1 PITAR 4:13 - NITI GONTU N.T. (BSI)

¹³ Hojalo hempyo tolya nunu Kristo ka heru heniiñmi henche mondo hiila, niimpalukoda nunu tiirḛ hempyo mondupa ho hempyoto mohka tatukatu mika kakiñ lyikuho.

1 PITAR 4:13 ပူးပေါင်းရင်းမြစ်များ

ROM MIKA POL KA SIITI KENIIÑ 8:17

ho ngunu matiirḛ wiinga koda, ngunu pensi kosa nii, Pinii kiimi ka penko sanii ho Kristo ahiñpa pensi kosanii, ngunu mo agiñho heru hembodu niimpalukoda mohka tatukatu ho ngunu tiirḛ dubo dupa.

ROM MIKA POL KA SIITI KENIIÑ 5:3

Hiimitiirḛ abuyapa, ngunu hempyodu ngunuka heruhenkoho, chimbiitola heruheniiñ hii pigiilaniiñ mi lingiidu,

PILIPIA 3:10

niimpalukoda ngo mohmi chindupa ho mohka turiturku niika harchichike mi, ho mohka heru mi henche mondupa, mo chuli lyidupa mohka shiiko ho,

2 KORINTIA 1:7

Ngunuka nunupaka hentiñ hii abyumake; niimpalukoda ngunu chindo nunu ngunuka heru henko ho hembo mondo koda, nunu ngunuka henjuñ hotiirḛ hembo monkiñdo.

1 PITAR 5:10

Ho nunu ichuche heru hela lala, hikha aroh-aya ka Pinii, huna nunumi mohka ayudahe tatukatu Kristo ko gyolii tiinii, mo atohloda miilyañ kendo kuke, dodopa miikiñdo, ho alḛrdopa miikiñdo nunumi.

2 KORINTIA 4:10

kiirañ apo ho Jisu ka shiiniiñ mi bagii tola, niimpalukoda Jisu ka sango mi ngunuka apo atañ hotiirḛ kakiñ dupa.

2 TIMOTI 2:12

ngunu matiirḛ pigii dokoda, ngunu mo agiñho sangii monkiñdo; ngunu matiirḛ mohmi mapa dokoda, mo tiirḛ ngunumi mapa kendo;

2 KORINTIA 4:17

Niimpalukoda siika attahepa ka herumyanka hii ngunupa lyula samanii tatukatu mi miimyo bido hiika hii hang khiitiñ lasa manii,

MIINIIÑ 5:41

Ho mohlu bulyañ kokii intiiku, hempyo biidola mohlumi khiitii hiila niimpalukoda khiimanii armyañ pa heru hembi dopa.

MIHUKAKIÑNIIÑ 1:9

Ngo Jon, nunuka anu, huna nunuka agiñho hembo montiinii Jisu ko hentḛrkanyi mi ho raddeganda pa ho yanupa pigii biidola, siilokiiddi Patmos luniiñho ahtii Pinii aguñ kiipa ho Jisu mika pyako kopa.

1 PITAR 5:1

Hopa ngo harolupalyi nunu koka amiabañ atañmi, amiabañ ahiñpa lyilyila ho Kristo ka heruheniiñ ka hakipa hiikahaho ho tatukatu hoka dabo saniiñ nii mina kakiñ kendonii

KOLOSIA 1:24

Siisi ngo hempyodo ngiika nunukiipa ka heru biniiñpa, ho ngiika asiialyoho ngo miipe tiiku niihna miipe mapa donenii Kristo ka achih chibi niiho mohka apo kiipa, hiikahii, gyoliñkonii atañ,

METHU 16:27

Niimpalukoda Miyu ka Oho ahkiñdo mohka miidopopi agiñho mohka Aba ka tatukatu lyiho, ho mo hikha miyu atañmi bikiñdo niihna mohlu miitiinii.

METHU 5:12

Soto ho hempyo to, niimpalukoda niika ahmiñayiñ hii kayeke dariiganda ho, niimpalukoda si chulipa miyuatañ nunumika kapyo yapaka nyibuhenii atañ mitrḛ miihimiiretii.

1 PITAR 1:13

Hopa hendi nyato nunuka henju mi, hendḛr nyato, nunuka hentiñ naniiñmi apupa aroh-aya ho atii biito nunukoka ahsanii hii hiikahii Jisu Kristo mika kakiñ lyikuho.

MIINIIÑ 16:25

Hojalo ayoh liipa ho Pol la Silas nyi kula ho Pinii pa bariebiisie sila dotii, ho patiihude mika kabiibo mo anye mi tala dotii,

METHU 25:34

Ho Radde mohka lahbi dalyi hoka danii atañmi lukiñdo, Ahto, ngiika Aba ka Lyaniiñ atañ, nunupaka dohadolo mika pulyi jaho hokii ka miimyo tola donii raddeganda mi labii heku;

METHU 25:31

Miyu ka Oho ka huda khada ahlyi kuho, ho hikha miidopopi atañka agiñho, mo mohka tatu katu duta naniiñho dukiñdo.

METHU 25:23

Mohka atoh mohmi lutii, Aya miitii, denki ho lotii miira; no eche mitrḛ lotii biida, Ngo niimi abujemi kabii kiine talyi; kiije ahto niika atoh ka hempyo sokoso.

METHU 25:21

Mohka atoh mohmi lutii, Aya miitii, denki ho lotii miira; no eche mitrḛ lotii biida, Ngo niimi abujemi kabii kiine talyi; kiije ahto niika atoh ka hempyo sokoso.

MIHUKAKIÑNIIÑ 1:7

Kato, mo jomiika agiñho ahla do, ho kone abika amee mohmi kapa kendo, hiika atañ lohepa huna mohmi niikhii tiinii; ho hikha kiiddiapiñ daka halugiira atañ heru kendo mohkiipa. Hiipa tiirḛ. Amen.

LUK KA AYAPUYU 17:30

hiichuli kendo allo hii niidana miyu ka Oho kakiñ talyinii.

MAK KA AYAPUYU 8:38

Huna ngiimi ho ngiika aguñpa hiinyañ talyi nii siika gollu misu ho ingyamiigya santuñ so, mohlumi Miyu ka Oho tiirḛ hiinyañ nyansi kendo niidana mo huda khada mohka Aba ko ahchi nii darii miidopopi agiñho.”

ROM MIKA POL KA SIITI KENIIÑ 8:18

Ngo hendo siisika heru heniiñ hang masu khiitiñ nansu dokoda hiika tatukatu agiñho nii mina ngunumi kakiñ kendonii.

2 KORINTIA 1:5

Niimpalukoda ngunu abuje Kristo ka heru henko ho hembo tii, hiichulipa Kristo ko abuje henjuñ mitrḛ hembo kendo.

1 PITAR 2:21

Niimpalukoda siika sipa nunumi gyoliñtii, niimpalukoda Kristo tiirḛ nunupa heru hembi tii, nunupa katiñ naniiñpa apa bibii dola, niimpalukoda nunumi mohka dako ho dabo monke nendupa.

JUD KA SIITI KENIIÑ 1:24

Siisi mohmi huna nunumi huhi saniiñ hokii latu lakiñdonii ho huna nunumi kakiñ lakiñ donii mohka tatukatu ka hataho hang pahañ hansa giima dopa hempyo ka agiñho,