1 TIMOTI 4:16 - NITI GONTU N.T. (BSI)

¹⁶ Atohmi hendi siitolya ho niika tonsḛr niimi; hiimi miikañ ari miitolya, niimpalukoda hiila miibiidola no lyangur siikiñdoke atoh mitrḛ ho niikii mika tanii atañ mitrḛ.

1 TIMOTI 4:16 ပူးပေါင်းရင်းမြစ်များ

TAITAS 1:9

mo alḛrpa dakiñdo jije aguñ lukonii hiilyañpa, niimpalukoda mo luko lusi ladopa jije tonsḛr tonjuho ho lukoludḛr niipa huna chekho donii hiimi.

TAITAS 2:7

Atohmi hikha khiiniiñ ho katiñnaniiñpa kakiñ siito aya miiju atañlo, ho niika tonsḛr ko denkilotii mi, hendimiidi mi kakiñ tolya,

2 TIMOTI 4:2

aguñmi tonsḛrkhenyo to, kiirañ hendi tolya myodu jalo malo myodu majalo, yatolya, gatolya, ho harolupa tolya, pigiiniimi la tonsḛr niimi pema miima miilya yo.

IPISIA 4:14

niimpalukoda ngunu himme pa lyikiñ kuma, tiihii tiikhe puduñ biikola kapane tonsḛr niika allyi lo, surudonyo miyu atañlo, mohluka lyolyichochi gollumisu lujubenju lo.

HIBRU 13:9

Ngogii kolya yo ponsa ponsa tonsḛr niilo; niimpalukoda siikasi aya doke ahha mika aroh-aya loka alḛr miiko niisi, diigo loma ke, niihna hang aya giimanii mohluka dupur kone mi.

HIBRU 12:15

Hendi nyatolya kone mitrḛ Pinii ka aroh-aya mi larii mapa lyike nelyayo; niimpalukoda hang “kochi ka liima” saliñ madopa ho ahiare mi lingii madopa, ho siika silo abuje miibḛr konya da;

2 TIMOTI 3:14

Hojalo niipa koda, miikañari miito niihna no chingii tiinii ho alḛr pa henje tii, chimbii dola hukii hokiina no siimi chingii tiinii

LUK KA AYAPUYU 21:34

“Hojalo nunu attoh pa henditolya, hiila makoda nunuka ahha atañ hame rikiñ doke diigo la tango ho siika sango mika henaho, ho hiika allo hii nunuko aluñpada ke ahkiñ donii;

1 TIMOTI 4:6

No matiirḛ siika lukoniisi mi anubarmii atañka hataho atii bidokoda, no denki miiho niipa lyikiñdo Kristo Jisu ko, hokotii henje ka aguñ atañlo ho aya tonsḛrniimi nii mina no imbomondonii.

1 TIMOTI 1:3

Ngiika niimika yarnii hiilyañpa ngiika Masedonia hoka bopa miilyiho, Ipisia ho dutolya niimpalukoda no miyu tonge mi khiibe tonsḛrkhenyo mi tonsḛr yo hiila ludupa,

ROM MIKA POL KA SIITI KENIIÑ 16:17

Ngo yarlyi ke nunumi, anubarmii atañ, hendi nyatolya hiika kokii hutiina luku luche ho ahiare miipa donii, nunu mika lukonii hokii chekho laka lunii atañmi; mohlumi adhopa atii tolya.

2 TIMOTI 2:10

Hopa ngo kapane drih mi pigiidu kahe koniikiipa, niimpalukoda mohlumi tiirḛ sangopyako mi pake nendupa Kristo Jisu ko lyulasamanii tatukatu ka agiñho:

1 KORINTIA 9:27

hojalo ngo ngiika apo mi uro yapa kiisudu ho hiimi kiimya losudu, niimpalukoda mihmi tonsḛr khenyo lala ngo atoh ya piigo ama dadii la hiila.

MIINIIÑ 6:4

Hojalo ngunu attohmi kuniiñ sola ho piniipota lugo soya hengasa.”

MAK KA AYAPUYU 13:9

Hojalo nunu hendi nyatolya; niimpalukoda mohlu nunumi bulyañ ko tiilii bilyi diike; ho nunumi sinagog ho higor palyi diike; ho ngiika piigo pa nunu govonor la radde nyika hata hotiirḛ dalyi diike, ngiika piigo mi mohlumi luko lutiñnaniiñ pa.

JEMS 5:20

mohmi chinke nento hujalo ingyamiigyanii konemi mohka miigyanii lembo hokii ahkur giichi mohka yallo mi shiisa nii hokii lyangurtii ho abuje ingyamiigyanii atañmi lapu biido.

TAITAS 2:15

Siika drih atañmi lukoto; harolupato ho gato hikha otority lo. Kone lotrḛ khiipa kolya yo.

KOLOSIA 4:17

Ho Archipas mi luto, Kato no miipe siitiiha niimika Attoh ka miigo biniiñmi.

1 KORINTIA 9:22

Ajju agiñho ajju mondu, ngo ajju mi lumiñ biidupa. Ngo hikha drihpa lyidu hikha miyu atañpa, niimpalukoda ngo hikha miina naniiñlo tange mijalo lyangur dupa hiila.

ROM MIKA POL KA SIITI KENIIÑ 11:14

ngiika Jew ahiñ atañmi kariñkiine dupa, ho hiila miibiidola tonge mi lyangur kiine dupa.

ROM MIKA POL KA SIITI KENIIÑ 2:7

hutiina pigiibiidola aya miigo miibii dola medonii tatukatu mi ho khiiniiñmi ho lyula sama niimi, mo santḛrlamanii sango bikiñdo;

MIINIIÑ 26:22

Siika allo lohe pa ngiiko hembyuñnii hii do Pinii kokiika ahnii, hopa ngo siikaso da pyakodupa atu ho kahe miilañmi, hang lumapa hojalo niihna nyibuhenii la Mose nyi lutiinii hiimi lyike nendupa:

PELEMON 1:19

Ngo, Pol, siika siimi ngiika alah lo kebii lyike, ngo bili talyike siimi-hang lupa mapa niika ngiipaka atohmika hempa siibi niimi lohepa.

1 TESOLONIA 2:16

ngunumi Midomiyu atañ mika lurii saniiñ mi lutiñ tii mohlumi lyangur kiine saniiñmi-sitañpa kiirañ miiniiñ hiilyañ mohlu miipe biine hikha ingyamiigyaniimi. Hojalo Pinii ka hadii mohluko ahtii kamikalo ho!

1 KORINTIA 1:21

Niimpalukoda, Pinii ka chilaho, dohadolo hii Pinii mi chila lo chimake, si Pinii mi hempyo miipa do piicha paka ngunuka tonsḛrkhenyo niilo lyangur dupa hutiina henje nyadonii.

1 TIMOTI 4:15

Siika miigo atañ siimi miinyo tolya, mohlupa atohmi tiilii siito lya, niimpalukoda kone abimi niika hatachaniiñ mi kapa dopa.