1 TIMOTI 6:4 - NITI GONTU N.T. (BSI)

⁴ mo butelinkiñdo hentii siiniiñ ka agiñho, mo hang chima; mo chesuresu niika drih ho hengada ho aguñ ka piigo mika chesuko, niihna kahusiiniiñ lingii donii, taliisiimanii, nipasiiniiñ, aya mapa ka hemmosiiniiñ,

1 TIMOTI 6:4 ပူးပေါင်းရင်းမြစ်များ

2 TIMOTI 2:23

Piicha agiñho hang miilyayo, piigoamanii chesuresu; no chindo hiika hii gasu niimi sii lingii siidonii.

2 TIMOTI 3:4

lyolyichochi, chuduchubo, hengiñ-hentii siinii, Pinii mika hensa niimi hentola hempyo soniiñ mika hembyoniiñ,

1 TIMOTI 3:6

Mo niti lyiguh niikiñma, hiilamakoda mo hentii siiniiñ ho gori kendo ho giihi kendo igii mika haliiko ho;

JUD KA SIITI KENIIÑ 1:10

Hojalo siika miyuatañ nyapakoyado nii mina mohlu chima nii, ho hiika drih atañlo asiialyo loka heniiñmi morey achu-amyo atañka miiniiñ hiilyañ, mohlumi pyadu lobiido.

2 PITAR 2:12

Hojalo siika atañsi, henchiñ maniiñ achu-amyo hiilyañ, kiinyi achu-amyo, biiko nyatii latu lala ho menko dupa, mohlu chimadoda dola nyapakoya nyala, pyadu loko kendo mohlumika ahiñpaka pyadu lokoho,

2 TIMOTI 2:14

Mohlumi siika siimi hempa dopa lupato, ho Attoh ka hataho mohlumi luto gasusaniiñ aguñmi apanyato hiila, niihna hang aya giimanii, hojalo tanii atañmi byagii laya byagiido.

JUD KA SIITI KENIIÑ 1:16

Siika atañsi biicho choniiñ, hembyañ ramanii; mohluka atoh helyihembyo hoka sanii, goropa aguñlo khanjo siinii, khanjola miyuatañ agiñho mohlupa pasermiiliñ biidupa.

2 PITAR 2:18

Niimpalukoda, piigo ama niimi goropa khanya biidola, mohlu luhuluha do ayamanii asiialyo ka helyihembyo ho, hu miyu atañna gagḛr pala harliñ giitii kunii hiika atañ kokii hutiina miigyaniiho sala danii.

1 TIMOTI 1:7

dapo ka sariipa lyinala henyasiido, hang chimapa mohlu nii ludo malo drih atañmi niihmi mohlu rahedado ludonii.

1 TIMOTI 1:4

malo mohlumi atohpa jijemaniimi ho khiichi lakumanii aba-apa mi chibiinyayo niihna uroyapa lucha donii jijemanii mi hiilamapa piniimiikiñ niimi hentola hiikahii henje ho;

JEMS 1:19

Siika siimi chinto, ngiika heniiñja anubarmii atañ. Miyu kone abi nyibya tato, yanupa luto, yanupa hadiito,

TAITAS 3:9

Hojalo apatolya piigoamanii Chesuresunii atañmi, ohoasi atañmi, taliisiimanii atañmi, ho dapo paka gasupasu nii atañmi, niimpalukoda hiika hii hang miijo dokiñma ho piigoamaniisu.

MIINIIÑ 15:2

Ho Pol la Barnabas nyi chekhotii ho mohluka agiñho cheriitii, Pol mi ho Barnabas mi ho pongeyo tonge mi kahetii Jerusalem ho chake nendupa kiiniñkonii atañko ho amiabañ atañko siika piigopa.

MIHUKAKIÑNIIÑ 3:17

Niimpalukoda nunu ludo, Ngo mingo, ngiiko gandanencha abuje do, ho ngo hang anna ma; hang chimapa nunu milyiñdorso siike, arohkapa, arro, micha, ho ahuara.

2 TESOLONIA 2:4

huna chekhodonii ho atohmi assañ siidonii chekhola koneabi pinii hiila gyoko nii hemi malo heriidupa ka puchiniimi, niimpalukoda mo mohka dukomi Pinii ka piniiude ho biidupa hiila, atohmi Pinii ke hiila gyuko siila.

