2 KORINTIA 10:1 - NITI GONTU N.T. (BSI)

¹ Ngo, Pol, ngo loda nunumi yardu, Kristo ka yanu ho ahhakeyiñ mi giitola-ngo huna yanu dunii nunuka agiñ hoka dalyiho, hojalo haro dunii nunupa niida ngo nunu agiñho datema!

2 KORINTIA 10:1 ပူးပေါင်းရင်းမြစ်များ

2 KORINTIA 10:10

Niimpalukoda mohlu luda, “Mohka siiti si anoaya ketii ho chikhodo, hojalo mohka aruñhoka dalyiho ajjudo, ho mohka luniiñsi hang piigo giima.”

METHU 11:29

Ngiika halemi nunu bagiito, ho ngiiko hokii chingiihe; niimpalukoda Ngo chimeeñ ho yanu ahha giiduke, ho nunu nunuka yalloka hemmo komi kappa kendoke.

GELESIA 5:2

Siisi ngo, Pol, nunumi lulyike nunu matiirḛ mitupipa konya dokoda, Kristo nunupa hang aya yagiido hiila make.

ROM MIKA POL KA SIITI KENIIÑ 12:1

Ngo nunumi yardu hopa, anubarmii atañ, Pinii ka aroh lo, nunuka apo mi turdopa hempa siibito, darii ho Pinii mi lariidopa, hiikahii nunuka yajiyallo loka herii niike.

2 KORINTIA 11:30

Ngo matiirḛ khansu talyi hendo koda, ngo hiika drih atañpa khansu talyi niihna ngiika ajju mi kakiñ donii.

1 KORINTIA 2:3

Ho ngo nunuka ajju ho dabo monto ho hempḛr biiso ho la alye laka daho;

MIHUKAKIÑNIIÑ 1:9

Ngo Jon, nunuka anu, huna nunuka agiñho hembo montiinii Jisu ko hentḛrkanyi mi ho raddeganda pa ho yanupa pigii biidola, siilokiiddi Patmos luniiñho ahtii Pinii aguñ kiipa ho Jisu mika pyako kopa.

1 PITAR 2:11

Heniiñja, Ngo nunumi yarlyike nyibo ho monkoniipa khiisubiidola asiialyo ka helyihembyo hokii dasa giitolya hiika hii nunuka yallo miya ke gyambo pagii donii.

PELEMON 1:9

hojalo hensu nii drih kiipa ngo niimi yarla ya yarna do, ngo, Pol, mohkii dalyi paka annii ho siisi Kristo Jisu paka pattiih tunkonii,

2 TESOLONIA 3:17

Ngo, Pol, kebiilyi siika ayahelyi luniiñ siimi ngiika atoh alah lo. Siikasi kagiñnaniike ngiika siiti keniiñ tahe abiho; siika kejujaho hoke ngo kedunii.

IPISIA 4:1

Hopa ngo, Attoh paka pattiih tunkobo, yarlyi ke nunumi gyoliñ niimi khiiniiñ pa sango mi santo nii pana nunumi gyotiinii,

GELESIA 4:13

Nunu chindo siikasi ngiika ahuapo ka ahchi kopa ngo ayapuyu mi nunumi tonsḛrkhenyo khempyo tii;

2 KORINTIA 12:5

Siika miyu kii dalyipa ngo khanko talyi, hojalo ngo ngiikii atohkii dalyipa ngo khansu tama, ngiika ajumi apa lala.

2 KORINTIA 11:21

Ngiika hiinyañsi, ngo luchi loda, ngunu uro haja ajju doke siika atañpa! Hojalo niijalo kone abi henyada khansu dupa-ngo piicha hiilyañ pake lulyi nii-ngo tiirḛ khansu siila kendo hiipa.

2 KORINTIA 10:7

Kato niihna niika amee ka hataho donii. Mi kone matiirḛ jije ngo Kristo ko da hiila hensu dokoda, hiimi atohmi hempa siido pa miito niihtañpa mo Kristo ko da, hiichulipa ngunu tiirḛ dake hiila.

2 KORINTIA 10:2

Ngo nunumi yardu ngiika dalyiho ngo kakiñma sitañ haropa nunumi, niihtañpa ngo kakiñdu tonge mi hutiina hemmo nyadonii ngunumi asiialyo ka henchañho hendo hiila.

2 KORINTIA 7:4

Ngo nunumi hempḛr hentiñdo; ngo nunumi hempḛr hentii nandu; ngiimi hembyuñtii. Hikha ngunuka pamyotakho bako hotiirḛ, ngo ano hempyo siido.

2 KORINTIA 6:1

Mohka agiñho tongepa miihiñsa, ho, ngunu nunumi lubii lyike Pinii ka aroh-aya mi danyo pa impa kiine lyayo.

2 KORINTIA 5:20

Hopa ngunu Kristo ka puyu mika bako binii, Pinii ngunu kiilo mohka yarniiñ mi yardo. Ngunu nunumi yarlyi ke Kristo kii dalyi pa, Pinii ko ahdiñ nyato ku.

2 KORINTIA 3:12

Ngunu ko sitañ ka hentiñ naniiñ doko hopa, ngunu hempḛr harodo,

1 KORINTIA 4:10

ngunu Kristo kiipa piicha pa lyido, hojalo nunu Kristo ko chila ke. Ngunu ajju, hojalo nunu tamo. Nunu khiiko biido, hojalo ngunu khiipa kodo.

ROM MIKA POL KA SIITI KENIIÑ 15:15

Hojalo drih tonge ho ngo hempḛr haro biidola nunupa keto ke nunuka hempa hengi naniiñpa, ngiimika Pinii ka aroh-aya biniiñlo

ROM MIKA POL KA SIITI KENIIÑ 10:20

Ho Aijaya hempḛr harola lutii, “Ngo mepa kotii hiilo huna ngiimi memanii; Ngo attohmi kakiñ siitii hiika atañmi huna ngiimi kumanii.”

MIINIIÑ 8:32

Siisi piniipota hokii nii mina mo ritiinii hiikahii sike: “Subuñ mi mendu pa ingiitii malo subuñatupa hiika amoo pinii rubido, hopa mo mohka aguñmi gonko ma.

METHU 21:5

“Zayon ka nyimii wiinga atañmi lukoto, kato, nunuka radde nunuko ahla doke, yanu, ho gadoh ayoho dula, ho gadoh atu ho, gadoh ka oho.”

1 KORINTIA 4:21

Nunu nii hiila hendo? ngiimi nunuko lopa biila ahto hiila hendoha, malo hensunii yajiyallo ka ahhakeyiñ miha?

IPISIA 3:1

Siika piigopa ngo, Pol, Jisu Kristo paka patiih tunkonii nunu Midomiyu atañpa,

PILIPIA 4:5

Hikha miyu atañmi chinke nento nunuka yanupaka pigii niimi. Attoh nyibya ahkiñ doke.

KOLOSIA 1:23

nunumi henjeho dakañ kiine dupa, abyumapa bilo henju ho henkañdopa, ayapuyu ka hentiñ nii hokii hengu madopa nii mina nunu tapa tiinii, nii mina pukonii kone abimi tonsḛr khenyo tiinii dariiganda ka ura hoka daniimi, ho niihpana, ngo, Pol miihoniipa lyitiinii.

PELEMON 1:19

Ngo, Pol, siika siimi ngiika alah lo kebii lyike, ngo bili talyike siimi-hang lupa mapa niika ngiipaka atohmika hempa siibi niimi lohepa.