1 TIMOTI 1:9 - NITI GONTU N.T. (BSI)

⁹ siika siimi chinto, dapo si parda miyu pa miitola atii make hojalo diimmah ho luniiñtama niipa, piniimika henjemaniipa ho ingyamiigyanii atañpa, kacho ho luhoniiñ atañpa, aba atañ mika menii atañpa ho annii atañ mika menii atañpa, miyu menii atañpa,

1 TIMOTI 1:9 ပူးပေါင်းရင်းမြစ်များ

GELESIA 3:19

Niimpa hokoda dapo? Siika siimi agyo liitii niimpalukoda ingyamiigya niikiipa, ohoasi ka ahmiñayiñ menda hemi humina hemme bitii nii; ho hiika hiimi miidopopi mi punko luniiñ pa atii biidola kaheliñtii.

1 PITAR 4:18

Ho “Denki miyu hiiya gagḛrpala lyangur kodo koda, piniimika khiimanii ho ingyamiigyanii atañ ada nii lyine sayu?”

ROM MIKA POL KA SIITI KENIIÑ 5:20

Dapo hii ahtii, palle nii atañmi abu yake nendupa; hojalo nohna ingyamiigya hii abuyaya talyinii, aroh-aya hii abuyaya dori kendo,

GELESIA 5:23

ahhakeyiñ, hendimiidi; siika atañmi chekhola hang dapo nyima.

TAITAS 3:3

Niimpalukoda ngunu atoh tiirḛ ronge piicha toke, luniiñtamato, ngola dato, abuje helyihembyo la hempyo soniiñ ka miirapa lyito, ngunuka sango mi kanamapa ho kariñsiila ka miiniiñho santo, miyu atañlo kahu kola ho kone anyañmi kahu siila;

ROM MIKA POL KA SIITI KENIIÑ 6:14

Niimpalukoda ingyamiigya hii nunumi domiñ biila keñku make, niimpalukoda nunu dapo ka ura ho nyiku make hojalo aroh-aya ka ura hoke.

ROM MIKA POL KA SIITI KENIIÑ 1:30

nipanii, Pinii mika kahunii, lujutaru, hengiñhentii siiniiñ, hentiisiila luniiñ, diimmah mika miiliñnii, annii-aba luniiñ tamanii,

MIHUKAKIÑNIIÑ 22:15

Ago ho danyada akie atañ ho ashumiinii atañ ho datuapu punii atañ ho miyu menii atañ ho puchiniimi ka heriinii atañ, ho kone abi hutiina hembyo nyadonii ho miinyadonii amuhdrih atañmi.

MIHUKAKIÑNIIÑ 21:8

Hojalo biiso bopa, henje giima bopa, miibḛrmiilyi koniibopa, miyu menii atañpa, datuapu punii atañpa, ashumiinii atañpa, puchiniimika heriinii atañpa, ho hikha gollubo atañpa, mohluka dusa kohii siimie hoke nohna lyala donii yamu la sulphur nyi, hiikahii ronye niipaka shiitiniiñ.”

TAITAS 1:16

Mohlu Pinii mi chindo hiila lusudo, hojalo mohlu mapado mohluka miiniiñluniiñ miijulo; mohlu kana tanañmaniiñ, luniiñtama niike, hang aya miigo miina naniiñpa piigoamanii.

1 PITAR 3:20

huna kapyo ho luniiñ tamatiinii, Pinii pigiila kalyatii Noah ka myoduho, yasie jaji kahe mika pula dolyi ho, hiikoho hempḛr lama pasu, hiika hii, midiñpinye mi, lyangurtii yasie lo.

HIBRU 11:31

Henjelo Rahab pfyoaridiisuniibo lyumatii hiika atañ agiñho hutiina luniiñ tama tiinii, niimpalukoda mo hemihenja karii katañ tii ruha laka ahnii atañmi.

2 TESOLONIA 2:8

Ho diimmah kone mi kakiñ kendoku, ho Attoh Jisu menkiñdo mohmi mohka aguñ ka saniiñlo ho mohmi pyadu lokiñdo mohka kapakola ho ahlyikuho.

ROM MIKA POL KA SIITI KENIIÑ 4:13

Abraham la mohka ohoasi atañ paka hemme nii, mohlumi dohadolo mi pendu pa hiila, dapo kiipa amatii hojalo henje ka denki kiipa.

METHU 10:21

Anu abañ anya hii shiigo ubuho tiilii siikiñdo, ho aba hii mohka wiinga mi, ho wiinga atañ annii-aba mi chekho rikiñdo ho mohlumi siido pa miikiñdo;

1 PITAR 2:7

Nunupa hiikohopa hutiina henje nyadonii, mo khiiniiñ ke, hojalo hutiina henje nyamanii, “Hiika yalañ jahii nii mina udepeniibo khiipa tiikunii hiikahii khonchañ daka rali japa lyido,”

HIBRU 12:16

kone mitrḛ kalyikabyo malo Isau kii hiilyañ piniihenju mi heriimanii pa dake neyo, huna apiñ purepa pyudo siibii donii mohka oho abañ hiila khiiko saniiñmi.

GELESIA 5:21

kariñ, ow tangiinii, tangiitola hagopaka soniiñ, ho hii chulipaka miinii. Ngo nunumi luluñ lyike, kapyo hoka luluñ luchañ ho, hutiina sitañ drih atañmi miido nii Pinii ka raddeganda mi pensi kokiñma.

GELESIA 5:18

Hojalo nunu matiirḛ Yajiyallo lo ingii kodo koda nunu dapo ka ura ho damake.

1 TIMOTI 4:7

Piigo amanii piniiheriimanii ho jijemanii agiñho hang miilyayo. Atohmi piniisanju ho sandopa miinyo tolya;

1 TIMOTI 6:20

O Timoti, kabiito nii mina niimi kabiitote hiila bitiinii. Apa-ayato piigo ama khaniiñ paniiñ bomi ho niihna chekhola ludonii amuhpa chiniike hiila,

2 TIMOTI 2:16

Piniihenje manii chenii kokii dasa giitolya, niimpalukoda hii miyu atañmi uro yaya piniihenju mako ingii kendoke,

2 TIMOTI 3:2

Niimpalukoda miyuatañ atohmi hensu kendo, tiicko hembyo kendo, hentii, hentiisiinii, lujutaru, annii-aba atañka luniiñ tamanii, payapacho hiila hemanii, dariimanii,

TAITAS 1:6

hujalo matiirḛ pahañhansa giima, mihie ako ka millo, mohka wiinga atañ henje niimilo ho piigoama miinii malo luniiñ tamanii mamilo.

TAITAS 1:10

Niimpalukoda abuje luniiñ tamanii miyu da, lusu ara luniiñ ho talubalonii, luchila mitupipakoniiñ atañ;

JUD KA SIITI KENIIÑ 1:15

miilañrumi ayakacho kadupa, ho haliidupa hikha piniihenjumanii heniiñ atañmi hikha mohluka piniihenjumanii hoka miiniiñmi nii mina mohlu miinya tiinii piniihenju manii lembo ho, ho hikha herugiinii drih atañ nii mina piniihenjumanii atañ mohmi chekhola lutiinii.”