola hiiko ahchi lama pa miidii ke.

1 KORINTIA 9:24

Nunu chimapo harka siiko ho kone abi kone mi hargo dupa hadu hiila, hojalo kone sii ahmiñayiñ mi labii siidu nii hiila? Hopa hiila harto no hiimi labii dupa.

1 KORINTIA 3:16

Nunu chimapo nunu Pinii ka piniiude hiila ho Pinii ka Yajiyallo nunuko dudu hiila?

JON KA AYAPUYU 15:4

Ngiiko giigela duto, ho ngo nunuko. Niihtañ pa halloh hii attohpa ahee hisu lama, nii dahepa hii rosannii ho giigela dutema, nunu tiirḛ hiila kema, nii dahepa nunu ngiiko giigela dutema.

TAITAS 2:2

Abañ yami yarto hendito hiila, uroheniiñ, dadimiiri, aya henje niikiñdo, hensuniiho, ranttiniiho.

IPISIA 3:17

ho hiika Kristo nunuka ahha ura ho dukiñcho nunuka henje kiilo; niimpalukoda nunumi, liima tugela ho hensuniiho sampola dokenendupa,

JON KA AYAPUYU 17:26

Ngo mohlumi niika armyañ mi chindopa miitii, ho ngo siimi chindo miipa talyi, niimpalukoda niika ngiimika heniiñ chulipa mohluko hotiirḛ doke nendupa, ho ngo mohluko ho dodupa.”

JON KA AYAPUYU 17:23

Ngo mohluko ho no ngiiko, niimpalukoda mohlumi ayaloda konepa lyike nendupa, niimpalukoda dohadolo mi chinke nendupa no ngiimi kiiniñtii hiila ho mohlumi hento niihtañpa ngiimi no hendu.

JEMS 4:4

Lotiimanii pukonii atañ! Nunu chimapo dohadolo mika ajiñ niisi Pinii ka ahha-banii pa lyido hiila? Hopa hu jalopa dohadolo mi ajiñ talyi hii atohmi Pinii ka ahha-banii pa miisu do.

KOLOSIA 2:7

bugela ho mohko sancha to ho henje ho sanchato, niihtañpa nunumi tonsḛrtii, abuje payapacho lubiidola.

KOLOSIA 1:27

Mohlumi Pinii kahetii chinke nendupa Midomiyu atañka punkoho niimkane kahe na siika mingo tatukatu michimaniisi, niihna Kristo nunuko donii, hentiñ naniiñ ka tatukatu.

KOLOSIA 1:23

nunumi henjeho dakañ kiine dupa, abyumapa bilo henju ho henkañdopa, ayapuyu ka hentiñ nii hokii hengu madopa nii mina nunu tapa tiinii, nii mina pukonii kone abimi tonsḛr khenyo tiinii dariiganda ka ura hoka daniimi, ho niihpana, ngo, Pol miihoniipa lyitiinii.

GELESIA 4:19

Ngiika himme atu atañ, huka agiñ hona ngo wiinga akhii achih chiniibo hiilyañ lyido nii dahepa nunuko Kristo ka henju hiilyañ giitema!

2 KORINTIA 6:16

Niitañpa talii lakiñdo Pinii ka piniiude hii miichi niika agiñho? Niimpalukoda ngunu turnii Pinii ka piniiude; Pinii hiila lutii, “Ngo mohluka agiñho dubo monchi ho mohluka agiñho imbo monchi, ho ngo mohluka Pinii, ho mohlu ngiika miyu.

1 KORINTIA 6:19

Nunu chimapo nunuka apo hii Darii Yajiyallo ka piniiude hiila, nii mina nunu Pinii kokii larii tiinii? Nunu atoh kiisu kuma ke;

1 KORINTIA 6:2

Nunu chimapo piniimiyu atañ dohadolo mi halii kendo hiila? ho dohadolo hii matiirḛ nunulo halii kokiñ dokoda, nunu atuama lugo mi lula siima ha ehna?

JON KA AYAPUYU 6:56

Huna ngiika apomi diidonii ho ngiika ai mi tandonii hii ngiiko da, ho ngo mohko.

JON KA AYAPUYU 6:6

Siikasi mo mohmi tenka dupa lutii, niimpalukoda mo attoh chinsutii mo niihpe miikiñ doniiñ.

1 PITAR 5:9

Miitḛr siito mohmi, alḛrpa nunuka henje ho dato, chimbii dola siika ahiñ heru mi nunuka anubarmii atañ miilañ hela da hiila hikha dohadolo so.

HIBRU 6:8

Hojalo hiiko matiirḛ tiirḛ la morey tagurenso nyi chadokoda, hiika hii piigo ahma ho beko dopa lyikiñdo; hiika hiimi kamikalo ho hompa dopa sii lyikiñ siidonii.

1 KORINTIA 6:15

Nunu chimapo nunuka apo si Kristo ka hakhu ako hiila? Hokoda ngiimi Kristo ka hakhu mi biila hiimi pfyoari ka hakhupa miito hiila? Pema miitema!

ROM MIKA POL KA SIITI KENIIÑ 1:28

Ho mohlu Pinii mi lukodopa lyima lyiniiñ; Pinii mohlumi kahpa biido piigo giimanii henjuho ho miidimako miijuluju ho.

TAITAS 1:13

Siika pyako niisi jije. Hopa mohlumi uropa gato, niimpalukoda mohlumi aya loda henje giike nendupa,

2 TIMOTI 3:8

Niitañpa Jannes la Jambres nyi Mose mi chekho, hii chulipa siika miyuatañ tiirḛ jije mi chekho kendo, surudonyo ahha giinii miyuatañ ho amuh henje giinii atañ;

1 TIMOTI 2:15

Hojalo nyimii atañmi lyangur kendo himmeoho buniiñlo, mo matiirḛ biikañ dokoda henjeho ho hensuniiho ho dariiho, miijuluju aya agiñho.

KOLOSIA 2:19

ho Akhojami ya gabii mapa, nii hokiina hikha apo hii, sangii donii ho nyudiñ tiinii tongepa hiika giidiñ siiniiñlo ho ahro atañlo, sancha da sancha naniiñlo Pinii kokii.