1 TIMOTI 2:1 - NITI GONTU N.T. (BSI)

¹ Kappyojapa, hokoda, ngo yardu hiika tiiliibiniiñ atañmi, kuniiñ atañmi, Kubiniiñ atañmi, ho payapacho hiila luto hikha miyu atañpa,

1 TIMOTI 2:1 ပူးပေါင်းရင်းမြစ်များ

2 TESOLONIA 1:3

Ngunu nunupa kiirañ Pinii mi payapacho ludopa loda lyido, anubarmii atañ, si miisa niisuta, niimpalukoda nunuka henje hempḛr uropa sanchala do, ho nunuka hensunii kone anyañ paka heniiñ hii abuyayado.

JEMS 5:16

Hopa nunuka ingyamiigya niimi kone anyañ khako siitoku, ho kone anyañpa kuto, niimpalukoda nunu miipya kodupa. Denki miyu ka kuniiñ ho anouro harchichike giidoke hiimi miipya naniipa.

IPISIA 5:20

kiirañ ho kapane drihpa payapacho luto Attoh Jisu Kristo ka armyañ pa Pinii Aba mi.

2 TIMOTI 2:24

ho Attoh ka miira atañ gasupasu kemake hojalo kone abimi helakala kendo, denki tonsḛrbo pa lyikiñdo, pigiibiidola,

1 TIMOTI 2:4

huna hikha miyu atañmi lyangur kiine nandonii ho ahke nenala hendonii jije ka chiniiñho.

PILIPIA 1:3

Ngo ngiika Pinii mi payapacho ludu hikha nunumika ngiika hempa lyiho,

HIBRU 6:11

Ho ngunu hendo nunu kone abimi siika heniiñ ahiñ jami giikiñcho hendḛr rila hentiñ naniiñ ka hemme biniiñ mi kamikalo lohepa,

TAITAS 3:2

kone mitrḛ diimmah aguñ lubi yayo, gasupasu mi apatolya, yanu tolya, ho kakiñ tolya digoabiaya yanuyamya mi hikha miyu atañmi.

TAITAS 2:11

Niimpalukoda Pinii ka aroh-aya hii ahtii hikha miyu atañka sangopyako pa,

1 TIMOTI 5:5

Mo huna jije hiimie nii, ho mohmi kontii apa tiikunii, Pinii mi hentiñ la dunii ho miikañ ari miila dunii tiilii biniiñho la kuniiñho allo ayoh karmyañmi;

1 KORINTIA 15:3

Niimpalukoda ngo nunumi bibiilyi kapyo japa khiila nii mina ngo larii tiinii, Kristo ngunuka ingyamiigyanii atañpa siibi tii piniipota ka keniiñ chulipa,

MIINIIÑ 17:30

Henchiñ mapa ka myodu mi Pinii kagotii, hojalo siisi mo hikha miyu atañmi kapane hokiimi henkur tote hiila ludo,

1 TESOLONIA 3:12

ho Attoh nunumi abuyaya ho poteje koneanyañ mika hensuniimi dopa miine do ho hikha miyu atañmi, niihtañpa ngunu nunumi hendu,

ROM MIKA POL KA SIITI KENIIÑ 6:17

Hojalo Pinii mi payapacho lusa, niimpalukoda nunu huna ronge ingyamiigya ka miirapa danenii, ahha jijelo luniiñtanii bopa lyidoku tonsḛr nii chulipa nii mina nunu tapa tiiku nii,

ROM MIKA POL KA SIITI KENIIÑ 1:8

Kappyopa, ngo Pinii mi payapacho lulyi Jisu Kristo mi luta nala nunu miilañrupa, niimpalukoda nunuka henjemi hikha dohadolo so gyukotii.

2 KORINTIA 8:6

Hiichulipa ngunu Taitas mi yartii no siimi miiri biitii, no hiira miipe giito mohluka punkoho siika khiiniiñ miigo siimi.

IPISIA 3:13

Hopa ngo nunumi luchi iche hetrḛ ahha hameyo niihna ngo nunupa heru bida nii, hiikahii nunuka tatukatu pake.

IPISIA 6:18

Kiirañ kuto lya Yajiyallo ho, hikha kuniiñ ho arohtapa paka kuniiñ agiñho. Kami lyihepa pigii biidola alḛrpa datolya, hikha piniimiyu atañpa arohtapa kubi tolyo,

PILIPIA 4:6

Hang hena yo kapane drihpa, hojalo kuniiñ mi kapane drihpa kuto ho tiiliibito payapacho hiibii dola nunuka lyarniiñ mi Pinii mi chinke nento.