1 TIMOTI 5:10 - NITI GONTU N.T. (BSI)

¹⁰ ho mo mohka aya miigo miiniiñ mika luta nangko laka dunii, kone huna wiinga aso sucha tiinii, helakala mi kakiñla, piniimiyu atañka alih harbinii, pamyotakho giinii atañ mika hempyo miipanii, ho atoh mi kapane aya miigo hoka henga laka miinii.

1 TIMOTI 5:10 ပူးပေါင်းရင်းမြစ်များ

1 TIMOTI 6:18

Mohlu aya mi miikiñdo, aya miigo ho mingo dopa, billakellaho ho kobya ho,

TAITAS 3:8

Luniiñsi jije. Ngo hiila hendo niimi siika drih atañ soya miikañ ari miikiñcho, niimpalukoda hutiina Pinii mi henje nyadonii hendi biidola atoh atohmi miilii siidopa aya miigo atañ so; siika atañsi ayalodake ho miijo dokiñ doke miyu atañpa.

MIINIIÑ 9:36

Siisi Joppa ho henjemiyu kone dutii Tabitha hiila armyañ, hiika hii Dorcas lusa niimi. Mo hempḛr denki ho hela bilakela nii.

TAITAS 3:1

Mohlumi lupa to sangiinii la otority atañ ko tiilii siibi tote hiila, luniiñ taliiniipa, kapane khiiniiñ miigo miidupa henju tote hiila,

TAITAS 2:7

Atohmi hikha khiiniiñ ho katiñnaniiñpa kakiñ siito aya miiju atañlo, ho niika tonsḛr ko denkilotii mi, hendimiidi mi kakiñ tolya,

2 TIMOTI 3:17

niimpalukoda Pinii ka miyu mi lyipe kiinedupa, kapane aya miigo miina naniiñpa.

ROM MIKA POL KA SIITI KENIIÑ 12:13

Bibo tolya piniimiyu atañka anna ho, nyibo ahnii atañmi helakala tolya.

LUK KA AYAPUYU 7:44

Hiikahiibaho annii akha kii dalyi mobo biila mo Saimon mi lutii, “No siika annii akha mi kappa duha? Ngo niika ude ho ahdu, no ngiimi yasie bima ngiika liipiñ pa, hojalo mo ngiika liipiñ mi mohka mila lo juja dopa miila lala ho hiimi mohka dimmulo nyupa biine.

METHU 5:16

Si chulipa niika hutoh mitrḛ miyu atañka hataho byohu kiineto, niimpalukoda niika aya miigo miiniiñmi mohlumi kala lala ho niika Aba dariiganda hoka duniimi assañ kiine dupa.

1 PITAR 2:12

Aya miiju miya Midomiyu atañka punkoho miito, mohlu nunumi miigya niipa khiilii dojalo, mohlumi nunuka aya miigo miiniiñmi kala lala ho Pinii mi assañdopa mohka ahlyiku allo ho.

HIBRU 13:21

nunumi kapane aya mi bikiñ cho niimpalukoda nunu mohka heniiñ jami miidupa, nunuko miila do hiikahii niihna mohka kataho kaji donii, Jisu Kristo kiilo, humina ayu dahepa assañ kendonii. Amen.

HIBRU 13:2

Nyibo mika hapumibya sanii mi byalya yo, niimpalukoda tonge hiila miibii dola miidopopi miilañmi chimapa miihoke.

HIBRU 10:24

ho kiije ngunu hensusa niihtañ pana kone anya mi haro lupa siikiñ donii hensu niiho ho aya miigo atañ ho,

TAITAS 3:14

Ho ngunuka miyu mi chingii kiine tolya aya miigo miiju ho atoh atohmi miilii siidopa, niimpalukoda aniipiida anna laka lyinii mi hembyuñ dopa, ho piigoama pa miike nelyayo.

TAITAS 2:14

huna mo atohmi ngunupa bisu tiinii ngunumi tupya dukupa hikha kacho hokii ho darii miidupa mohpa mohka atoh miyupa miidupa huna aya miigo atañmi miinala hendo nii.

