1 TIMOTI 4:1 - NITI GONTU N.T. (BSI)

¹ Siisi Yajiyallo didḛrpa lukoda ahlyinii myodu ho tonge henje hokii impagiikiñ do amuh yajiyallo atañmi tajela ho igii atañka tonsḛrniimi,

1 TIMOTI 4:1 ပူးပေါင်းရင်းမြစ်များ

2 PITAR 2:1

Hojalo amuh nyibuhenii atañ tiirḛ miyu atañka punko ko sari nyane, nunuka punko hoka amuh tonsḛrbo atañ hiilyañ, huna chimiechomyo pa pyadulosa nii tonsḛrkhenyo mi biilii kendonii, Atoh mi lohepa mapa biidola huna mohlumi riitii nii, mohluka ayoho nyibya loda pyadu siiniiñmi ahgii la.

JUD KA SIITI KENIIÑ 1:18

mohlu nunumi lutii, “Kamikalo myodu ho khansunii atañ linkiñdo, mohluka piniihenjumanii helyihembyo ho miijola.”

2 PITAR 3:3

Kappyo japa nunu siika siimi chinto rañ, khansunii atañ linkiñ doke kamikalo myoduho khansu biidola, mohluka atoh helyihembyo mi hembiidola

JUD KA SIITI KENIIÑ 1:4

Niimpalukoda mih chimapa tonge ahnyatola du hutiina ayujaho hokii khiikotola dotii kunii siika haliikosako, piniihenjumanii miyuatañ hutiina Pinii ka aroh-aya mi ngogii donii hensamanii heniiñho ho mapa do ngunuka kone kontii Atoh mi ho Attoh, Jisu Kristo mi.

2 KORINTIA 11:3

Hojalo ngo biisodo niihtañpa tabu Eve mi talubalo mohka piibilo, nunuka henju tiirḛ nunumi ngogii tama suyuha hiila siika denki ho darii Kristo mika heriinii kiiso hokii.

2 TIMOTI 3:13

diimmah miyuatañ la surudonyo atañ diimmah hokii diimmah yaya kendo, gollunii ho gollu kokiñdo.

1 JON 4:6

Ngunu Pinii kii. Hujalo Pinii mi chindo ngunumi tagedu, ho hii huna Pinii kokii manii ngunuka luniiñmi tama. Siika silo ngunu chindo jije ka yajiyallo mi ho amuh yajiyallo mi.

JON KA AYAPUYU 16:13

Niida jije ka Yajiyallo ahchi, mo nunumi ingii kendoke hikha jije ho; niimpalukoda mo attoh ka otority lo lukiñ make, hojalo mo niihmi tapado hiimi sii lukiñ siido nii, ho mo nunumi luko kendo drih atañ ahsa niimi.

1 JON 2:18

Himme atañ, siikasi kamikalo myodu kuke; ho nunu tapa biine Kristo mika kanañ manii ahkiñ do hiila, hopa siisi abuje kristokamabo ahdo; hopa ngunu chindo siikasi kamikalo myodu ku hiila.

MIHUKAKIÑNIIÑ 2:11

Hii hukiina yaroo giidonii, mohmi take nento niihna Yajiyallo hii gyoliñkonii atañmi ludonii. Huna pamiñdonii pema achihdopa miiko kemake ronye niika shiiniiñlo.’

2 TIMOTI 4:4

ho mokur giikiñdo jije mika tasa nii hokii ho jijemanii hoya ngojo la dakiñdo.

MIHUKAKIÑNIIÑ 20:10

ho igii huna mohlumi talubalo biinenii yamu ka siimie ho jopa liibiine ho sulphur ho nohna achu-amyo la amuh nyibuhenii dunii, ho mohlu henga henkha hela dokiñdo allo ayoh dadumi ayu dahepa.

MIHUKAKIÑNIIÑ 3:6

Hii hukiina yaroo giidonii, mohmi take nento niihna Yajiyallo gyoliñkonii atañmi ludonii.’

MIHUKAKIÑNIIÑ 2:29

Hii hukiina yaroo giidonii, mohmi take nento niihna Yajiyallo gyoliñkonii atañmi ludonii.’

1 PITAR 1:20

Mohmi kaye kapyo tola dotiiku dohadolo mika liidi rammarampa hojalo kakiñtii kamikalo myodu jaho niimpalukoda nunukiipa.

MIHUKAKIÑNIIÑ 18:2

Ho mo hempḛr goropa gyune, “Huhine, huhine Babilon kahebo! Hiika hii igii atañka dukopa lyine, kapane ayamanii yajiyallo ka dukopa, kapane ayamanii ho kanamanii piita ka duko;

KOLOSIA 2:18

Konelotrḛ nunu khiipa kolya yo, khiiliila atohpaka-taliilaka miiniiñmi ho miidopopi mika herii laka miiniiñmi, mohluka nyibuheniiñ mi lutiñ nambiidola, butelindu hang lukosanii giimapa mohluka asiialyo ka henjulo,

1 KORINTIA 10:20

Ma, ngo hiila ludu niihna henjemanii atañ membi donii mohlu igii mi bido ho Pinii mima. Ngo nunumi igii ka agiñho diihiñmonii pa lyima dokoda hiila hendo.

MIHUKAKIÑNIIÑ 20:8

ho agoho linkiñdo ganda atañmi talubalo dupa niihna kiiddiapiñ ka piilye khonchañ ho donii, hiika hii, Gog la Magog nyi, mohlumi gyokuñ lala gyambo paniipa; mohlu khiika ko siimie daka siikhiisuru kane.

