1 PITAR 5:8 - NITI GONTU N.T. (BSI)

⁸ Hendi tolya, kadila duto. Nunuka ahha-banii igii gyaduñla dake patii gyuniiñ hiilyañ, meduñla hu kone mijalo diidupa hiila.

1 PITAR 5:8 ပူးပေါင်းရင်းမြစ်များ

IPISIA 6:11

Hikha Pinii ka gyambo panananii dankho panyi mi giito, niimpalukoda nunu igii ka miikiñcho hiila ka heniiñmi datrḛ siidupa.

JEMS 4:7

Atohmi Pinii ko tiilii siibito. Miitḛr siito igiimi ho mo nunu kokii hargii kendoke.

IPISIA 4:27

ho igii mi myodu myolo bilya yo.

1 PITAR 1:13

Hopa hendi nyato nunuka henju mi, hendḛr nyato, nunuka hentiñ naniiñmi apupa aroh-aya ho atii biito nunukoka ahsanii hii hiikahii Jisu Kristo mika kakiñ lyikuho.

1 PITAR 4:7

Hikha drih atañka kamikalo hii tunii dokuke; hopa hendila ho hendḛrla dato nunuka kuna naniipa.

LUK KA AYAPUYU 21:36

Hojalo hikha myodu mi katolya, kula dotolya nunuko alḛr dopa hikha siika drih lyiniiñ atañ hokii impo biila dopa, ho miyu ka Oho ka hataho dala dopa.”

LUK KA AYAPUYU 22:31

“Saimon, Saimon, kato, Saitan niimi biichi hiila lula doke, niimpalukoda mo niimi kapa lindupa amo chitañ,

TAITAS 2:12

ngunumi miinyolunyo giitii henje maniiñmi apato ho dohadolo ka helyihembyo atañmi, ho hendimiidipa santo hiila, lotii, ho piniihenju jaho santo hiila siika dohadolo so,

MIHUKAKIÑNIIÑ 12:12

Hopa hempyoto, O dariiganda ho nunu hiiko hoka dunii atañ! Hojalo aiya hiila nunumi hembido, O kiiddiapiñ la siimie nyimi, niimpalukoda igii hii nunuko tone hempḛr uro hadii mi ahgii la, niimpalukoda mo chindo mohka myodu tunii doku hiila!”

JON KA AYAPUYU 8:44

Nunu nunuka aba igii kokii, ho nunuka heniiñ hii nunu aba ka henko ho miichi hiila. Mo lotu jaho hokii miyumenii, ho jije agiñho hang miisa nyimake, niimpalukoda mohko hang jije giima. Mohka amuh lyiho, mo ludu mohka atoh henju jaho, niimpalukoda mo gollunii ho golluka aba.

METHU 13:39

ho ahha-banii, hiimika lilobo igii ke; amoo pidu myodu luniiñsi nyantḛr anyañ ke, ho pihnii atañ miidopopi atañ ke.

MIHUKAKIÑNIIÑ 12:9

Ho hempḛr kahe tabu mi ripa limbiido, hiika ayuhoka tabu mi, humina Igii ho Saitan hiila myantiinii, hikha dohadolo mika talubalobo-mohmi kiiddiapiñ ho jopa lobiido, ho mohka miidopopi atañ miilañmi mohka agiñho jopa lobiido.

METHU 24:42

Hopa hendila dato, niimpalukoda nunu chimake nii allo ho niika Attoh ahkiñdo.

MIHUKAKIÑNIIÑ 20:10

ho igii huna mohlumi talubalo biinenii yamu ka siimie ho jopa liibiine ho sulphur ho nohna achu-amyo la amuh nyibuhenii dunii, ho mohlu henga henkha hela dokiñdo allo ayoh dadumi ayu dahepa.

LUK KA AYAPUYU 21:34

“Hojalo nunu attoh pa henditolya, hiila makoda nunuka ahha atañ hame rikiñ doke diigo la tango ho siika sango mika henaho, ho hiika allo hii nunuko aluñpada ke ahkiñ donii;

TAITAS 1:8

hojalo hapumibya kendo, aya mika heminii, atoh mika miilyañ siiniiñ, lotii, darii, ho hendi-miidi niikiñdo;

2 TIMOTI 4:17

Hojalo Attoh ngiika agiñho dabo, ho ngiimi tamo mi bihii puyu mi aya loda luko dopa, niimpalukoda hikha Midomiyu atañmi siimi tadopa. Hopa ngiimi patii ka aguñ hokii papya tiiku.

TAITAS 2:6

Hiichulipa anuya milobomi tiirḛ yarto atohmi pigii siinya tote hiila.

TAITAS 2:2

Abañ yami yarto hendito hiila, uroheniiñ, dadimiiri, aya henje niikiñdo, hensuniiho, ranttiniiho.

1 TIMOTI 2:15

Hojalo nyimii atañmi lyangur kendo himmeoho buniiñlo, mo matiirḛ biikañ dokoda henjeho ho hensuniiho ho dariiho, miijuluju aya agiñho.

MIHUKAKIÑNIIÑ 20:2

Ho mo tabu mi latu biine, hiika ayuhoka tabu mi, huna igii ho saitan nii, ho mohmi ratola atiibiine anyañ nyang jarepa,

TAITAS 2:4

ho nyimuñ annii akha mi miinyo lunyo giito niitañpana atoh ka millo la wiinga mi henkiñ donii hiila,

1 TIMOTI 3:11

Nyimii atañ tiirḛ hendi nyakiñdo, nipakoyakema, hojalo hendi-niikiñdo, hikha drih atañ ho lotii kendo.

1 TIMOTI 2:9

hiichulipa nyimii atañ tiirḛ gujuaya ho mohlu giikiñcho ho giichañho, adiñmi kagoahupa giiyo malo rupuayyiñ malo tassañtayiñ malo khiiniiñ abitarii hokii mapa

METHU 4:1

Hiika hiibaho Jisu mi yajiyallo hii zabyo ho ingiitii igii mi tenkalarka kiine dupa.

1 TIMOTI 3:2

Siisi bisop pahañhanko sanii giikiñma, mihie koneka millo, hendi-niikiñdo, dadimiiri, hendimiidi, Hapumibya, lukolanii sariipa lyikiñdo,

METHU 25:41

Hiika hiiba ho mo lukiñdo mohka lahchi dalyi hoka danii atañmi, Ngiiko hokii insa nyato, nunu bekonii atañ, yamu lyame lama lyako ho igii la mohka miidopopi atañ paka miimyo tola doko;

METHU 4:11

Ho igii mohmi apa tela intiiku, ho kato, miidopopi atañ ahbiila ho mohmi kalyañ tiiku.

MAK KA AYAPUYU 4:15

Ho siika atañ sinya lembo hoka lilo niiñ, nohna aguñmi lilo tiinii; mohlu tapa dalyi, saitan ohepada ahla ho aguñmi lara biidado mohluko hoka lilo niimi.

2 KORINTIA 2:11

Saitan mi ngunuko myodu lake nendiila hiila; niimpalukoda ngunu mohka henju atañmi chima miima.

MIHUKAKIÑNIIÑ 12:10

Ho ngo hempḛr goropa aguñ tapato dariiganda ho, lubiidola, “Siisi sangopyako ho harchichike ho ngunuka Pinii ka raddeganda ho mohka Kristo ka otority hii ahdoku, niimpalukoda ngunuka anubarmii mika halii bomi ripa lobii neku, huna mohlumi haliila donenii allo ayohmi Pinii ka hataho.