KOLOSIA 2:18

Konelotrḛ nunu khiipa kolya yo, khiiliila atohpaka-taliilaka miiniiñmi ho miidopopi mika herii laka miiniiñmi, mohluka nyibuheniiñ mi lutiñ nambiidola, butelindu hang lukosanii giimapa mohluka asiialyo ka henjulo,

PILIPIA 2:14

Hikha drih atañmi budubudu malo niimpape hiila taka mapa miito,

PILIPIA 2:3

Hang miilyayo atohpa kontii hensu biidola malo hengiñhentii siibii dola, hojalo yanugiibii dola khiibemiyu mi atohmi kayeyapa khiito lya.

PILIPIA 1:15

Tangenii Kristo ka piigo mi tonsḛrkhenyoda kariñbiidola ho lulila, hojalo tongehii aya henjulo.

GELESIA 6:3

Niimpalukoda mi kone matiirḛ atohmi ngotiirḛ konesii hiila hensu dokoda, mo hang masu tiirḛ, mo atohmi talubalosiido.

GELESIA 5:26

Kiije ngunu atoh mi hentii siimasa, kone anya mi gasu dopa luhuluha siimasa, kone anya mi kariñ siimasa.

GELESIA 5:15

Hojalo nunu matiirḛ chisula ho kone anya mi gomegome diisula dokoda hendi tolya nunu kone anya mi pyadulosu domasa hiila.

2 KORINTIA 11:20

Niimpalukoda nunu pigii nyada miyuatañ nunumi miira pa miibii dojalo, malo nunupa gyoh pesu tiijalo, malo nunumi diimiñlumiñ biido jalo, malo kamikalo siido jalo, malo moru ho pita biidojalo.

1 KORINTIA 11:18

Niimpalukoda, kapyo japa, nunuka gyoliñkonii paka dakuñ lyiho, ngo hiila tapa do nunuka punkoho tache tahe siido hiila; ho ngo tange mi hiila henjedo,

1 KORINTIA 11:16

Mi kone matiirḛ siimi talii makoda, ngunu yohe ya miiju miima ke, malo Pinii ka gyoliñkonii atañ tiirḛ.

1 KORINTIA 3:18

Kone hetrḛ atoh mi talubalo siiyo. Nunuka punko hokii matiirḛ kone siika myodu so mo chila hiila hensu domilo, hiimi mohmi piicha pa lyike nento niimpalukoda mohmi chila kiine dupa.

1 KORINTIA 3:3

niimpalukoda nunu siisi jalo asiialyo kiirañ ke. Niimpalukoda nunuka punkoho kariñ siinii ho hadiimikha dorañ, nunu asiialyo kiima ehna, ho dumiñ miyu miiju hiilyañ miima ehna?

ROM MIKA POL KA SIITI KENIIÑ 14:1

Henje papo giinii miyu mi, mohmi ahgiito, hojalo lukaniimi chesu dupa mapa.

ROM MIKA POL KA SIITI KENIIÑ 13:13

Kiije ngunu atoh atohmi hutoh hoka danii hiilyañ dasa, hempyopa sola ho ow tangiitola damasa, ayamapa hela ho hensamanii hemasa, pasugasula ho kariñsiila miimasa.

ROM MIKA POL KA SIITI KENIIÑ 12:16

Ahiñpa hembiidola kone anyañ agiñho santo lya; hentii siilya yo, hojalo arro yama agiñho dahiñ montolya; pema hentii siilyayo.

ROM MIKA POL KA SIITI KENIIÑ 2:8

hojalo hiika atañpa hutiina atohpa hensula ho jije mi luniiñ tamapa, hojalo diimmah mi miidonii, hiiko hadii ho hempḛrhadii dokiñdo.

MIINIIÑ 18:15

hojalo siika drih si taka siila aguñ atañ, armyañ atañ ho nunuka attoh ka dapo ka piigo misu koda, nunu attoh ya hentiñ nyato; ngo chekho talyike siika drih atañmi ayakacho kadupa.”

MIINIIÑ 8:9

Hojalo hiiko miyu kone Saimon hiila datii mo kapyo ho ashu miila citi ho datii ho Samaria ganda mi hemur dopa miitii, lubiidola mo attoh tiirḛ kahe kone ke hiila.