1 TIMOTI 4:4 - NITI GONTU N.T. (BSI)

⁴ Niimpalukoda kapane Pinii ka puniiñ hiiniiñ hii ayake, ho hang khiipa saniiñ giima hiika hiimi matiirḛ payapacho lubiidola larii dokoda;

1 TIMOTI 4:4 ပူးပေါင်းရင်းမြစ်များ

ROM MIKA POL KA SIITI KENIIÑ 14:20

Iche hetrḛ, diigotango pa, Pinii ka miigomi pyadu lyayo. Kapane lusu dokoda dariike, hojalo siikasi miikha doke koneabi huna khiibemiyu mi huhi dopa miidonii mohka diiniiñlo;

1 KORINTIA 10:25

Diito niijalo kiirimiiko yoh pyudo ho hang taka tamapa henkala.

ROM MIKA POL KA SIITI KENIIÑ 14:14

Ngo chindo ho ngiimi yartiiku Attoh Jisu ko hangja kacho make danyopa; hojalo hiikahii kachodo hiipa huna hii kachodo hiila hendonii.

1 KORINTIA 10:23

“Hikha drih hii aya siido,” hojalo kapane drih hii piigo ahgii make. “Hikha drih aya siido,” hojalo kapane drih sancha giimake.

MIINIIÑ 21:25

Hojalo Midomiyu atañ pakoda hutiina henje nyadonii, ngunu siiti bilii bulyi ke ngunu ayakacho kasaniisi, mohlumi diilya yo hiila puchi niimika membi niimi ho ai mi ho garkhii niimi ho ipfyo diipyo hokii.”

1 TIMOTI 4:3

huna mihie millo lasu niimi lutiñ donii ho diigotango diisanii tange mi diiyo ludonii nii mina Pinii puliñ tiinii hiimi payapacho hiibii dola ka larii saniiñmi huna henje donii ho jijemi chindonii.

MIINIIÑ 15:29

niimpalukoda nunu dasa giitolya nii mina uyi mi membi tiinii ho ai hokii ho nii mina garkhii tiinii ho kacho hokii. Nunu matiirḛ atohmi siika atañ sokii dasa giila dokoda, nunu aya miikiñ doke. Kḛ hiila tiika.”

MIINIIÑ 10:15

Ho hiira ronye niipa mo aguñ tapatii, “Nii mi Pinii darii miitii, hiimi no miibḛrnii hiila luyo.”

ROM MIKA POL KA SIITI KENIIÑ 14:6

Hii huna allo lohe mi khiiniiñ yapa hendonii, hiimi khiike nento Attoh mi khiibii dola. Hii huna diidonii, diito Attoh mi khiibii dola, niimpalukoda mo Pinii mi payapacho ludo; hii hutiina diima nii, Attoh mi khiibii dola miito ho Pinii mi payapacho hiila luto.

1 KORINTIA 10:26

Niimpalukoda “kiiddiapiñ si Attoh kiike, ho hikha hoka donii hii.”

1 KORINTIA 10:30

Ngo matiirḛ payapacho luko lubo dokoda, niimpa ngo ma luchi nii mina ngo payapacho lutii kunii?