LUK KA AYAPUYU 7:38

ho mo kiiliñ ho mohka liipiñ aruñho dala, khetii, mo mohka milabiniiñ hii Jisu ka liipiñ mi juja giitii, ho hiimi mo mohka adiñdimu lo nyupa bitii, ho mohka liipiñ mi mochutii, ho hiimi arrḛyartiiku kutu lo.

3 JON 1:12

Demetrius mi kone ahbo pyako doke, ho jije hokii tiirḛ; ngotiirḛ mohmi pyakodu, ho no chindo ngiika pyakoniisi jije hiila.

1 PITAR 4:9

Hapumibya mi kiirañ miitolya kone anyañ mi ahiare siimapa.

2 TIMOTI 3:15

ho niihtañ no himme jaho hokii chiribiitii dariiaguñ ketolaka doniimi niihna luko lakiñ donii sangopyako niimi Jisu Kristo mika henje giiko hopa.

2 TIMOTI 2:21

Hujalopa atohmi darii miisu talyi ayamanii hokii, ho mo piichañturla aya miigo miina naniipa lyikiñdo, darii miikunii ho ude ka atoh loka miita naniiñpa, hendila niijalo aya miigo miina naniiñpa.

2 TIMOTI 1:5

Ngiimi niika denki henje mi hempa dopa miido, henje kapyopa niika ayyo Lois ko giitii ho niika annii Eunice ko ho siisi, ngo henjedo, niiko giido hiila.

1 TIMOTI 5:25

Hiichulipa aya miigo miiniiñ hiitiirḛ didḛrpa kadḛrdo; ho hiika atañhii kadḛr lama dado jalo, mohlu achuñ kotola dola kema.

1 TIMOTI 2:10

hojalo aya miiju atañ ho, kadiñdopa nyimii huna henjeniika piigomi lukodonii.

KOLOSIA 1:10

sango mi Attoh lo khiiko dopa sankiñ cho hiila, mohmi hempyo miipa dopa, kapane aya miigo ho ahee hibi dopa ho Pinii ka drih mi abu yapa chila dopa.

IPISIA 2:10

Niimpalukoda ngunu mohka miigomiinii miyu, Kristo Jisu ko ayamiigo miinii paka puliñnii, nii mina Pinii kapyopa miimyo tiinii, hiiko ngunumi inke nendupa hiila.

MIINIIÑ 22:12

“Ho Ananias hiila kone, henjenii miyu kone dapo hokii chulipa, hikha Jew atañ loka khiikola hoka dunii,

MIINIIÑ 10:22

Ho mohlu lutii, Kornelius, sipahi sabii, denki ho Pinii mika biisonii miyu, huna hikha Jew ganda loka khiikonii, darii miidopopi lo luko kotola niipa kiiniñtii mohka ude ho ahgii hiila, ho niika lusaniimi tadupa

MIINIIÑ 9:39

Hopa Pitar guritii ho mohluka agiñho imbo montii. Ho mo ahbii kiile, mohlu mohmi chidii ayoh ho chagii tii. Hikha hiimie atañ mohka aruñ dala khela dotii, ho abitarii ho pulye atañmi Dorcas ka mohluka agiñho mo dula ka miiniiñmi kakiñ biido.

MIINIIÑ 6:3

Hopa, anubarmii atañ, nunuka punko hokii kanuhe denki miyu hokii kaheto, poteje Yajiyallo ho chila giinii hokii, hiimi ngunu siika miigo pa kahesa.

1 TIMOTI 5:16

Siisimatiirḛ henjenii nyimii kone kii heniimyanii dukoda huna hiimie nii, mohmi mohlumi hembyuñ kiineto; gyoliñkonii atañmi alluabayo, niimpalukoda hiimi hembyuñ kiine dupa hutiina jije hiimie atañnii.

1 TIMOTI 3:7

hiikahaho ho mo ago miyu lo aya khiiko niipa lyikiñdo, hiilamakoda mo sarpa niiho huhila ho igii ka gyoh lo hoko kendo.

1 TIMOTI 3:2

Siisi bisop pahañhanko sanii giikiñma, mihie koneka millo, hendi-niikiñdo, dadimiiri, hendimiidi, Hapumibya, lukolanii sariipa lyikiñdo,

METHU 25:17

Hii chulipa, talents penye labii botrḛ penye abuyapa miitii.