1 TIMOTI 5:8 - NITI GONTU N.T. (BSI)

⁸ Hu kone jalopa matiirḛ mohka heniimyanii mi kalyañ tama, ho luchila mohka atoh uru mi, mo henje mi mapah do ho henjemanii kone mi ayamanii ya.

1 TIMOTI 5:8 ပူးပေါင်းရင်းမြစ်များ

GELESIA 6:10

Hiiko hopa, ngunuko myodu aya dohoso, kiije ngunu hikha miyu atañpa aya miigo miisa, ho luchila hiika atañpa hutiina henje ka uru ahiñnii.

2 KORINTIA 12:14

Si ngo rohiñniipa nunuko ahdupa hendila du. Ho ngo alluaba giiniiñpa lyite masuke, niimpalukoda ngo niihna nunukiinii hiimi memake hojalo nunu misuke; niimpalukoda himme atañ annii-aba pa hiila atii tiikuñ make, hojalo annii-aba ke himme atañpa atii dunii.

TAITAS 1:16

Mohlu Pinii mi chindo hiila lusudo, hojalo mohlu mapado mohluka miiniiñluniiñ miijulo; mohlu kana tanañmaniiñ, luniiñtama niike, hang aya miigo miina naniiñpa piigoamanii.

METHU 7:11

Nunuya, diimmah siido tiirḛ, chindo niihtañ aya ahmiñayiñ na bikiñ donii nunuka wiinga atañmi, niimkane kayeya nunuka Aba dariiganda hoka duniibo bikiñdo huna mohmi kuchinii!

2 TIMOTI 3:5

henjemiiju miidu hiisu lala hojalo hiika harchichike mika chekhonii. Sitañ miyuatañ kokii dasa giitolya.

MIHUKAKIÑNIIÑ 3:8

“‘Ngo chindo nunuka miigo atañmi. Kato, Ngo nunupa alyeh mi miiko tola atii bibii lyike, nii mina kone hetrḛ miitiñ lakiñ manii; ngo chindo nunuko harchichike hii do hojalo lama pasu, ho nunu ngiika luniiñmi tado ho ngiika armyañ mi mapa ma.

MIHUKAKIÑNIIÑ 2:13

“‘Ngo chindo nohna nunu dunii, nohna saitan ka raddeduko hii; nunu lotiido ngiika armyañ pa ho nunu mapa ma ngiipa ka henje niimi Antipas ngiimika haki biniika allo lohe pa, ngiika lotii kone, humina membii nenii nunuka punkoho, nohna saitan dunii.

2 PITAR 2:1

Hojalo amuh nyibuhenii atañ tiirḛ miyu atañka punko ko sari nyane, nunuka punko hoka amuh tonsḛrbo atañ hiilyañ, huna chimiechomyo pa pyadulosa nii tonsḛrkhenyo mi biilii kendonii, Atoh mi lohepa mapa biidola huna mohlumi riitii nii, mohluka ayoho nyibya loda pyadu siiniiñmi ahgii la.

JON KA AYAPUYU 15:22

Ngo matiirḛ ahma tiikoda ho mohlumi luma tiikoda, mohlu ingyamiigya diimmah; siisi mohlu mohluka ingyamiigya mi legii ko nyikuma.

JUD KA SIITI KENIIÑ 1:4

Niimpalukoda mih chimapa tonge ahnyatola du hutiina ayujaho hokii khiikotola dotii kunii siika haliikosako, piniihenjumanii miyuatañ hutiina Pinii ka aroh-aya mi ngogii donii hensamanii heniiñho ho mapa do ngunuka kone kontii Atoh mi ho Attoh, Jisu Kristo mi.

2 KORINTIA 6:15

Niitañpa Kristo la Igii nyi talii siila kendo? Malo Niitañpa henjebo hii ahiñ siila kendo henjemanii agiñho?

METHU 18:17

Mo matiirḛ mohluka luniiñmi tama lyimilo, hiimi gyoliñkonii mi lukoto; ho gyoliñkonii ka luniiñ mitrḛ mo talii tama lulyi milo, mohmi no Midomiyu malo biijokajo myaniipa henda siito ku.

1 KORINTIA 6:6

hojalo anubarmii hii anubarmii mi chekho la dapo ko indo, ho hiika hiitiirḛ henjemanii atañka hataho ha?

2 TIMOTI 2:12

ngunu matiirḛ pigii dokoda, ngunu mo agiñho sangii monkiñdo; ngunu matiirḛ mohmi mapa dokoda, mo tiirḛ ngunumi mapa kendo;