1 TIMOTI 1:3 - NITI GONTU N.T. (BSI)

³ Ngiika niimika yarnii hiilyañpa ngiika Masedonia hoka bopa miilyiho, Ipisia ho dutolya niimpalukoda no miyu tonge mi khiibe tonsḛrkhenyo mi tonsḛr yo hiila ludupa,

1 TIMOTI 1:3 ပူးပေါင်းရင်းမြစ်များ

1 TIMOTI 6:3

Hu konejalopa matiirḛ tonsḛrdonii yoheya ho taliimomapa ngunuka Attoh Jisu Kristo ka aguñ atañ agiñho ho tonsḛrnii piniisanju ho,

2 JON 1:7

Niimpalukoda abuje gollunii dohadolo so linya neke, miyuatañ hutiina talii nyamanii Jisu Kristo ka asiialyo hoka ahniiñmi; sitañ lunii kone hiike gollunii ho kristokamabo.

1 TIMOTI 4:11

Luto ho tonsḛrto siika drih atañmi.

1 TIMOTI 4:6

No matiirḛ siika lukoniisi mi anubarmii atañka hataho atii bidokoda, no denki miiho niipa lyikiñdo Kristo Jisu ko, hokotii henje ka aguñ atañlo ho aya tonsḛrniimi nii mina no imbomondonii.

MIHUKAKIÑNIIÑ 2:20

Hojalo ngo siika sipake hadii donii nunumi, niimpalukoda nunu pigiido annii akha Jezebel mi, huna atohmi nyimii nyibuhenii hiila lusudonii ho tonsḛr donii ho ngiika miira atañmi anyoh giila helyihembyo miiniiñmi miigii donii ho diigo diigii donii puchinii atañ mika membi niimi.

MIHUKAKIÑNIIÑ 2:14

Hojalo ngiiko drih tongedo nii pana nunumi hadii donii: nunuko tongeda huna tadonii Balam ka tonsḛr niimi, huna tonsḛr tiinii Balak mi miitiñ tote hiila Isrel ka oho atañka hataho, niimpalukoda mohlumi diike nendupa diigo nii mina puchi niimi membi tiinii ho helyihembyo miijumi miike nendupa.

1 TIMOTI 6:17

Siika dohadolo soka mingo pakoda, luto mohlumi hentii siiyo hiila, malo mohluka hentiñ lasamanii ka mingo mi hentiñ nayo hojalo Pinii miya huna kapane drihmi ngunumi bitiinii hempyo biike nendupa.

1 TIMOTI 6:10

Niimpalukoda tiicko mika hembyoniiñ amane diimmah ka liima pa lyido; siimika hembyo kopa tonge henje hokii ngonyaneku ho mohluka ahha mi abuje heru miipa siinyada.

1 TIMOTI 5:7

Siimi luto, niimpalukoda mohlumi hang sarpasaniiñ giimadopa.

PILIPIA 2:24

ho ngo Attoh mi henjedo ngotiirḛ nyibya loda rongkoda ahbo monto diike.

IPISIA 4:14

niimpalukoda ngunu himme pa lyikiñ kuma, tiihii tiikhe puduñ biikola kapane tonsḛr niika allyi lo, surudonyo miyu atañlo, mohluka lyolyichochi gollumisu lujubenju lo.

MIINIIÑ 18:19

Ho mohlu Ipisia ho ahtii, ho mo mohlumi hiiko apatii; hojalo mo mohkontii sinagog ho intii ho Jew atañmi cheriitii.

MIINIIÑ 18:21

hojalo mohlumi ilepa miibii dola mo lutii, “Ngo nunuko ahkur talyike Pinii matiirḛ helyi milo,” ho mo Ipisia hokii khoritii.

ROM MIKA POL KA SIITI KENIIÑ 15:26

Niimpalukoda Masedonia la Akaia nyi hempyo biidola bibyuñ tii arro atañmi piniimiyu atañka punko Jerusalem hoka dunii atañpa;

ROM MIKA POL KA SIITI KENIIÑ 16:17

Ngo yarlyi ke nunumi, anubarmii atañ, hendi nyatolya hiika kokii hutiina luku luche ho ahiare miipa donii, nunu mika lukonii hokii chekho laka lunii atañmi; mohlumi adhopa atii tolya.

2 KORINTIA 11:4

Niimpalukoda mi kone matiirḛ ahbiila ho ngunuka tonsḛrkhenyo nii hokii Koneya Jisu mi tonsḛrkhenyo dokoda, malo nunu matiirḛ koneya yajiyallo mi larii dokoda nunuka kone lakunii hokii, malo nunu matiirḛ ponsa ya aya puyu mi talii mondo koda nunuka talii kuniiñ hokii, nunu siimi talii tiiku khepa.

2 TIMOTI 1:18

Attoh mohmi aroh mi kapa dopa bikiñcho Attoh kokii hiika Allo ho-ho no hempḛr ayapa chindo hikha miigomiiniiñmi mohka Ipisia hoka miiniiñmi.