1 TIMOTI 4:6 - NITI GONTU N.T. (BSI)

⁶ No matiirḛ siika lukoniisi mi anubarmii atañka hataho atii bidokoda, no denki miiho niipa lyikiñdo Kristo Jisu ko, hokotii henje ka aguñ atañlo ho aya tonsḛrniimi nii mina no imbomondonii.

1 TIMOTI 4:6 ပူးပေါင်းရင်းမြစ်များ

KOLOSIA 3:16

Kristo ka aguñmi uropa nunuko doha kiineto, tonsḛrsiito ho lulyañ luda siito kone anyañ mi hikha chilalo, ho assañbiisie mi sito ho bariebiisie mi ho yajiyallo ka biisie atañmi payapacho hiila nunu ahha ho lubii dola Pinii mi.

TAITAS 2:1

Hojalo no, tonsḛrto niihna tonju ayanii.

KOLOSIA 4:7

Taichikas nunumi luko kendoke hikha ngiika piigo ragomi; mo heniiñja anu ke ho lotii miihoniiñ ho Attoh ka miira ahiñke.

METHU 13:52

Ho mo mohlumi lutii, “Hopa pagenii kone abi humina miikiñ tiinii dariiganda ka raddeganda pa hii si chulido ude atoh ka mohka alḛrdrih hokii niihna niti ho khu mika laliñnii chuli.

JUD KA SIITI KENIIÑ 1:5

Siisi ngo nunumi hempa dopa miinañdo, nunumi ronge pada luko siitii jalopa, hiika hii mo huna miyu atañmi lyangur tiinii Egip ka ganda hokii, hiikahiiba ho miidulotii hutiina henje matiinii.

2 JON 1:9

Hu kone jalo ilemiile talyi ho Kristo ka tonsḛr niiho datema mohko Pinii nyima; mo huna tonsḛr niiho danii hiiko anyeru Aba la Oho nyi da.

1 PITAR 2:2

Niti wiinga buniiñ hiilyañ, darii yajiyallo ka anyi mi hayato, hiilo nunu sancha ladopa sangopyako lohepa;

2 TIMOTI 4:3

Niimpalukoda myodu si ahlyi ke niidana miyuatañ jije tonsḛr niimi ya pigii tamanii, hojalo mohluka yaroo ahah tanañlo mohlu atohpa mohlumi ka lukonii tonsḛrbo kahe siibii kendo mohluka tana nii hiilya luko kodupa,

2 TIMOTI 3:10

Siisi no ngiika tonsḛr niimi kabiilyi, ngiika miijuluju mi, ngiika sango hoka miichi heniiñmi, ngiika henje mi, ngiika pigiiniimi, ngiika heniiñmi, ngiika ranttiniimi,

2 TIMOTI 1:6

Hopa ngo niimi lupadu hiira miilyo tige liito Pinii ka ahmiñayiñ niiko hoka giiniiñmi ngiika alah tencha biido laka miiniiñmi;

1 TIMOTI 6:3

Hu konejalopa matiirḛ tonsḛrdonii yoheya ho taliimomapa ngunuka Attoh Jisu Kristo ka aguñ atañ agiñho ho tonsḛrnii piniisanju ho,

1 TIMOTI 4:16

Atohmi hendi siitolya ho niika tonsḛr niimi; hiimi miikañ ari miitolya, niimpalukoda hiila miibiidola no lyangur siikiñdoke atoh mitrḛ ho niikii mika tanii atañ mitrḛ.

1 TIMOTI 1:10

henjumiiju aya manii atañpa, ahiñ-amey siinii atañpa, nyimalanii atañpa, gollumisu atañpa, amuh hemmebo atañpa, ho niijalo niihna jije tonsḛr niimi chekho donii.

1 TESOLONIA 3:2

ho ngunu Timoti mi kiiniñ to, ngunuka anu ho Pinii ka miira Kristo ka ayapuyu ho, nunumi nunuka henjeho sancha kiinedupa ho nunumi harolupa dupa,

KOLOSIA 2:19

ho Akhojami ya gabii mapa, nii hokiina hikha apo hii, sangii donii ho nyudiñ tiinii tongepa hiika giidiñ siiniiñlo ho ahro atañlo, sancha da sancha naniiñlo Pinii kokii.

PILIPIA 3:16

Kiije ngunu jijemi kontii biisa nii mina ngunu biido nii.

IPISIA 6:21

Siisi nunu tiirḛ chinkiñdo niihtañ ngo ho nii ngo miido, Tychicus heniiñja anu ho lotii Attoh koka miigomiinii nunumi luko kendoke hikha drihmi.

2 KORINTIA 6:4

hojalo Pinii ka miira siilyinii ngunu kapakohe lembo ho lusudu: uropa pigii biidola, herumyanka ho, henkhiimilyiñ ho, hachesiire ho,

2 KORINTIA 3:6

huna ngunumi miilalula dopa bitiinii niti hemmesiiniiñ ka miirapa, keto laka dapo homapa hojalo Yajiyallo ho; niimpalukoda dapo hii mendu, hojalo Yajiyallo hii sango bidu.

1 KORINTIA 4:17

Hopa ngo kiiniñ tiike nunuko Timoti mi, ngiika heniiñja ho lotii wiinga Attoh ko, nunumi lupa kiine dupa ngiika lembo atañmi Kristo ko, ngiika mohlumi ka tonsḛrnii chulipa kapakohe ka kapane gyoliñkonii ho.

ROM MIKA POL KA SIITI KENIIÑ 15:15

Hojalo drih tonge ho ngo hempḛr haro biidola nunupa keto ke nunuka hempa hengi naniiñpa, ngiimika Pinii ka aroh-aya biniiñlo

MIINIIÑ 20:35

Hikha drih atañ ho ngo nunumi kakiñtii heru biidola kone mi hembyuñ tolya huna ajjudonii, Attoh Jisu ka aguñ luniiñ atañmi hempa biidola, niihtañpa mo lune, ‘Siikasi abuyapa lyanko kendo binii hii lanii mi hentola.’”

MIINIIÑ 20:31

Hopa hendi nyatolya, hempa biidola danyi nyahiñ hemi ngo ayoh yohe hetrḛ yopa mapa malo allo lohe tiirḛ lopa mapa kone abimi mila bibii dola lukotii.

LUK KA AYAPUYU 1:3

si kakoso ngiipa tiirḛ ayado, kapane drih atañmi aruñ ahnii laka innekuniiñ mika keboniisi, hiimi ketiñ biila niipa kedo paka lyiniiñsi, ngiika heniiñja Tiopilus,

MIINIIÑ 1:15

Hiika myodu ho Pitar mohluka apurho guritii (hoka miyu dukuñnii hii lange la nyikhañ hepa dutii), ho lutii,

2 KORINTIA 11:23

Mohlu Kristo ka miira atañ peha? Ngo hiimi tiirḛ aya yanii-ngo runii miyu hiilyañ lulyi-uro yapa miigo miitii, abuyapa patii tunkotii, khiikha lama hikotii, ho shiipa miida dopa.

PILIPIA 2:20

Ngiiko mo chuli kone hetrḛ nyima, huna hendiko jaho nunuka ayakiipa hena bida nii.

PILIPIA 2:22

Hojalo Timoti niimkane khiiniiñ miyu nunu chindo, niihtañpa mo oho ka aba mika miiho miichañ ho ngiika agiñho ayapuyupa miiho mone.