1 TIMOTI 1:16 - NITI GONTU N.T. (BSI)

¹⁶ hojalo ngo aroh mi patiiku siika piigopa, niimpalukoda ngo, akhojalyinii, Jisu Kristo mohka digoabiaya pigiiniimi kakiñ ladopa katiñ naniipa hiika atañpa hutiina mohmi henje kendonii santḛrlamanii sango pa.

1 TIMOTI 1:16 ပူးပေါင်းရင်းမြစ်များ

1 TIMOTI 1:13

kapyo ho ngo mohmi nipakoya la ho miihimiire la ho nyapakoya la miisutiijalo; hojalo ngo aroh mi patiiku niimpalukoda ngo chimapa miito henje mapa,

IPISIA 2:7

niimpalukoda ahlyi niika santuñ ho mohka khiikolamanii aroh-aya helakala ka mingo mi ngunumi kakiñ dupa Kristo Jisu ko.

LUK KA AYAPUYU 7:47

Hopa ngo lukoso niimi, mohka ingyamiigyanii atañ, hempḛr abu, hiimi hello bitiiku, niimpalukoda mo uroyapa hentii; hojalo huna lamapa hello kotiinii, lama pasu hensu dunii.”

2 PITAR 3:15

Ho Attoh ka yanu paka kalya niimi sangopyako paya khiito. Hopa ngunuka heniiñja anu Pol tiirḛ nunumi ketii mohmika chila biniiñlo,

2 PITAR 3:9

Attoh mohka hemme nii piigo ho haso make tonge hasodo hiila lusu dono, hojalo nunupa mo kalya lake dunii, kone mitrḛ lyuke nena mapa, hojalo miilañrumi henkur kiine nala.

1 PITAR 3:20

huna kapyo ho luniiñ tamatiinii, Pinii pigiila kalyatii Noah ka myoduho, yasie jaji kahe mika pula dolyi ho, hiikoho hempḛr lama pasu, hiika hii, midiñpinye mi, lyangurtii yasie lo.

JON KA AYAPUYU 20:31

hojalo siika atañ siimi ka keniiñsi nunumi Jisu hii Kristo hiila henje kiine dupa, Pinii ka Oho, ho henje biidola nunumi sango kapa kiine dupa mohka armyañ pa.

JON KA AYAPUYU 3:36

Hii huna Oho mi henje donii hiiko santḛrlamanii sango hii doku; hii huna Oho ka luniiñmi tamanii hii sango mi kappa kema, hojalo Pinii ka hadii hii mohko dokañ doku.

ROM MIKA POL KA SIITI KENIIÑ 6:23

Niimpalukoda ingyamiigya ka miijo shiigo ke, hojalo Pinii ka binyo paka ahmiñayiñ biniiñ hii santḛrlamanii sango ke Kristo Jisu ngunuka Attoh.

MIINIIÑ 13:39

ho mo kiilo kone abi huna henje nyadonii kapane drih hokii tupya konyada nii mina nunu Mose ka dapo lo tupya kola matiinii.

JON KA AYAPUYU 6:54

hii huna ngiika apomi diidonii ho ngiika ai mi tandonii hiiko santḛrlamanii sango do, ho ngo mohmi kami allo ho seri talyi.

JON KA AYAPUYU 6:40

Niimpalukoda siikasi ngiika Aba ka heniiñ, koneabi huna Oho mi kapa lala ho mohmi henje talyi nii hiiko santḛrlamanii sango dopa; ho ngo hiimi kami allo ho seri talyiku.”

HIBRU 7:25

Hiiko hopa mo hikha myodu ho mohlumi lyangur latii hutiina Pinii ka aruñho ahde tiinii mohko ahbiila, niimpalukoda mo kiirañ turla da mohlupa kubi dupa.

2 TESOLONIA 1:10

niida mo ahchi hiika allo ho mohka piniimiyu atañko assañ kokiñdo, ho aluñ kendo hikha hutiina henje nyadonii, niimpalukoda nunu ngunuka pyakoniimi henjetii.

IPISIA 1:12

ngunu hutiina kapyopa Kristo ko hentiñ giitiinii bardiñ bitii ho kahetii sando pa mohka tatukatu mi assañ nanii pa.

IPISIA 1:6

mohka tatukatu aroh-aya mika assañ naniipa nii mina mo danyo loda pa ngunumi bitii nii heniiñjapa.

2 KORINTIA 4:1

Hopa, Pinii ka aroh kopa siika miigo siimi biidola, ngunu ahha mi hame masa.

ROM MIKA POL KA SIITI KENIIÑ 15:4

Niimpalukoda bilo allo hoka keniiñ hii ngunu mika tonsḛr naniiñ pake ketiinii, hiilo ranttiniiñ ho piniipota loka haro lupa niilo ngunu ko hentiñ naniiñ doke nendupa.

JON KA AYAPUYU 6:37

Hikha Aba ka ngiimika biniiñhii ngiiko ahkiñdo; ho huna ngiiko ahdonii ngo hiimi mompa tama.

JON KA AYAPUYU 5:24

Jijeloda, jijeloda, ngo nunumi lukoso, hii huna ngiika aguñmi tadonii ho mohmi henje donii ngiimika kiiniñ bomi, mohko santḛrlamanii sango do; mo ayakacho kako ahkiñma, hojalo shiigo mi impo biila sango ho daku.

LUK KA AYAPUYU 23:43

Ho mo mohmi lutii, “Jijeloda, ngo niimi lukoso, siilo no ngiika agiñho Diilyañdiiloganda ho chabo kendoke.”

LUK KA AYAPUYU 15:10

Hiichulipa, ngo nunumi lukoso, Pinii ka miidopopi atañ hempyo du ingyamiigyanii koneka henkur lyikuho,”

1 KORINTIA 7:25

Siisi mihie millo biima ranii ka piigomi, Ngiiko Attoh ka lutolya hiila ka luniiñ nyimasii, hojalo ngo ngiika heniiñmi ludu humina Attoh ka aroh lo henje taje ladopa bitii nii.