1 TIMOTI 2:6 - NITI GONTU N.T. (BSI)

⁶ huna atohmi tupya naniipa bisu tiinii miilañrupa, myodumyolo aya jaho pyakotii.

1 TIMOTI 2:6 ပူးပေါင်းရင်းမြစ်များ

METHU 20:28

sichuli miyu ka Oho tiirḛ miiho kopa ahmake miiho dupake ahnii, ho mohka sango mi abuje miyu mi tupya naniipa.”

1 PITAR 3:18

Niimpalukoda Kristo tiirḛ shiibitii ingyamiigyanii kiipa rongepada miilañ rupa, denki mi ingyamiigya kiipa, niimpalukoda mo ngunumi Pinii ko ahgii dupa, asiialyo mi shiike nela la hojalo yajiyallo ho turke nentii;

GELESIA 4:4

Hojalo myodumyolo ka ahje lyikuho, Pinii mohka Oho mi kiiniñ bitii, nyimii lo bukotii, dapo ka ura ho bukotii,

MIHUKAKIÑNIIÑ 1:5

ho Jisu Kristo lotii haki binii boko hokii, shiinii hokiika kapyo japa ka bukonii, ho kiiddiapiñ daka radde atañ mika sangiinii. Mohmi huna ngunumi hendonii ho ngunumi dasḛr miitiiku ngunuka ingyamiigya atañ hokii mohka ai lo

1 JON 4:10

Siika sike hensu nii, hiila ma ngunu Pinii mi hentola hiila hojalo mo ngunumi hentii ho mohka Oho mi kiiniñtii ngunuka ingyamiigya niipa bili bidupa hiila.

TAITAS 2:14

huna mo atohmi ngunupa bisu tiinii ngunumi tupya dukupa hikha kacho hokii ho darii miidupa mohpa mohka atoh miyupa miidupa huna aya miigo atañmi miinala hendo nii.

1 KORINTIA 1:6

Kristo mika pyako nii hiitiirḛ nunuko kapa tiiku

1 TIMOTI 6:15

ho siika siimi myodumyolo aya ho kakiñ kendoke khiiniiñja ho Kayeja bo kontii, radde atañka Radde ho attoh atañka Attoh,

IPISIA 5:2

Ho hensu niiho into, Kristo ka ngunumika henchañho ho atohmi ngunupa bipa siitii, narunempyo binii ho Pinii mi membila.

1 PITAR 2:24

Mo ngunuka ingyamiigya atañmi bapa bitii mohka apo ho pogyañho, niimpalukoda ngunumi ingyamiigya ho shiike nendu kupa ho denki ho sanke nendu kupa. Mohka une giiko hopa nunumi miipya tiiku.

TAITAS 1:3

ho myodu aya mi kabiidola kakiñdu mohka aguñmi tonsḛrkhenyo niilo nii pana ngiimi kahe tiinii Pinii ngunuka Lyangur boka lukoho;

2 KORINTIA 5:21

Niimpalukoda ngunu kiipa mohmi ingyamiigya niipa miitii huna ingyamiigya luniiñ mika chima niimi, niimpalukoda ngunumi Pinii ko denki hiila miidupa hiila.

ROM MIKA POL KA SIITI KENIIÑ 5:6

Ngunu ka ajju laka do ho, shiidi ko jaho Kristo shiibitii piniimika heriimanii atañpa.

JON KA AYAPUYU 10:15

niihtañpa Aba ngiimi chindu ho ngo Aba mi chindu; ho ngo ngiika sango mi subuñ atañpa hempa bidu.

JON KA AYAPUYU 6:51

Ngo turnii yatañke dariiganda hokiika tonii; hujalo siika yatañ siimi matiirḛ diichi, hii ayu dahepa sankiñdo; ho yatañ nii mina ngo bichi nii dohadolo ka sangopa hii ngiika apoke

MAK KA AYAPUYU 10:45

Niimpa Miyu ka Oho miiho kodupa ahmake miiho pake ahnii, ho mohka sango mi abuje miyu atañmi tupya nanii pa bipake ahnii.”

MIHUKAKIÑNIIÑ 5:9

ho mohlu niti biisie sido, lubiidola, “No khiiniiñ pa lyido karkiesiilyo mi lariiniipa ho hiika jhipponiimi miiko dopa, niimpalukoda no menkotii ho niika ai hii miyu atañmi tupya tii Pinii pa halu kone abi hokii ho aguñ ho miyuatañ ho ganda mi,

HIBRU 9:12

mo ronge pada hikha rupa Darii Lengo ho ahtii, siibiñ la siih atu nyika ai biito lamapa hojalo mohka atoh ai mi, hiilo ayudahepa tupyabiniiñ mi patiiku.

2 TIMOTI 1:8

Hiinyañ yo ngunu Attoh mika pyako saniiñmi, malo ngiimi mohka pattiih tunko bomi, hojalo hembyuñ monto herumi heniiñmi ayapuyu pa Pinii ka harchichikelo,

2 TESOLONIA 1:10

niida mo ahchi hiika allo ho mohka piniimiyu atañko assañ kokiñdo, ho aluñ kendo hikha hutiina henje nyadonii, niimpalukoda nunu ngunuka pyakoniimi henjetii.

ROM MIKA POL KA SIITI KENIIÑ 16:26

hojalo siisi kakiñ doku ho nyibuhenii atañ keniiñho hikha miyu atañmi kakiñ tiiku, shiilamasa nii Pinii ka luniiñ chulipa, agiibitii henje laka luniiñ talii niimi

IPISIA 1:17

ngunuka Atoh Jisu Kristo ka Pinii, tatukatu ka Aba, nunumi chilaniika Yajiyallo bikiñcho ho mohka chiniiñmi kakiñ kencho,

IPISIA 1:7

Mohko ngunumi tupyabiniiñ doku mohka ai lo, ngunuka palleniimi hello kuniiñ, mohka hempḛr aroh-aya doniiñlo

IPISIA 3:5

nii mina chinke nematiinii miyu ka oho atañmi khiibe santuñ ho hiimi siisi kakiñtiiku mohka darii kiiniñkonii atañ la nyibuhenii atañmi Yajiyallo lo;

MAK KA AYAPUYU 1:15

ho lubiido, “Myodu dokuke, ho Pinii ka raddeganda hii tunii dokuke; henkur nyato, ho Ayapuyu mi henje nyato.”

GELESIA 1:4

huna atohmi ngunuka ingyamiigya kopa bisu tiinii ngunumi tupya dupa siilobiilyo ka diimmah myodu sokii, ngunuka Pinii ho Aba ka henju jaho;