1 PITAR 3:8 - NITI GONTU N.T. (BSI)

⁸ Kamijapa, nunu miilañru, yajiyallo mi konepa giitolya, aroh siila, anubarmii ka hensu henchañho, biinyah ahha lo ho yanu henjulo.

1 PITAR 3:8 ပူးပေါင်းရင်းမြစ်များ

ROM MIKA POL KA SIITI KENIIÑ 12:10

kone anyañ mi anubarmii ka henchañho hensuto; kone anyañ mi khiisu tolya.

1 PITAR 1:22

Nunuka yallomi darii miibii dola nunuka luniiñ talii niilo jijemi, jijeka anubarmii hensu niilo, kone anyañmi hempḛr uropa hensu tolya ahha lo.

IPISIA 4:31

Hikha kochi ho uropakahadii ho hadii ho rukha adunii ho nipasiiniiñ mi nunukokii lapato, hikha kanatana manii agiñho,

JEMS 3:17

Hojalo ayoh hokii ka chila hii kapyo japa darii, hiikahiibaho chimie, yanu, luniiñ taliinii, poteje aroh ho aya ahee atañ, heriñkariñ giima malo lyolyichochi nyima.

IPISIA 4:2

hikha chimeeñ ho yanu, ahhakeyiñ ka agiñho, koneanyañ mi hello siibii dola hensu ho,

KOLOSIA 3:12

Hopa giinyato, Pinii ka kahenii kone hiilyañ, darii ho heniiñja, aroh siiniiñ mi, helakala, chimeeñ, yanu, ho ahhakeyiñ,

1 KORINTIA 12:26

Hakhu kone matiirḛ heru dokoda, hikharu tongepa heru mondo; hakhu kone mi matiirḛ khiido koda, hikharu tongepa hempyo mondu.

METHU 18:33

ho no tiirḛ niika miira dahiñ ahiñ mi aroh bikiñma, niihtañpa ngo niimi arohtii?

1 JON 3:14

Ngunu chindo ngunu shiiniiñ hokii impo biila sango ho daku, niimpalukoda ngunu anubarmii mi hendu. Mo huna hensu manii shiinii ho giige tola do.

1 KORINTIA 1:10

Ngo nunumi lyarlyi ke, anubarmii atañ, ngunuka Attoh Jisu Kristo ka armyañ pa, hikha nunu taliito ho nunuka punkoho chekho siiyo, hojalo nunu tongepa ahha puhe pa giito ho ahiñpa ayakacho mi kato.

MIINIIÑ 4:32

Siisi tongepa hutiina henje nyatii nii mohlu ahha puhepa ho yallo konepa giitii, ho kone hetrḛ hang drih atañ mohlukii mi mohkii hiila lumatii, hojalo mohlu amanehemi buyiñ la biitii.

1 PITAR 5:5

Hiichulipa nunu anubarmii atañ amiabañ ka luniiñ tato. Atoh mi ahgii siinyato, hikha nunu, yanu paka heniiñmi koneanyañ pa, niimpalukoda “Pinii hentii siiniiñmi kamake, hojalo atupaka hensu bomike aroh-aya mi bidunii.”

HIBRU 13:1

Anubarmii pa hensu niimi henka ari hensuto.

2 PITAR 1:7

ho piniisanju agiñho anubarmii hensumyañsu niimi, ho anubarmii hensumyañsu niika agiñho hensu niimi.

1 PITAR 2:17

Hikha miyu atañmi khiito. Hensuto anubarmii hiilyañ. Pinii mi biisoto. Radde mi khiito.

JEMS 5:11

Kato, ngunu mohlumi hempyo hiila gyodu hutiina ranttiniinii. Nunu Job ka rantiniimi tapa tiido, ho nunu Attoh ka piigo mitrḛ kapa tiido, niihtañpa Attoh arohne ho aroh tii.

JEMS 2:13

Niimpalukoda ayakacho kaniiñ ho aroh nyimake huna aroh kakiñ manii; hojalo aroh hii ayakacho kaniiñmi pamiñ doke.

PILIPIA 3:16

Kiije ngunu jijemi kontii biisa nii mina ngunu biido nii.

ROM MIKA POL KA SIITI KENIIÑ 15:5

Hopa Pinii ka ranttiniiñ ho harolupa nii nunumi sanke nenkiñcho sitañpa ahiñpa kone anyañ mi samba siidopa, Kristo Jisu ka agiñho,

MIINIIÑ 28:7

Siisi hiika ganda daka ariapii kiiddi atañ hii hiika siilokiiddi ka miyu akuñ jakiitii, Publius hiila armyañ, mo ngunumi kariikatañ ho sobomola ngunu agiñho allo lohiñhe piiluñsiile la mi.

MIINIIÑ 27:3

Allo lohe yaho ngunu Sidon ho domo; ho Julius Pol mi helakala ne, ho mohmi mohka ajiñ atañ ko miilañ kiiniñlala ho kalyañ kada ne.

MIINIIÑ 2:1

Penticost allo ahku kiile, mohlu hikha duko akoda dukuñ siitii.

LUK KA AYAPUYU 10:33

Hojalo Samarita kone, mo myodi innii, ahtii nohna mo dotiinii; ho mo mohmi kappa lala, mo aroh ritii,

IPISIA 4:32

ho kone anya mi helakala siito, yanuahha lo, kone anyañ mi hello siito, niihtañpa Pinii ko Kristo nunumi hellotii.

PILIPIA 2:3

Hang miilyayo atohpa kontii hensu biidola malo hengiñhentii siibii dola, hojalo yanugiibii dola khiibemiyu mi atohmi kayeyapa khiito lya.