1 TIMOTI 3:2 - NITI GONTU N.T. (BSI)

² Siisi bisop pahañhanko sanii giikiñma, mihie koneka millo, hendi-niikiñdo, dadimiiri, hendimiidi, Hapumibya, lukolanii sariipa lyikiñdo,

1 TIMOTI 3:2 ပူးပေါင်းရင်းမြစ်များ

2 TIMOTI 2:24

ho Attoh ka miira atañ gasupasu kemake hojalo kone abimi helakala kendo, denki tonsḛrbo pa lyikiñdo, pigiibiidola,

ROM MIKA POL KA SIITI KENIIÑ 12:13

Bibo tolya piniimiyu atañka anna ho, nyibo ahnii atañmi helakala tolya.

1 TIMOTI 5:9

Hiimie konepa khiitolya mo matiirḛ nyang alyañkhe anyañmi akha yala lyilyi milo, millo kone kontii ka mihie pa dutii milo;

1 PITAR 4:9

Hapumibya mi kiirañ miitolya kone anyañ mi ahiare siimapa.

1 PITAR 5:8

Hendi tolya, kadila duto. Nunuka ahha-banii igii gyaduñla dake patii gyuniiñ hiilyañ, meduñla hu kone mijalo diidupa hiila.

HIBRU 13:2

Nyibo mika hapumibya sanii mi byalya yo, niimpalukoda tonge hiila miibii dola miidopopi miilañmi chimapa miihoke.

TAITAS 2:2

Abañ yami yarto hendito hiila, uroheniiñ, dadimiiri, aya henje niikiñdo, hensuniiho, ranttiniiho.

PILIPIA 2:15

niimpalukoda nunumi pahañhansa ho lusagiima dopa, Pinii ka oho atañ hang haliisanii giilyayo siika sulyi ho lulyilume santuñ ka punko so, huka punko hona nunu hutoh chikañ byohu donii dohadolo so,

1 PITAR 4:7

Hikha drih atañka kamikalo hii tunii dokuke; hopa hendila ho hendḛrla dato nunuka kuna naniipa.

HIBRU 3:14

Niimpalukoda ngunu Kristo ko tache siidu, ngunu matiirḛ ngunuka kapyo daka hatii mi abyu mapa gabii tola dokoda kamikalo lohe,

1 TIMOTI 4:3

huna mihie millo lasu niimi lutiñ donii ho diigotango diisanii tange mi diiyo ludonii nii mina Pinii puliñ tiinii hiimi payapacho hiibii dola ka larii saniiñmi huna henje donii ho jijemi chindonii.

LUK KA AYAPUYU 1:6

Ho mo anye anyeru Pinii kata ho denkitii, Pinii ka hikha luniiñmi takho mapa ho pahañ halii komapa santii.

LUK KA AYAPUYU 2:36

Ho nyimii nyibuhenii kone dutii, Anna, Phanuel ka oho, Asher ka halu hokii; mo hempḛr akha tiiku, mohka millo agiñho nyañkanuhe sii mohka millo imma raho hokii dubo siitiinii,

1 TIMOTI 3:8

Deakon atañ tiirḛ hendi nyakiñdo, allyosonye giikiñma, roalha mi abupa diigetange kema, doyapa hiila diibuñ kema;

1 TIMOTI 3:12

Deakon atañ mihie kone kontii ka millopa lyikiñdo, ho mohluka oho atañ la uru atañmi aya pa kabii kendo;

1 TIMOTI 5:10

ho mo mohka aya miigo miiniiñ mika luta nangko laka dunii, kone huna wiinga aso sucha tiinii, helakala mi kakiñla, piniimiyu atañka alih harbinii, pamyotakho giinii atañ mika hempyo miipanii, ho atoh mi kapane aya miigo hoka henga laka miinii.

1 TIMOTI 5:22

Nyibyaloda alah tenchala tiiliila miilyayo, miyu kone ingyamiigya laka miiko ho miibo lyayo; atohmi dariipa atii siito lya.