2 KORINTIA 12:9 - NITI GONTU N.T. (BSI)

⁹ hojalo mo ngiimi lutii, Ngiika aroh-aya hii niipa khe biikiñ doke, niimpalukoda ngiika harchichike hii digoabiaya giikiñ doke ajju hotiirḛ. Ngo uro yapa hempyo biidola khansu talyi ngiika ajju mi, niimpalukoda Kristo ka tamo hii ngiiko doha kendo.

2 KORINTIA 12:9 ပူးပေါင်းရင်းမြစ်များ

PILIPIA 4:13

Ngo hikha drih atañ mi mohko miila kendo huna ngiimi alḛr giidonii.

2 KORINTIA 12:10

Niimpalukoda Kristo kiipa, hokoda, ngo hembyañ biichi ajju hotiirḛ, hiinyañmiipanii, henkhiimilyiñ, miihimiire, ho hachesiire hotiirḛ; ngiika ajju lyiho, ho ngo alḛrdu.

IPISIA 3:16

niimpalukoda mohka mingo tatukatulo mo nunumi alḛrnaniiñ mi bikiñcho mohka Yajiyallo lo miyu ka ura ho,

1 KORINTIA 10:13

Hang tenkalarka hii nunumi hamelokiñ make niihna miyuatañ koka amayanii. Pinii lotiike, ho mo nunumi tenkalarka kiine kemake nunuka dagii lasa manii hokii, hojalo tenkalarka ka agiñho lembo tiirḛ pabi kendoke hargii kopa, niimpalukoda nunumi hiimi pigii ladopa.

HIBRU 4:16

Kiije ngunu hopa hentiñ biidola aroh-aya ka raddeduko ho ahdesa, niimpalukoda ngunu aroh mi larii dupa ho aroh-aya mi kapa dupa hembyuñ kodupa anna myodu ho.

2 KORINTIA 12:5

Siika miyu kii dalyipa ngo khanko talyi, hojalo ngo ngiikii atohkii dalyipa ngo khansu tama, ngiika ajumi apa lala.

1 KORINTIA 15:10

Hojalo Pinii ka aroh-aya kopa ngo da niihtañ pajalo ngo da, ho mohka ngiikii dalyi hoka aroh-aya niisi piigoama miima. Yoheyapa ludo koda, ngo uro yapa miigo miinii kone abimi, hii ngoma siijalo, hojalo Pinii ka aroh-aya niihna ngiiko donii.

1 KORINTIA 2:5

niimpalukoda nunuka henje mi miyu atañka chila ho doma dopa hojalo Pinii ka harchichike ho.

KOLOSIA 1:11

Nunumi hikha harchichike ka alḛr naniiñmi bikiñcho, mohka tatukatu harchichikelo, hikha pigiinaniiñlo ho yanu hempyo ka agiñho,

LUK KA AYAPUYU 21:15

niimpalukoda ngo nunumi aguñ ho chila bichi ke, nii mina nunuka ahha banii chekhola dala kemanii malo cherii lakiñ manii.

2 KORINTIA 11:30

Ngo matiirḛ khansu talyi hendo koda, ngo hiika drih atañpa khansu talyi niihna ngiika ajju mi kakiñ donii.

1 TIMOTI 1:14

ho ngunuka Attoh ka aroh-aya ngiipa bipo biila biliñ henjeho ho hensu nyika agiñho hiikahii Kristo Jisu koka donii.

HIBRU 11:34

yamu yala doniimi miimitii, ilyo pakhii kosaniihokii hargii tiiku, ajjulo tamonyatii, gyambo pasuko tamopa datii, nyibo ka sipahi atañmi hargii dopa miitii.

METHU 28:20

tonsḛr tolya hikha ngiika nunumika lujubiniiñmi tatolya hiila; ho kato, Ngo nunuka agiñho kiirañ dabo talyike, kiiddimiidoh ka dodo hemi.”

METHU 28:18

Ho Jisu ahtii ho mohlumi lutii, “Hikha yapuñ la kiiddiapiñ nyika otority mi ngiimi bitola do.

2 KORINTIA 12:15

Ngo hempḛr hempyo biidola miipa talyi ho miipa talyi nunuka yallo atañpa. Ngo matiirḛ nunumi uropa hendo koda, ngo lamapa henko kendo peha?

1 KORINTIA 2:3

Ho ngo nunuka ajju ho dabo monto ho hempḛr biiso ho la alye laka daho;

2 KORINTIA 12:1

Ngo khansu talyi loda; hang hiiko hokii khaliñ biima jalo, hojalo ngo mihukakañ talyi ho Attoh ka mihukakiñnii atañmi.