1 PITAR 3:22 - NITI GONTU N.T. (BSI)

²² huna dariiganda ho chatii kunii ho Pinii ka lahbi alah ho dunii, miidopopi atañka agiñho, otority atañ, ho harchichike hii mohka ura hosu dosu donii.

1 PITAR 3:22 ပူးပေါင်းရင်းမြစ်များ

HIBRU 9:24

Niimpalukoda Kristo ahtii, alah loka dariinenchañ peniiñ homa, jije kapu kone ako, hojalo dariiganda loda ho, siisi Pinii ka dako ho ahtii ngunuka ahsa niipa.

HIBRU 12:2

Jisu mi kabii dola miitu rigiibo ho digoabiaya dopaka miinii ngunu henjemi, huna mohka hata hoka hempyo atii tola doniiñ kiipa pogyañ mi pitii nii, hiinyañ mitrḛ hempa kapa biidola, ho duku Pinii ka duko lahbi alah ho.

HIBRU 10:12

Hojalo Kristo ka bisuniisi kiirañ bisa niipa rongepada ingyamiigyanii atañpa bitii, mo dutii ku Pinii ka lahbi alah ho,

MAK KA AYAPUYU 16:19

Ho Attoh Jisu, mohlumi lurii tekula, dariiganda ho chatiiku, ho Pinii ka lahbi alah ho duku.

HIBRU 8:1

Siisi drih niihna ngunu ludunii hii sike: ngunukii sitañ bukuñ nyibu du, kone huna dunii dariiganda ho Pinii raddeduko ka lahbi alah ho,

HIBRU 6:20

nohna Jisu innenii ngunu kiipa impyo yala, bukuñ nyibupa lyila ayudahepa Melkizedek ka duchañ ho.

KOLOSIA 3:1

Hokoda nunu matiirḛ Kristo ka agiñho turiturku tiiku koda, meto drih atañmi niihna hahoho donii, nohna Kristo dunii, Pinii ka lahbi alah ho du.

ROM MIKA POL KA SIITI KENIIÑ 8:38

Niimpalukoda ngo hentiñdo shiigo jalo, sango jalo, miidopopi jalo, henjumiiju jalo, siisika drih atañ jalo, ahsanii drih atañ jalo, tamochikho jalo,

ROM MIKA POL KA SIITI KENIIÑ 8:34

hu khiilii kendo? Hii Kristo Jisu peha, huna shiibi tiinii, ḛh, huna shiinii hokii turitiikunii, huna Pinii ka lahbi alah ho dunii, huna ngunupa kubila dunii?

METHU 22:44

Attoh lutii ngiika Attoh, ngiika lahbi alah duto nii dahepa Ngo niika ahha-banii mi niika liidi ho atii tama?

HIBRU 1:3

Mo Pinii ka tatukatu mi byokur lingiido ho mohka tiihoniiñ henjujami giido, siichañmiido mi mohka aguñka harchichikelo gatu biitola. Mo ingyamiigyanii atañmi darii miite hekula, mo Pinii kahejaka lahbi alah ho duku.

1 KORINTIA 15:24

Hiikahiiba ho santrḛ kendoku, niida mo bichi ku raddeganda mi Pinii Aba mi hikha sangiinii, ho kapane otority mi ho kapane harchichike mi pyadu loke nenku lala.

MIINIIÑ 3:21

mohmi dariiganda ho atiibiikiñ do hikha miipe menda hemi Pinii ka darii nyibuhenii atañ mika lugiñ nala luniiñmi kolyuñkolo hoka.

MIINIIÑ 1:11

ho lutii, “Galili daka miyuatañ, niimpa nunu dala yapuñ ho kala da? Siika Jisu, humina nunukokii dariiganda ho chagii nekunii, ahkur kendo si chulipa niihtañpa nunu mohmi dariiganda ho chadopa kappatii.”

MAK KA AYAPUYU 12:36

David mohlya, Darii Yajiyallo lo luko kolala, lutii, Attoh lutii ngiika Attoh mi, Ngiika lahbi alah ho duto, nii dahepa ngo niika ahha-banii mi niika alih liidi ho atii tama.

HIBRU 1:13

Hojalo Pinii nii miidopopi mi lune, “Duto ngiika lahbi alah so nii dahepa ngo niika ahha-banii atañmi niika alih data naniiñpa miitema”?

LUK KA AYAPUYU 20:42

Niimpalukoda David mohlya ludo Assañbiisie ka kheta ho, Atoh ngiika Atoh mi lutii, Ngiika lahbi alah ho duto,

METHU 28:18

Ho Jisu ahtii ho mohlumi lutii, “Hikha yapuñ la kiiddiapiñ nyika otority mi ngiimi bitola do.

HIBRU 1:6

Ho hiira, mohka butu wiinga mika dohadolo soka ahgii lyiho, mo lune, “Hikha Pinii ka miidopopi atañ mohmi herii tolya.”

HIBRU 4:14

Hiiko hokiija ngunukii kaye bukuñ nyibu duku huna dariiganda mi impo biila intiinii, Jisu Pinii ka Oho, kiije ngunuka khako niimi khakañ ari khasa.

JON KA AYAPUYU 13:32

Pinii mi matiirḛ mohko assañdiilañ dokoda, Pinii tiirḛ mohmi assañdiilañ kendo mohko, ho rongepa mohmi assañdiilañ kendo.