1 TIMOTI 3:1 - NITI GONTU N.T. (BSI)

¹ Luniiñsi jije: Hu jalo pa matiirḛ bisop pa lyinala hendo, mo khiiniiñ miigomi miipa hendo.

1 TIMOTI 3:1 ပူးပေါင်းရင်းမြစ်များ

TAITAS 1:7

Bisop pakoda, Pinii kiimi ka kalya biniipa, pahañhansa giikiñma loda; mo hentii siikiñma malo ohepada hadii niikiñma malo ow taniikema malo pasugasu niikiñma malo paser miiliñ biidupa hiila chahi niikiñma,

MIINIIÑ 20:28

Nunu attohpa hendi nyatolya ho hikha subuñ atañmi, nunumi Darii Yajiyallo mohlumi kabii niipa miitii, Pinii ka gyoliñkonii atañmi kage niipa humina mo mohka attoh Oho ka ai lo riitii nii.

1 PITAR 5:2

Pinii ka subuñatañ mi kabii tolya nunumika kabii dopaka biniiñ mi, miinamapa miite mapa hojalo miinabiidola miito, hiinyañmohi ka paser miiliñ biichi hiila mapa hojalo miinala hembiidola miitolya,

1 TIMOTI 1:15

Luniiñsi jije ho khiiniiñ poteje talii mondopa giido, Kristo Jisu dohadolo so ahtii ingyamiigyanii atañmi lyangur dupa hiila. Ho ngo ingyamiigyanii atañ hopa koda akhoja;

1 PITAR 2:25

Niimpalukoda nunu ngonyane subuñ chitañ, hojalo siisi subuñ sorniiko ahku doku ho nunuka yallo mika Kabii boko.

HIBRU 12:15

Hendi nyatolya kone mitrḛ Pinii ka aroh-aya mi larii mapa lyike nelyayo; niimpalukoda hang “kochi ka liima” saliñ madopa ho ahiare mi lingii madopa, ho siika silo abuje miibḛr konya da;

2 TIMOTI 2:11

Luniiñsi jije: Ngunu matiirḛ mo agiñho shiibo tiikoda, ngunu mo agiñho sambo kendo;

1 TIMOTI 4:9

Luniiñsi jije ho khiiniiñpa lyido hikha taliimondopa.

PILIPIA 1:1

Pol la Timoti, Kristo Jisu ka miira kokii, Hikha piniimiyu atañ Kristo Jisu ko hutiina Pilipi ho dunii, bisop la deakon atañ agiñho:

LUK KA AYAPUYU 15:10

Hiichulipa, ngo nunumi lukoso, Pinii ka miidopopi atañ hempyo du ingyamiigyanii koneka henkur lyikuho,”

TAITAS 3:8

Luniiñsi jije. Ngo hiila hendo niimi siika drih atañ soya miikañ ari miikiñcho, niimpalukoda hutiina Pinii mi henje nyadonii hendi biidola atoh atohmi miilii siidopa aya miigo atañ so; siika atañsi ayalodake ho miijo dokiñ doke miyu atañpa.

IPISIA 4:12

piniimiyu atañmi miigo miilananiiñ mi giike nendupa hiila, niimpalukoda Kristo ka apomi pencha naniiñpa,

MIINIIÑ 1:20

Hiila ketola do Assañbiisie ka kheta ho, Mohka duko mi jirara doke nento, ho hiikaho kone mitrḛ sanke neyo; ho Mohka duko mi mih kone yami dusi kiineto .

1 PITAR 4:15

Hojalo nunu kone tiirḛ heru helya yo miyu menniibo hiilyañ, malo diipyonii hiilyañ, malo miigyanii hiilyañ, malo gollumisu miinii hiilyañ;

1 TESOLONIA 5:14

Ho ngunu nunumi haro lupadu, anubarmii atañ, assumiyu mi lulyañ siigii tolya, hame mi haro lupa giito, ajju mi hembyuñto, miilañ jami pigii tolya.

ROM MIKA POL KA SIITI KENIIÑ 11:13

Siisi ngo nunu mike Midomiyu atañ lurii dunii. Nii dahepa ngo Midomiyu koka kiiniñkonii pa lyichi, ngo ngiika miigomi assañ siichi