MIHUKAKIÑNIIÑ 19:20

Ho achu-amyo mi latu biine, ho hiika agiñho amuh nyibuhenii mi, huna mohka dapa kagiñnanii miitiinii niilona mo talubalo tiinii hiika atañmi hutiina achu-amyo ka miiho niimi giidonii ho hutiina hiika puchiniimi herii nyadonii. Siika anye mi turdopa jopa liibiido yamu ka siimie ho niihna sulphur lo yadonii.

MIHUKAKIÑNIIÑ 18:23

ho muru ka hutoh hii byokiñ kuma ke niiko; ho mihie la millo nyika aguñ tapa keñku make niiko; niimpalukoda niiko hoka kiirimiinii atañ hempḛr kaye miyu neke kiiddiapiñ ho, ho hikha ganda atañ talubalo kobiine niika ashumiiniiñ lo.

MIHUKAKIÑNIIÑ 13:14

ho hiika kagiñnaniilo nii mina miila dopa bitiinii achu-amyo ka dapa, hii talubalodo hutiina kiiddiapiñ so dunii, mohlumi achu-amyo pa puchi tote hiila lutii nii mina une agii tiinii ilyo lo ho hojalo turla da;

MIHUKAKIÑNIIÑ 9:20

Ho khiibemiyu dunii atañ, hutii mina siika dolilo memanii, henkur nyaku matii mohluka alah loka miiniiñ atañmi malo igii mika herii niimi ho ayyiñ hokii ka puchi niimi ho rupu hokii ho bitie hokii ho yalañ hokii ho yasañ hokii. Niihna kapa lamanii malo tapa lamanii malo ilamanii;

MIHUKAKIÑNIIÑ 3:22

Hii hukiina yaroo giidonii, mohmi take nento niihna Yajiyallo gyoliñkonii atañmi ludonii.’”

MIHUKAKIÑNIIÑ 3:13

Hii hukiina yaroo giidonii, mohmi take nento niihna Yajiyallo gyoliñkonii atañmi ludonii.’

MIHUKAKIÑNIIÑ 2:17

Hii hukiina yaroo giidonii, mohmi take nento niihna Yajiyallo ludonii gyoliñkonii atañmi. Hiika atañmi hutiina pamiñdonii ngo bichi manna tonge achuñ tola doniimi, ho ngo mohmi puloo yalañ mi bichi, niti armyañ ka agiñho hiika yalañho ketola nii mina kone hetrḛ chimanii hii kontiisii huna hiimi lariidonii.’

MIHUKAKIÑNIIÑ 2:7

Hii hukiina yaroo giidonii, mohmi take nento niihna Yajiyallo gyoliñkonii atañmi ludonii. Huna pamiñdonii hiimi ngo diike nenchi sango ka sannii hokii, niihna Pinii ka Diilyañdiiloganda ho dunii.’

1 KORINTIA 12:11

Hikha siika atañsi ahiñ ho Yajiyallo kone loka miiniiñsii, huna kone abimi kabii dola mohka henko ho bidonii.

MIINIIÑ 28:25

Hopa, mohlu kone anyañ mi takho siila la, mohlu impe siitiiku, Pol hiila gonge lukele: Darii Yajiyallo ludiko lutii nunuka aba atañmi Aijaya nyibuhenii mi luta nala:

MIINIIÑ 17:18

Tonge Epikurean hokii tiirḛ ho Yanu tonsḛrbo miilañ mohmi kappatii. Ho tange lutii, “Nii pe siika perepere lunii bosi luda nii?” Tonge lutii, “Mo kakoso nyibo uyi atañka tonsḛrkhenyo niihpe hendo” niimpalukoda mo Jisu la turiturku kuniiñ mi tonsḛr khenyoda.

MIINIIÑ 13:2

Mohlu Attoh mi heriila lo nyola dukele, Darii Yajiyallo lutii, “Barnabas la Sol nyimi pongepa atiito miigopa niihpana ngo mo anye mi gyotii nii.”

MIHUKAKIÑNIIÑ 16:14

niimpalukoda mohlu igii ka yajiyallo, kagiñnanii miila, huna intiinii adhoganda ho radde atañ ko hikha dohadolo ho, mohlumi gyokuñla gyambo pake nendupa hempḛr kahe allo Pinii Tamoka.

METHU 18:7

Aya hiila hembido dohadolo mi ingyamiigya dopaka tenkalarka niimi! Niimpalukoda tenkalarka ahniiñ ahkiñdo, hojalo aiya la hembido huko hokiina tenkalarka hii ahdonii!

LUK KA AYAPUYU 17:1

Ho mo lutii mohka henjeajiñ atañmi, “Ingyamiigya dopaka tenkalarka atañ hii ahkiñ do lodake; hojalo aiya hiila hembido hiimi hukohokiina ahdonii!

MIINIIÑ 20:23

Darii Yajiyallo ka ngiimika pyako niimi kontiisii citi kone abi pattiih tundupa ho herumyanka hii ngiimi kalyala do hiila.

MIINIIÑ 21:11

Ho ngunuko ahbiila mo Pol ka pulye mi lala la ho mo attoh alih la alah nyimi rasu lala, ho lutii, “Hiila ke Darii Yajiyallo ludonii, ‘Si chulipa Jew atañ Jerusalem ho rakiñdo siika pulye ka atohmi miyumi ho Midomiyu atañmi nembi kendo.’”

1 KORINTIA 2:10

Pinii ngunumi kakiñ tiiku Yajiyallo lo. Niimpalukoda Yajiyallo kapane hemi medu, Pinii ka urañ mi lohepa.

1 KORINTIA 11:19

nunuka punkoho khiingu khiire hii do niimpalukoda hutiina aya donii nunuka punkoho hiimi kala dupa hiila.

JEMS 3:15

Siika chila si ayoh hokii tomake, hojalo kiiddiapiñ kiike, yajiyallo giimanii, igii kokii ke.