1 PITAR 3:21 - NITI GONTU N.T. (BSI)

²¹ Baptisma laniiñ hii, siika siimi lutiñ nando, siisi nunumi lyangur do, nunuka kacho mi apo hokii lapa do hiilama hojalo Pinii mi yarla didḛr henjupa, Jisu Kristo ka turiturku kuniiñlo

1 PITAR 3:21 ပူးပေါင်းရင်းမြစ်များ

MAK KA AYAPUYU 16:16

Huna henje talyinii ho baptisma lachinii hii lyangur kokiñ doke; hojalo huna henje tamanii hii khiipa kokiñ doke.

MIINIIÑ 2:38

Ho Pitar mohlumi lutii, “Henkurto, ho kone abi baptisma lato Jisu Kristo ka armyañ pa, nunuka ingyamiigyanii atañmi hello kodu pa; ho nunu Darii Yajiyallo ka ahmiñayiñ mi larii kendoke.

GELESIA 3:27

Niimpalukoda nunu niimkane abuje baptisma latiiku Kristo ko ho hii Kristo mi giidoku.

MIINIIÑ 22:16

Ho siisi niimpa no kalyala da? Gurito ho baptisma lato, ho niika ingyamiigya atañmi ase siito, mohka armyañ mi gyobii dola.’

IPISIA 5:26

niimpalukoda mo mohlumi darii miidupa hiila, mohlumi asedupa hiila yasie loka ase sechañho aguñlo,

1 PITAR 1:3

Payapacho Pinii mi ho ngunuka Attoh Jisu Kristo ka Abami! Mohka anokahe aroh kopa ngunu nitipa buko tiiku turnii hentiñ ho Jisu Kristo ka shiiniiñ hokii ka turiturku niilo,

1 KORINTIA 12:13

Niimpalukoda Yajiyallo konelo ngunu hikha baptisma bikotii apo koneho-Jew atañ malo Grik atañ, miira atañ malo dasḛr danii atañ-ho hikha rumi miitii Yajiyallo kone mi tandopa.

KOLOSIA 2:12

ho nunu mohka agiñho alie kotiiku baptisma lakoho, hukohona nunu turiturku tiikunii Pinii ka miigo miiniiñ mika henje agiñho, humina mo shiinii hokii turdo miitiinii.

METHU 28:19

Hopa inge ho hikha ganda atañ ho henjeajiñ lyidopa miinge, baptisma bingelya Aba ho Oho ho Darii Yajiyallo ka armyañ pa,

HIBRU 9:24

Niimpalukoda Kristo ahtii, alah loka dariinenchañ peniiñ homa, jije kapu kone ako, hojalo dariiganda loda ho, siisi Pinii ka dako ho ahtii ngunuka ahsa niipa.

1 TIMOTI 6:12

Pagomi aya paju ho pato henjelo; santḛrlamanii sango mi hendi biitolya niihpana niimi gyotiinii niika abuje haki atañka hataho khadiko khako kopa .

2 KORINTIA 7:1

Ngunu ko siika hemme nii atañ hii do, ngiika ajiñ atañ, kiije ngunu atohpa harsu kusa ngunuka apo ho yajiyallo mika hikha miibḛrnii hokii, ho darii ho digoabiaya dopa miisa Pinii mi biiso biidola.

1 KORINTIA 4:6

Ngo hikha siika atañ siimi miitii ke Apollos ngiinyi ko nunuka aya sakopa, anubarmii atañ, niimpalukoda nunumi ngunu kokii chingiila keto laka doniiñ hokiila ago lima yapa, kone mi hentii biila kone mi khiipa mado pa.

MIINIIÑ 16:33

Ho mo mo anye mi ingiitii hiika ayoh ho, ho mo anye ka une mi ase bitii, ho mo nyibya loda baptisma latii, hikha mohka uru atañ agiñho.

MIINIIÑ 8:36

Ho mo anye lembo ila dokele mo anye yasie aruñho ahtii, ho eunuch lutii, “Kato, si yasie! Nii ngiika baptisma lasa niimi lutiñ lakiñ kendo?”

ROM MIKA POL KA SIITI KENIIÑ 5:14

Hojalo shiiniiñ hii Adam kokiila Mose lohepa dotii, hiiko lohepa huka ingyamiigya na Adam ka talemiile nii chuli masu tiirḛ, huna hii chuli tiinii ahsa boka kone hiilyañ.

HIBRU 11:19

Mo hiila hentii Pinii shiila ka doku niimi miina seri lakiñdo hiila; hopa, lumunala ludo koda, mo mohmi laku biitii ku.

2 KORINTIA 1:12

Ngunu ka hentii hii sike, ngunu henju ka pyakonii hiilake niihtañ pana ngunu dohadolo ho datiinii, ho abuyaya nunuka hataho, darii ho pinii henju jaho, kiiddiapiñ ka chila lomapa hojalo Pinii ka aroh-aya lo.

1 TIMOTI 1:5

hiilamapa ngunuka nunumika miitote hiila ka luniiñsi hensuniimike niihna darii ahha hokii lindonii ho henju aya ho denki henje hokii.

HIBRU 9:14

niimkane abulyakiñdo Kristo ka ai hii, huna santḛrlamanii yajiyallo lo atohmi bisu tiinii hang Pinii mi pahañ hansa giima dopa, nunuka henjumi darii miibila shiiniiñ miigo miiniiñ hokii turnii Pinii mi miiho dupa.

HIBRU 10:22

kiije ngunu ahdesa jije ahha ka agiñho poteje jijeka henje giitola, ngunuka ahha mi dariipa pisse giila kacho henju hokii ho ngunuka ahuapo mi darii yasie lo hasu giila.

HIBRU 13:18

Ngunu pa kuto lyape, niimpalukoda ngunu jije mike ludunii ngunuko didḛr henju hii doke, kapane drih atañ ho khiiko dopa miinañla.

1 PITAR 3:16

ho nunu henju mi didḛr pa atii tolya, niimpalukoda niida nunumi ayamapa miichi, hutiina nunuka aya henjumiiju mi chekhola miidonii Kristo ko hiimi hiinyañmohi dopa.

JON KA AYAPUYU 13:9

Saimon Pitar mohmi lutii, “Attoh, ngiika alih mi kontiimapa hojalo ngiika alah ho ngiika adiñ miilañmi hokoda!”