1 TIMOTI 4:10 - NITI GONTU N.T. (BSI)

¹⁰ Niimpalukoda siika drihpa ngunu khentii ho uropa miidu, niimpalukoda ngunuko ngunuka hentiñnanii hii turnii Pinii ko atii tola do, huna hikha miyuatañ mika lyangur nii, luchila hiika atañpa hutiina henje nyadonii.

1 TIMOTI 4:10 ပူးပေါင်းရင်းမြစ်များ

1 TIMOTI 2:4

huna hikha miyu atañmi lyangur kiine nandonii ho ahke nenala hendonii jije ka chiniiñho.

1 JON 2:2

ho mo ngunuka ingyamiigyanii atañpa atohmi bisutii, ho ngunupa kontiima hojalo hikha dohadolo ka ingyamiigyanii atañpa.

1 TIMOTI 2:6

huna atohmi tupya naniipa bisu tiinii miilañrupa, myodumyolo aya jaho pyakotii.

JON KA AYAPUYU 1:29

Allo lohe yaho mo Jisu mi mohkii dalyi ahla dopa kappatii, ho lutii, kato, Pinii ka subuñ atu, huna dohadolo ka ingyamiigya niimi bapa bidonii!

1 JON 4:14

Ho ngunu kapa tiiku ho pyakodu Aba mohka atoh Oho mi kiiniñtii dohadolo mika lyangur niipa.

JON KA AYAPUYU 4:42

Mohlu annii akha mi lutii, “Siikasi niika luko hopa kontii ngunu henje make, niimpalukoda ngunu miilañ attohpa tapatii, ho ngunu chindo siikasi jijeloda dohadolo mika Lyangur nii hiila.”

JON KA AYAPUYU 5:24

Jijeloda, jijeloda, ngo nunumi lukoso, hii huna ngiika aguñmi tadonii ho mohmi henje donii ngiimika kiiniñ bomi, mohko santḛrlamanii sango do; mo ayakacho kako ahkiñma, hojalo shiigo mi impo biila sango ho daku.

HIBRU 13:13

Hopa kiije ngunu mohka agiñho tabyoude dukuñko agoho linsa, ho hembosa hiinyañmohi mohka pigii niimi.

1 PITAR 1:21

Mohkiilo nunuko hentiñnanii do Pinii ko, huna mohmi shiinii hokii turdopa miitiinii ho tatukatu mi bitii nii, niimpalukoda nunuka henje ho hentiñ nanii hii Pinii ko dopa.

HIBRU 11:26

Mo Kristo paka heru hembi niimi uro mingotamo yapa hentii Egip hoka alḛrdrih doniimi hentola, niimpalukoda mo ajju kosa niimi katii.

1 TIMOTI 6:17

Siika dohadolo soka mingo pakoda, luto mohlumi hentii siiyo hiila, malo mohluka hentiñ lasamanii ka mingo mi hentiñ nayo hojalo Pinii miya huna kapane drihmi ngunumi bitiinii hempyo biike nendupa.

1 TIMOTI 3:15

ngo matiirḛ dahii lyimilo, nunumi chinke nendupa niihtañ pana kone Pinii ka ude ho miikiñpakiñ donii, niihna turnii Pinii ka gyoliñkonii nii, rali ho jije ka batiñ pa lyidonii.

METHU 27:43

Mo Pinii mi henjeda; Pinii mi mohmi siisi tupya kiineto, mo matiirḛ mohmi anna dokoda; niimpalukoda mo lutii, Ngo Pinii ka Oho ke.

METHU 16:16

Saimon Pitar lusitii, “No Kristo, turnii Pinii ka Oho.”

1 KORINTIA 15:10

Hojalo Pinii ka aroh-aya kopa ngo da niihtañ pajalo ngo da, ho mohka ngiikii dalyi hoka aroh-aya niisi piigoama miima. Yoheyapa ludo koda, ngo uro yapa miigo miinii kone abimi, hii ngoma siijalo, hojalo Pinii ka aroh-aya niihna ngiiko donii.

2 KORINTIA 1:10

mo ngunumi hiimkane shiigo lyusanii hokii tupya tiiku, ho mo ngunumi tupya kendo, mohko ngunuka hentiñ naniiñ do ho hiika hii hiira ngunumi tupya kendo.

1 TIMOTI 2:3

Siikasi aya doke, ho siika siimi taliidoke Pinii ngunuka Lyangur boka kata ho,